ഒന്നാം സെമസ്റ്റർ ബിഎച്ച്എം സമയക്രമം ഉച്ചകഴിഞ്ഞ് 1.30 മുതൽ 4.30 വരെ
ജൂലൈ മൂന്നു മുതൽ നടത്താൻ നിശ്ചയിച്ചിരിക്കുന്ന ഒന്നാം സെമസ്റ്റർ ബിഎച്ച്എം (2019 അഡ്മിഷൻ റഗുലർ,സപ്ലിമെന്ററി) പരീക്ഷയുടെ സമയക്രമം ഉച്ചകഴിഞ്ഞ് 1.30 മുതൽ 4.30 വരെയായി (വെള്ളിയാഴ്ചകളിൽ ഉച്ചകഴിഞ്ഞ് രണ്ടുമുതൽ അഞ്ചുവരെ) പുനഃക്രമീകരിച്ചു.
ജൂലൈ 10 മുതൽ നടത്താൻ നിശ്ചയിച്ചിരിക്കുന്ന നാലാം സെമസ്റ്റർ എൽഎൽബി (റഗുലർ,സപ്ലിമെന്ററി) പരീക്ഷയുടെ സമയക്രമം ഉച്ചകഴിഞ്ഞ് 1.30 മുതൽ 4.30 വരെയായി (വെള്ളിയാഴ്ചകളിൽ ഉച്ചകഴിഞ്ഞ് രണ്ടുമുതൽ അഞ്ചുവരെ) പുനഃക്രമീകരിച്ചു.
പരീക്ഷ തീയതി
നാലാം സെമസ്റ്റർ ബിപിഎഡ് (2018 അഡ്മിഷൻ റഗുലർ, 2015 അഡ്മിഷൻ മുതൽ സപ്ലിമെന്ററി) പരീക്ഷകൾ 22 മുതൽ ആരംഭിക്കും. ജൂലൈ നാലുവരെയും 525 രൂപ പിഴയോടെ ആറുവരെയും 1050 രൂപ സൂപ്പർഫൈനോടെ ഏഴുവരെയും അപേക്ഷിക്കാം. വിശദമായ ടൈംടേബിൾ സർവകലാശാല വെബ്സൈറ്റിൽ.
നാലാം സെമസ്റ്റർ എംപിഎഡ് (2018 അഡ്മിഷൻ റെഗുലർ, 2013 മുതൽ അഡ്മിഷൻ സപ്ലിമെന്ററി,മേഴ്സി ചാൻസ്) പരീക്ഷകൾ 22 മുതൽ ആരംഭിക്കും. നാലുവരെയും 525 രൂപ പിഴയോടെ ജൂലൈ ആറുവരെയും 1050 രൂപ സൂപ്പർഫൈനോടെ ജൂലൈ ഏഴുവരെയും അപേക്ഷിക്കാം. റഗുലർ വിദ്യാർഥികൾ 210 രൂപയും വീണ്ടുമെഴുതുന്നവർ പേപ്പറൊന്നിന് 45 രൂപ വീതവും (പരമാവധി 210 രൂപ) സിവി ക്യാന്പ് ഫീസായി പരീക്ഷഫീസിന് പുറമെ അടയ്ക്കണം. നാലാം സെമസ്റ്റർ എംപിഎഡ് റഗുലർ വിദ്യാർഥികൾ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി 135 രൂപയും അടയ്ക്കണം. വിശദമായ ടൈംടേബിൾ സർവകലാശാല വെബ്സൈറ്റിൽ.
അപേക്ഷ തീയതി
എട്ടാം സെമസ്റ്റർ ബിപിഇഎസ് (2016 അഡ്മിഷൻ) പരീക്ഷയുടെ പ്രോജക്്ട് മൂല്യനിർണയത്തിന് ആറുവരെയും 525 രൂപ പിഴയോടെ ഏഴുവരെയും 1050 രൂപ സൂപ്പർഫൈനോടെ എട്ടുവരെയും അപേക്ഷിക്കാം.
പരീക്ഷഫലം
2019 ഓഗസ്റ്റിൽ സ്കൂൾ ഓഫ് എൻവയണ്മെന്റൽ സയൻസസിൽ നടത്തിയ രണ്ടാം സെമസ്റ്റർ എംഎസ്സി എൻവയണ്മെന്റ് സയൻസ് ആൻഡ് മാനേജ്മെന്റ്, എംഎസ്സി എൻവയണ്മെന്റ് സയൻസ് ആൻഡ്് ഡിസാസ്റ്റർ മാനേജ്മെന്റ് (സിഎസ്എസ്, 20182020 ബാച്ച്) പരീക്ഷകളുടെ ഫലം പ്രസിദ്ധീകരിച്ചു.
പിജി ബോർഡ് ചെയർമാൻമാരുടെ യോഗം
നാലാം സെമസ്റ്റർ പിജി ഡിഗ്രി പരീക്ഷയുടെ പ്രാക്ടിക്കൽ, പ്രൊജക്ട്, വൈവ എന്നിവയുടെ നടത്തിപ്പുമായി ബന്ധപ്പെട്ട് ബോർഡ് ചെയർമാ·ാരുടെ ഓണ്ലൈൻ യോഗം രണ്ടിന് രാവിലെ 11.30ന് നടക്കും. യോഗത്തിൽ പങ്കെടുക്കാനുള്ള ഓണ്ലൈൻ സംവിധാനത്തിന്റെ ലിങ്ക് ചെയർമാന്മാരുടെ ഇമെയിലിലേക്ക് ലഭ്യമാക്കിയിട്ടുണ്ട്. എല്ലാവരും കൃത്യമായി പങ്കെടുക്കണമെന്ന് പരീക്ഷ കണ്ട്രോളർ അറിയിച്ചു.