കേരള സർവകലാശാല നടത്തുന്ന നാലാം സെമസ്റ്റർ ബിരുദാനന്തര ബിരുദം, നാലാം സെമസ്റ്റർ ബിരുദം (സിആർ സിബിസിഎസ്എസ്, സിബിസിഎസ്എസ്), നാലാം സെമസ്റ്റർ സിഎസ്എസ്, അഞ്ചാം സെമസ്റ്റർ എൽഎൽബി എന്നിവയുടെ പരീക്ഷകൾക്ക് സർവകലാശാല പരിധിക്കു പുറത്തുള്ള പത്ത് ജില്ലകളിലും ലക്ഷദ്വീപിലും പരീക്ഷാകേന്ദ്രങ്ങൾ സജ്ജീകരിച്ച് അതതു ജില്ലകളിലെ വിദ്യാർഥികൾക്ക് പരീക്ഷ എഴുതുന്നതിനുള്ള സംവിധാനം സർവകലാശാല സജ്ജമാക്കി.
സർവകലാശാല പരിധിക്കുള്ളിൽ വിദ്യാർഥികൾക്ക് ഏറ്റവും അടുത്തുള്ള അഫിലിയേറ്റഡ് കോളജ് പരീക്ഷാകേന്ദ്രമായി തെരഞ്ഞെടുക്കുന്നതിനുളള അവസരവും നൽകിയിരുന്നു. ഇതിനു പുറമേയാണ് മറ്റുള്ള ജില്ലകളിലും പരീക്ഷാകേന്ദ്രങ്ങൾ അനുവദിച്ചത്.
ഗവണ്മെന്റ് കോളജ് കാസർഗോഡ്, ഗവണ്മെന്റ് വനിതാ കോളേജ് കണ്ണൂർ, ഗവണ്മെന്റ് കോളജ് കൽപ്പറ്റ, ഗവണ്മെന്റ് ആർട്സ് കോളജ് കോഴിക്കോട്, ഗവണ്മെന്റ് കോളജ് മലപ്പുറം, ഗവണ്മെന്റ് വിക്ടോറിയ കോളജ് പാലക്കാട്, ഗവണ്മെന്റ് ട്രെയിനിംഗ് കോളജ് തൃശൂർ, മഹാരാജാസ് കോളജ് എറണാകുളം, ഗവണ്മെന്റ് കോളജ് കട്ടപ്പന, ഗവണ്മെന്റ് കോളജ് മൂന്നാർ, ഗവണ്മെന്റ് കോളജ്, നാട്ടകം, ഗവണ്മെന്റ് ഗേൾസ് സീനിയർ സെക്കൻഡറി സ്കൂൾ കവരത്തി, ലക്ഷദ്വീപ് എന്നിവയാണ് മറ്റു പരീക്ഷാകേന്ദ്രങ്ങൾ. സർവകലാശാല പരിധിക്കു പുറത്തുള്ള ജില്ലകളിലെ വിദ്യാർഥികൾ അതതു ജില്ലകളിലെ പരീക്ഷാ കേന്ദ്രങ്ങളിൽ പരീക്ഷ തുടങ്ങുന്നതിന് അര മണിക്കൂർ മുൻപേ ഹാൾടിക്കറ്റുമായി ഹാജരാകണം.
കോവിഡ് 19 മായി ബന്ധപ്പെട്ട വ്യക്തമായ കാരണങ്ങൾ കൊണ്ട് പരീക്ഷയ്ക്ക് ഹാജരാകാൻ കഴിയാത്ത വിദ്യാർഥികൾക്ക് ബന്ധപ്പെട്ട റവന്യൂ അധികാരികളുടെ രേഖകൾ ഹാജരാക്കുന്നവർക്ക് മാത്രം അനുകൂല സാഹചര്യം സംജാതമാകുന്പോൾ പ്രത്യേക പരീക്ഷ നടത്തുന്നതായിരിക്കുമെന്ന് സർവകലാശാല അറിയിച്ചു. കോവിഡ് പ്രോട്ടോക്കോൾ പാലിച്ച് പരീക്ഷകൾക്ക് വേണ്ട വിപുലമായ സജ്ജീകരണങ്ങൾ ഒരുക്കിയിട്ടുണ്ടെന്നും സർവകലാശാല അറിയിച്ചു.
പ്രാക്ടിക്കൽ
ഇന്ന് ഗവ.കോളജ്, നെടുമങ്ങാട് നടത്താനിരുന്ന ആറാം സെമസ്റ്റർ ബിഎസ്സി ഫിസിക്സ് ആൻഡ് കന്പ്യൂട്ടർ ആപ്ലിക്കേഷൻസ് കോഴ്സിന്റെ ഫിസിക്സ് പ്രാക്ടിക്കൽ (ഓപ്റ്റിക്സ് ആൻഡ് ഇലക്ട്രോണിക്സ്) ജൂലൈ ആറിലേക്ക് മാറ്റി.
ടൈംടേബിൾ
2020 ജൂണ് 15 നും ജൂണ് 22 നും നടത്താനിരുന്ന നാലാം വർഷ, ഒന്നാം വർഷ ബിഎഫ്എ പരീക്ഷകൾ യഥാക്രമം ഓഗസ്റ്റ് നാല്, ഓഗസ്റ്റ് 10 ലേക്കും പുനഃക്രമീകരിച്ചിരിക്കുന്നു. വിശദമായ ടൈംടേബിൾ വെബ്സൈറ്റിൽ.
2020 ജൂണ് 15ന് നടത്താനിരുന്ന ഒന്നാം സെമസ്റ്റർ എംഎഫ്എ (പെയിന്റിംഗ് ആൻഡ് സ്കൾപ്ച്ചർ) പരീക്ഷകൾ ഓഗസ്റ്റ് നാലിലേക്ക് പുനഃക്രമീകരിച്ചിരിക്കുന്നു. വിശദമായ ടൈംടേബിൾ വെബ്സൈറ്റിൽ.
പരീക്ഷാകേന്ദ്രങ്ങൾ
ഏഴിന് ആരംഭിക്കുന്ന ബിഎ പാർട്ട് ഒന്ന് ആൻഡ് രണ്ട് (ആന്വൽ സ്കീം) ഡിഗ്രി സപ്ലിമെന്ററി സെപ്റ്റംബർ 2019 സെഷൻ പരീക്ഷാകേന്ദ്രങ്ങളിൽ മാറ്റമുണ്ട്. വിശദവിവരങ്ങൾ വെബ്സൈറ്റിൽ.
ഏഴിന് ആരംഭിക്കുന്ന ബിഎ പാർട്ട് ഒന്ന് & രണ്ട് (ആന്വൽ സ്കീം) ഡിഗ്രി സപ്ലിമെന്ററി സെപ്റ്റംബർ 2019 സെഷൻ പരീക്ഷകൾക്ക് പരീക്ഷാകേന്ദ്രമായി ഗവ.കോളജ്, നെടുമങ്ങാട് അപേക്ഷിച്ച ആണ്കുട്ടികൾ ഗവ.കോളജ്, ആറ്റിങ്ങലും, പെണ്കുട്ടികൾ ഗവ.വിമൻസ് കോളജ്, തിരുവന്തപുരത്തും ഓൾ സെയിന്റ്സ് കോളജ്, തിരുവനന്തപുരം അപേക്ഷിച്ച പെണ്കുട്ടികൾ ഗവ.വിമൻസ് കോളജ്, തിരുവനന്തപുരത്തും ഗവ.വിമൻസ് കോളജ്, തിരുവനന്തപുരം അപേക്ഷിച്ച ആണ്കുട്ടികൾ എം.ജി കോളജ്, തിരുവനന്തപുരത്തും ഗവ.സംസ്കൃത കോളജ്, തിരുവനന്തപുരം അപേക്ഷിച്ച വിദ്യാർഥികൾ കെഎൻഎം ആർട്സ് ആന്റ് സയൻസ് കോളജ്, കാഞ്ഞിരംകുളത്തും (സെൽഫ് ഫിനാൻസിംഗ്) കെഎൻഎംഗവ.കോളജ്, കാഞ്ഞിരംകുളം അപേക്ഷിച്ച വിദ്യാർഥികൾ കെഎൻഎം ആർട്സ് ആൻഡ് സയൻസ് കോളജ്, കാഞ്ഞിരംകുളത്തും (സെൽഫ് ഫിനാൻസിംഗ്) ഇക്ബാൽ കോളജ്, പെരിങ്ങമ്മല അപേക്ഷിച്ച വിദ്യാർഥികൾ എംജി കോളജ്, തിരുവനന്തപുരം മാർ ഈവാനിയോസ് കോളജ്, തിരുവനന്തപുരം അപേക്ഷിച്ച വിദ്യാർത്ഥികൾ എസ്.എൻ കോളജ്, ചെന്പഴന്തിയിലും യൂണിവേഴ്സിറ്റി കോളജ്, തിരുവനന്തപുരം അപേക്ഷിച്ച വിദ്യാർഥികൾ എ.ജെ.കോളജ് ഓഫ് സയൻസ് ആൻഡ് ടെക്നോളജി, തോന്നയ്ക്കലും ഡി.ബി.കോളജ്, ശാസ്താംകോട്ട, എഫ്എൻഎം കോളജ്, കൊല്ലം, ബിജെഎം കോളജ്, ചവറ, എസ്എൻ കോളജ് ഫോർ വിമൻ, കൊല്ലം എന്നിവ പരീക്ഷാകേന്ദ്രമായി അപേക്ഷിച്ച വിദ്യാർഥികൾ എസ്എൻ കോളജ്, കൊല്ലത്തും എസ്എൻ കോളജ്, ചേർത്തല, സെന്റ് ജോസഫ്സ് കോളജ് ഫോർ വിമൻ, ആലപ്പുഴ എന്നിവ പരീക്ഷാകേന്ദ്രമായി അപേക്ഷിച്ച വിദ്യാർഥികൾ എസ്ഡി കോളജ്, ആലപ്പുഴയിലും പരീക്ഷ എഴുതണം. മറ്റു വിദ്യാർഥികൾ അവർ അപേക്ഷിച്ച പരീക്ഷാകേന്ദ്രങ്ങളിൽ തന്നെ പരീക്ഷ എഴുതണം. ഓഫ്ലൈൻ വിദ്യാർഥികൾ ഹാൾടിക്കറ്റ് പുതുക്കിയ പരീക്ഷാകേന്ദ്രങ്ങളിൽ നിന്നും കൈപ്പറ്റി അവിടെത്തന്നെ പരീക്ഷ എഴുതണം. ഈ അറിയിപ്പ് റെഗുലർ വിദ്യാർഥികൾക്ക് ബാധകമല്ല.
പരീക്ഷാഫലം
എംബിഎ ഒന്നാം സെമസ്റ്റർ 2000 സ്കീം ഫുൾടൈം, ഒന്ന്, മൂന്ന്, നാല്, അഞ്ച് സെമസ്റ്ററുകളുടെ (2000 സ്കീം പാർട്ട് ടൈം), ഒന്ന്, മൂന്ന്, നാല്, അഞ്ച് സെമസ്റ്ററുകളുടെ (2003 സ്കീം ഈവനിംഗ്) ഒന്ന്, രണ്ട് സെമസ്റ്ററുകൾ (2006 സ്കീം പാർട്ട് ടൈം), ഒന്ന്, രണ്ട്, മൂന്ന്, നാല് സെമസ്റ്ററുകളുടെ (2009 സ്കീം ഫുൾടൈം/റെഗുലർ ഈവനിംഗ്), എന്നീ മേഴ്സിചാൻസ് പരീക്ഷകളുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.