ഒന്നാം വർഷ ബിരുദ പ്രവേശനം 2020 ട്രയൽ അലോട്ട്മെന്റ് പ്രസിദ്ധീകരിച്ചു
202021 അധ്യയന വർഷത്തിലെ ബിരുദ കോഴ്സുകളിലേക്ക് പ്രവേശനത്തിനുളള ട്രയൽ അലോട്ട്മെന്റ് () വെബ്സൈറ്റിൽ പ്രസിദ്ധപ്പെടുത്തി. ട്രയൽ അലോട്ട്മെന്റ് പരിശോധിച്ചതിനു ശേഷം വിദ്യാർഥികൾക്ക് ഓപ്ഷനുകൾ ചേർക്കുന്നതിനും പുനഃക്രമീകരിക്കുന്നതിനും 17നു ഉച്ചകഴിഞ്ഞ് മൂന്നുവരെ സമയം ഉണ്ടായിരിക്കും.. മാറ്റങ്ങൾ വരുത്തുന്നവർ പുതിയ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കണം.
ട്രയൽ അലോട്ട്മെന്റ് കഴിഞ്ഞ് വിദ്യാർഥികൾ ഓപ്ഷനുകളിൽ മാറ്റങ്ങൾ വരുത്തുന്നതിനാൽ ട്രയൽ അലോട്ട്മെന്റിൽ ലഭിച്ച കോളജുകൾക്കും കോഴ്സുകൾക്കും മാറ്റങ്ങൾ വരുവാൻ സാധ്യതയുണ്ട്.
ഓണ്ലൈൻ അപേക്ഷയുടെ അവസാന തീയതി 17നു വൈകുന്നേരം അഞ്ച്വരെ. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയയ്ക്കരുത്.
പി.ജി പ്രാക്ടിക്കൽ
നാലാം സെമസ്റ്റർ പി.ജി പോളിമർ കെമിസ്ട്രി പ്രാക്ടിക്കൽ പരീക്ഷയും ബിഷപ്പ് മൂർ കോളജ്, മാവേലിക്കര, എംഎംഎൻഎസ്എസ് കോളജ്, കൊട്ടിയം, എൻഎസ്എസ് കോളജ്, പന്തളം, എസ്ഡി കോളജ്, ആലപ്പുഴ, എസ്എൻ കോളജ് ഫോർ വിമെൻ, കൊല്ലം, എസ്എൻ കോളജ്, ശിവഗിരി, എസ്എൻ കോളജ്, പുനലൂർ, ടികെഎം കോളജ്, കൊല്ലം, ഇമ്മാനുവേൽ കോളജ്, വാഴിച്ചൽ എന്നീ കേന്ദ്രങ്ങളിലെ മാത്രം പി.ജി ഫിസിക്സ് പ്രാക്ടിക്കൽ പരീക്ഷയും 18ന് ആരംഭിക്കും. മറ്റു കേന്ദ്രങ്ങളിലെ ഫിസിക്സ് പ്രാക്ടിക്കൽ പരീക്ഷയുടെ തീയതി പിന്നീട് അറിയിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
വൈവ വോസി
നാലാം സെമസ്റ്റർ എംഎസ്സി കന്പ്യൂട്ടർ സയൻസിന്റെ വൈവാ വോസി പരീക്ഷ 17ന് ആരംഭിക്കും. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഒന്നാം വർഷ ബിരുദം രണ്ടാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികോം (2013 അഡ്മിഷൻ മേഴ്സിചാൻസ്) പരീക്ഷകൾക്ക് 22 വരെയും 150 രൂപ പിഴയോടെ 25 വരെയും 400 രൂപ പിഴയോടെ 27 വരെയും ഓണ്ലൈനായി അപേക്ഷിക്കാം. വിശദമായ വിജ്ഞാപനം സർവകലാശാല വെബ്സൈറ്റിൽ.
പരീക്ഷാഫലം
2019 ഒക്ടോബറിൽ നടത്തിയ മൂന്നാം സെമസ്റ്റർ ബിഎ (വിദൂരവിദ്യാഭ്യാസം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിന് ഓണ്ലൈനായി 20വരെ അപേക്ഷിക്കാം. കരട് മാർക്ക് ലിസ്റ്റ് സ്റ്റുഡന്റ് പോർട്ടലിൽ ലഭ്യമാണ്.