ഇന്നലെ നടത്താൻ നിശ്ചയിച്ചിരുന്ന ഒന്നാം സെമസ്റ്റർ എംഎസ്‌സി ഫിഷറി ബയോളജി ആൻഡ് അക്വാകൾച്ചർ (2019 അഡ്മിഷൻ റഗുലർ) പരീക്ഷ മാർച്ച് മൂന്നിനു നടക്കും. ഇന്നലെ, മാർച്ച് രണ്ട് തീയതികളിൽ നടത്താൻ നിശ്ചയിച്ചിരുന്ന ഒന്നാം സെമസ്റ്റർ എംഎച്ച്എം ആൻഡ് എംടിടിഎം (2019 അഡ്മിഷൻ റെഗുലർ) പരീക്ഷകൾ യഥാക്രമം മാർച്ച് മൂന്ന്, അഞ്ച് തീയതികളിൽ നടക്കും. പരീക്ഷ സമയം, കേന്ദ്രം എന്നിവയ്ക്കു മാറ്റമില്ല. ടൈംടേബിൾ വെബ്സൈറ്റിൽ.
പരീക്ഷാതീയതി തൃപ്പൂണിത്തുറ ആർഎൽവി കോളജ് ഓഫ് മ്യൂസിക് ആൻഡ് ഫൈൻ ആർട്സിലെ ഒന്നാം വർഷ തിയറി (പാർട്ട് 2) പരീക്ഷകൾ മാർച്ച് 16ന് ആരംഭിക്കും. അവസാന വർഷ തിയറി (പാർട്ട് 2 പെയിന്‍റിംഗ്, സ്കൾപ്ചർ) പരീക്ഷകൾ മാർച്ച് 16ന് തുടങ്ങും. അവസാന വർഷ തിയറി (പാർട്ട് 2 അപ്ലൈഡ് ആർട്ട്) പരീക്ഷകൾ മാർച്ച് 19ന് ആരംഭിക്കും. മാർച്ച് രണ്ടുവരെയും 525 രൂപ പിഴയോടെ മാർച്ച് മൂന്നിനും 1050 രൂപ സൂപ്പർഫൈനോടെ മാർച്ച് നാലിനും അപേക്ഷിക്കാം. ടൈംടേബിൾ വെബ്സൈറ്റിൽ.
അപേക്ഷാ തീയതി അഞ്ചും ആറും സെമസ്റ്റർ ബിഎ/ബികോം (സിബിസിഎസ് 2017 അഡ്മിഷൻ റെഗുലർ പ്രൈവറ്റ് രജിസ്ട്രേഷൻ) പരീക്ഷകൾക്ക് മാർച്ച് രണ്ടു വരെയും 525 രൂപ പിഴയോടെ മാർച്ച് നാലുവരെയും 1050 രൂപ സൂപ്പർ ഫൈനോടെ മാർച്ച് അഞ്ചുവരെയും അപേക്ഷിക്കാം. വിദ്യാർഥികൾ 135 രൂപ പ്രൊവിഷണൽ സർട്ടിഫിക്കറ്റ് ഫീസായി അടയ്ക്കണം. 30 രൂപ ആപ്ലിക്കേഷൻ ഫീസും പേപ്പറൊന്നിന് 35 രൂപ വീതം (പരമാവധി 210 രൂപ) സിവി ക്യാന്പ് ഫീസായി പരീക്ഷാ ഫീസിനു പുറമെ അടയ്ക്കണം. ബിഎ വിദ്യാർഥികൾ അസിസ്റ്റന്‍റ് രജിസ്ട്രാർ 4 (പരീക്ഷ വിഭാഗം), ബികോം വിദ്യാർഥികൾ അസിസ്റ്റന്‍റ് രജിസ്ട്രാർ 10 (പരീക്ഷ വിഭാഗം) നുമാണ് അപേക്ഷ നൽകേണ്ട ത്.
പരീക്ഷാഫലം 2019 മാർച്ചിലെ മൂന്നാം സെമസ്റ്റർ എംഎസ്‌സി ഫിഷറി ബയോളജി ആൻഡ് അക്വാകൾച്ചർ (റഗുലർ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് മാർച്ച് 11 വരെ അപേക്ഷിക്കാം.
2019 ഓഗസ്റ്റിൽ നടന്ന നാലാം സെമസ്റ്റർ പഞ്ചവത്സര ഇന്‍റഗ്രേറ്റഡ് ഡബിൾ ഡിഗ്രി ബിഎ എൽഎൽബി (ഓണേഴ്സ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനയ്ക്കും മാർച്ച് 12 വരെ അപേക്ഷിക്കാം.
പ്രോജക്ട് അസോസിയേറ്റ്/അസിസ്റ്റന്‍റ്; അപേക്ഷിക്കാം സർവകലാശാലയിലെ സ്ട്രൈഡ് സ്കീമിൽ പ്രൊജക്ട് അസോസിയേറ്റിനെയും പ്രോജക്ട് അസിസ്റ്റന്‍റിനെയും കരാറടിസ്ഥാനത്തിൽ നിയമിക്കാൻ അപേക്ഷ ക്ഷണിച്ചു. ഒരു വർഷത്തേക്കാണു നിയമനം. പ്രോജക്ട് അസോസിയേറ്റ് യോഗ്യത: സയൻസ്/ടെക്നോളജിയിൽ പിഎച്ച്ഡി, ഭരണം/അധ്യാപനം, ഗവേഷണം/പ്രോജക്ട് എന്നിവയിൽ പരിചയം, ഇംഗ്ലീഷിലും മലയാളത്തിലും എഴുതാനും ആശയവിനിമയം നടത്താനുമുള്ള നൈപുണ്യം, പ്രസാധനം, ഐടി നൈപുണ്യം എന്നിവ അഭികാമ്യം. മാസം 55,000 രൂപ ലഭിക്കും. പ്രോജക്ട് അസിസ്റ്റന്‍റ് യോഗ്യത: സോഷ്യൽ സയൻസിൽ മാസ്റ്റേഴ്സ് ഡിഗ്രി. റിസർച്ച്/പ്രോജക്ട് പരിചയം, ഐടി നൈപുണ്യം, ഇംഗ്ലീഷിലും മലയാളത്തിലും എഴുതാനും ആശയവിനിമയം നടത്താനുമുള്ള നൈപുണ്യം എന്നിവ അഭികാമ്യം. മാസം 25,000 രൂപ ലഭിക്കും. അപേക്ഷ മാർച്ച് 12നകം
[email protected] എന്ന ഇ മെയിൽ വിലാസത്തിൽ അയയ്ക്കണം.
സെനറ്റ്: സ്ഥാനാർഥി പട്ടിക സർവകലാശാല സെനറ്റ് തെരഞ്ഞെടുപ്പിനുള്ള വിവിധ നിയോജകമണ്ഡലങ്ങളിലെ അന്തിമ സ്ഥാനാർഥി പട്ടിക സംബന്ധിച്ച വിജ്ഞാപനം പ്രസിദ്ധീകരിച്ചു. സർവകലാശാല വെബ് സൈറ്റിൽ ലഭിക്കും.