ഒന്നാം സെമസ്റ്റർ എംഎസ്സി ഫിഷറി ബയോളജി ആൻഡ് അക്വാകൾച്ചർ പരീക്ഷകൾ 20 മുതൽ
ഒന്നാം സെമസ്റ്റർ എംഎസ്സി ഫിഷറി ബയോളജി ആൻഡ് അക്വാകൾച്ചർ (2019 അഡ്മിഷൻ റെഗുലർ) പരീക്ഷകൾ 20 മുതൽ ആരംഭിക്കും. 17 വരെയും 525 രൂപ പിഴയോടെ 18 വരെയും 1050 രൂപ സൂപ്പർഫൈനോടെ 19 വരെയും അപേക്ഷിക്കാം.
ഒന്നാം സെമസ്റ്റർ എംഎഡ് (സ്പെഷൽ എജ്യൂക്കേഷൻ ഇന്റലക്ച്വൽ ഡിസെബിലിറ്റി ദ്വിവത്സരം 2019 അഡ്മിഷൻ റെഗുലർ) പരീക്ഷകൾ മാർച്ച് മൂന്നുമുതൽ നടക്കും. 18 വരെയും 525 രൂപ പിഴയോടെ 19 വരെയും 1050 രൂപ സൂപ്പർഫൈനോടെ 20 വരെയും അപേക്ഷിക്കാം. റെഗുലർ വിദ്യാർഥികൾ 210 രൂപ സിവി ക്യാന്പ് ഫീസായി പരീക്ഷഫീസിന് പുറമെ അടയ്ക്കണം.
പുതുക്കിയ പരീക്ഷ തീയതി
2019 നവംബർ 12ന് നടത്താനിരുന്ന ഒന്നാം സെമസ്റ്റർ എംഎച്ച്എം ആൻഡ് എംടിടിഎം (2019 അഡ്മിഷൻ റെഗുലർ) പരീക്ഷകൾ 20 മുതൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
അപേക്ഷ തീയതി
അഞ്ചാം സെമസ്റ്റർ സിബിസിഎസ്എസ് സൈബർ ഫോറൻസിക് യുജി പരീക്ഷയിൽ പരാജയപ്പെട്ട വിദ്യാർഥികൾക്ക് 18മുതൽ 22 വരെയും 525 രൂപ പിഴയോടെ 24 വരെയും 1050 രൂപ സൂപ്പർഫൈനോടെ 25 വരെയും സർവകലാശാല പോർട്ടലിലൂടെ അപേക്ഷിക്കാം. വിദ്യാർഥികൾ പേപ്പറൊന്നിന് 35 രൂപ വീതം (സെമസ്റ്ററിന് പരമാവധി 210 രൂപ) സിവി ക്യാന്പ് ഫീസടയ്ക്കണം. കൂടാതെ രജിസ്ട്രേഷൻ ഫീസായി 55 രൂപയും പരീക്ഷഫീസിന് പുറമെ അടയ്ക്കണം. ഇന്റേണൽ മൂല്യനിർണയ റീഡു പരീക്ഷയ്ക്ക് അപേക്ഷിക്കുന്നവർ പേപ്പറൊന്നിന് 105 രൂപ വീതം അടയ്ക്കണം. പ്രൊജക്ട് മൂല്യനിർണയത്തിന് 80 രൂപ പ്രൊജക്ട് ഇവാല്യുവേഷൻ ഫീസടയ്ക്കണം. പരീക്ഷ തീയതി പിന്നീട്.
പ്രാക്ടിക്കൽ
2019 നവംബറിൽ നടന്ന ഒന്നാം സെമസ്റ്റർ ബിഎസ്സി സൈബർ ഫോറൻസിക് (സിബിസിഎസ് റെഗുലർ) പരീക്ഷയുടെ പ്രാക്ടിക്കൽ 19 മുതൽ 25 വരെ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
2020 ജനുവരിയിൽ നടന്ന മൂന്നാം സെമസ്റ്റർ എംപിഎഡ് (2018 അഡ്മിഷൻ റെഗുലർ, 2015 അഡ്മിഷൻ മുതൽ സപ്ലിമെന്ററി) പരീക്ഷയുടെ പ്രാക്ടിക്കൽ 25ന് മൂലമറ്റം സെന്റ് ജോസഫ്സ് അക്കാദമി ഓഫ് ഹയർ എജ്യൂക്കേഷൻ ആൻഡ് റിസേർച്ചിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
ബിടെക് പുനർമൂല്യനിർണയം; അപേക്ഷിക്കാം
സിൻഡിക്കറ്റ് മോഡറേഷൻ റദ്ദാക്കപ്പെട്ടതുമൂലം ബിടെക് ഡിഗ്രി കോഴ്സിൽ പരാജയപ്പെട്ട വിദ്യാർഥികൾക്ക് 2018 ഡിസംബറിൽ നടന്ന ഒന്നുമുതൽ എട്ടുവരെ സെമസ്റ്റർ സപ്ലിമെന്ററി പരീക്ഷകളുടെ പുനർമൂല്യനിർണയത്തിന് 20 വരെ അപേക്ഷിക്കാം. 2019 ഡിസംബർ 13ലെ വിജ്ഞാപനപ്രകാരം അപേക്ഷിച്ചവർ വീണ്ടും അപേക്ഷിക്കേണ്ടതില്ല.