വിഇഒ പരീക്ഷാ പരിശീലനം
കാലിക്കട്ട് സർവകലാശാലാ എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോ നടത്തുന്ന 30 ദിവസത്തെ വില്ലേജ് എക്സ്റ്റൻഷൻ ഓഫീസർ പരീക്ഷാ പരിശീലനം 18ന് ആരംഭിക്കും. അറിയിപ്പ് ലഭിച്ചവർ രാവിലെ 9.45ന് സർവകലാശാലാ ടാഗോർ നികേതൻ ഹാളിൽ എത്തണം. ഫോണ് : 0494 2405540.
പരീക്ഷാ അപേക്ഷ
വിദൂരവിദ്യാഭ്യാസം/പ്രൈവറ്റ് രജിസ്ട്രേഷൻ അഞ്ചാം സെമസ്റ്റർ (സിയുസിബിസിഎസ്എസ്, 2015 മുതൽ പ്രവേശനം) ബിഎ/ ബിഎസ് സി/ ബികോം/ ബിബിഎ/ ബിഎംഎംസി/ ബിഎ അഫ്സൽഉൽഉലമ പരീക്ഷയ്ക്ക് പിഴകൂടാതെ 18 മുതൽ 28 വരെയും 170 രൂപ പിഴയോടെ ഒക്ടോബർ ഒന്ന് വരെയും ഫീസടച്ച് ഒക്ടോബർ നാല് വരെ രജിസ്റ്റർ ചെയ്യാം. അപേക്ഷയുടെ പ്രിന്റൗട്ട്, ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, 673 635 എന്ന വിലാസത്തിൽ ഒക്ടോബർ അഞ്ചിനകം ലഭിക്കണം.
പരീക്ഷ
ഒന്നാം വർഷ ബിപിഎഡ് (ഇന്റഗ്രേറ്റഡ്, 2014 മുതൽ പ്രവേശനം) റഗുലർ/സപ്ലിമെന്ററി പരീക്ഷ ഒക്ടോബർ 21ന് ആരംഭിക്കും.
എംഎ ജേർണലിസം വൈവ
കാലിക്കട്ട് സർവകലാശാല ജേർണലിസം പഠനവകുപ്പിലെ എംഎ ജേർണലിസം ആൻഡ് മാസ് കമ്യൂണിക്കേഷൻ നാലാം സെമസ്റ്റർ വൈവ 19ന് രാവിലെ പത്തിന് പഠനവകുപ്പിൽ നടക്കും.