ഒന്നാം വർഷ ബിരുദ പ്രവേശനം: രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു; 22മുതൽ കോളജുകളിൽ പ്രവേശനം നേടാം
കേരളസർവകലാശാലയുടെ 202021 അധ്യയന വർഷത്തെ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് () പ്രസിദ്ധപ്പെടുത്തി. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. ഒന്നാം ഘട്ട അലോട്ട്മെന്റ് ലഭിക്കാത്തവരും എന്നാൽ രണ്ടാം ഘട്ടത്തിൽ പുതുതായി അലോട്ട്മെന്റ് ലഭിക്കുകയും ചെയ്ത അപേക്ഷകർ ഓണ്ലൈനായി അഡ്മിഷൻ ഫീസ് അടച്ച് തങ്ങളുടെ അലോട്ട്മെന്റ് ഉറപ്പാക്കണം. ഒന്നാം ഘട്ട അലോട്ട്മെന്റ് ലഭിച്ച് അഡ്മിഷൻ ഫീസ് അടച്ചവർ രണ്ടാം ഘട്ട അലോട്ട്മെന്റിൽ ഹയർ ഓപ്ഷനുകളിൽ ഏതെങ്കിലും ലഭിച്ചാൽ അഡ്മിഷൻ ഫീസ് വീണ്ടും അടയ്ക്കേണ്ടതില്ല.
അലോട്ട്മെന്റ് ലഭിച്ച് ഓണ്ലൈനായി ഫീസ് അടച്ച അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത ശേഷം അലോട്ട്മെന്റ് മെമ്മോയുടെ പ്രിന്റ് എടുക്കാം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ നിന്ന് ലഭിക്കും. മെമ്മോയിൽ പറഞ്ഞിരിക്കുന്ന തീയതികളിൽ യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം (കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) കോളജിൽ ഹാജരായി അഡ്മിഷൻ എടുക്കണം.
കോവിഡ് മഹാമാരിയുമായി ബന്ധപ്പെട്ട പ്രോട്ടോകോൾ നിർബന്ധമായും പാലിക്കണം. വിശദവിവരം സർവകലാശാല വെബ്സൈറ്റിൽ.
വൈവ വോസി
ആറാം സെമസ്റ്റർ യൂണിറ്ററി ത്രിവത്സര എൽഎൽബി (ജൂണ് 2020) പരീക്ഷയുടെ വൈവ വോസി ഒക്ടോബർ 12ന് ആരംഭിക്കും. പ്രസ്തുത പരീക്ഷ സിഎസ്ഐ ഇൻസ്റ്റിറ്റ്യൂട്ട് ഓഫ് ലീഗൽ സ്റ്റഡീസ്, ചെറുവാരക്കോണത്ത് ഒക്ടോബർ 12 നും ഗവ.ലോ കോളജ് തിരുവനന്തപുരത്ത് ഒക്ടോബർ 13, 14, 15, 16 തീയതികളിലും കേരള ലോ അക്കാഡമി ലോ കോളജ് തിരുവനന്തപുരത്ത് ഒക്ടോബർ 19, 20, 21, 22, 27, 28 എന്നീ തീയതികളിലും നടക്കും. വിദ്യാർഥികൾ ഹാൾടിക്കറ്റുമായി രാവിലെ 9.30ന് തന്നെ ഹാജരാകണം. കോവിഡ് പശ്ചാത്തലത്തിൽ പ്രസ്തുത കോളജുകളിൽ ഹാജരാകാൻ കഴിയാത്ത വിദ്യാർഥികൾ ഓണ്ലൈൻ വൈവയ്ക്കായി ഒക്ടോബർ അഞ്ചിന് മുൻപ് കോളജ് പ്രിൻസിപ്പൽമാർക്ക് അപേക്ഷ നൽകണം. വിശദമായ ടൈംടേബിൾ വെബ്സൈറ്റിൽ.
ആറാം സെമസ്റ്റർ എംസിഎ പ്രോജക്ട് ആൻഡ് വൈവ റെഗുലർ ആൻഡ് സപ്ലിമെന്ററി (2015 സ്കീം), സപ്ലിമെന്ററി (2011 സ്കീം 2014 അഡ്മിഷൻ മാത്രം) പരീക്ഷ 22, 23, 24, 25 എന്നീ തീയതികളിൽ അതതു കോളജുകളിൽ നടക്കും. വിശദമായ ടൈംടേബിൾ വെബ്സൈറ്റിൽ.
കേരളസർവകലാശാലയുടെ അഞ്ചാം സെമസ്റ്റർ ബിടെക്. സിവിൽ എൻജിനിയറിംഗ് ബ്രാഞ്ച് (2013 സ്കീം) “പ്രാക്ടിക്കൽ സർവേയിയിംഗ് രണ്ട്”, “കോണ്ക്രീറ്റ് ലാബ്”, എന്നീ വിഷയങ്ങളുടെ പ്രാക്ടിക്കൽ പരീക്ഷകൾ 25 ന് കോളജ് ഓഫ് എൻജിനിയറിംഗ്, തിരുവനന്തപുരം (CET) സെന്ററിൽ നടത്തും. വിശദവിവരങ്ങൾ വെബ്സൈറ്റിൽ.
യുഐടി പ്രിൻസിപ്പൽ അഭിമുഖം
കേരളസർവകലാശാലയുടെ കീഴിലുള്ള വിവിധ യുഐടികളിലേക്ക് കരാറടിസ്ഥാനത്തിൽ പ്രിൻസിപ്പൽമാരെ തെരഞ്ഞെടുക്കുന്നതിലേക്കായുളള അഭിമുഖം 23ന് രാവിലെ 11ന് സർവകലാശാലയുടെ പാളയം കാന്പസിൽ നടത്തും. അഭിമുഖത്തിന് ഹാജരാകുന്നതിനുളള മെമ്മോ ലഭിച്ചവർ മെമ്മോയും ബന്ധപ്പെട്ട സർട്ടിഫിക്കറ്റുകളുടെ ഒറിജിനലുകളുമായി മെമ്മോയിൽ പറഞ്ഞിരിക്കുന്ന സമയത്ത് റിപ്പോർട്ട് ചെയ്യണം.
പരീക്ഷാഫലം
2019 സെപ്റ്റംബറിൽ നടന്ന രണ്ട്, നാല്, ആറ്, എട്ട് സെമസ്റ്റർ പഞ്ചവത്സര എംബിഎ (ഇന്റഗ്രേറ്റഡ്)/ ബിഎംഎംഎഎം (2015 സ്കീം) പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
2019 നവംബറിൽ നടത്തിയ ബിഎസ്സി എൻവയോണ്മെന്റ് ആൻഡ് വാട്ടർ മാനേജ്മെന്റ്, ബിഎസ്സി ഫിസിക്സ് ആൻഡ് കന്പ്യൂട്ടർ ആപ്ലിക്കേഷൻസ് (റീസ്ട്രക്ച്ചേർഡ്,മേഴ്സി ചാൻസ് 2008 അഡ്മിഷൻ ആൻഡ് സപ്ലിമെന്ററി 2009 അഡ്മിഷൻ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2019 നവംബറിൽ നടത്തിയ രണ്ടാം സെമസ്റ്റർ ബിഎസ്സി. കെമിസ്ട്രി ആൻഡ് ഇൻഡസ്ട്രിയൽ കെമിസ്ട്രി (റീസ്ട്രക്ച്ചേർഡ്, മേഴ്സിചാൻസ് 2008 അഡ്മിഷൻ ആൻഡ് സപ്ലിമെന്ററി 2009 അഡ്മിഷൻ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ അഞ്ച്വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2019 നവംബറിൽ നടത്തിയ രണ്ടാം സെമസ്റ്റർ ബികോം ടൂറിസം ആൻഡ് ട്രാവൽ മാനേജ്മെന്റ് (റീസ്ട്രക്ച്ചേർഡ്, മേഴ്സിചാൻസ് 2008 അഡ്മിഷൻ വരെ, സപ്ലിമെന്ററി 2009 അഡ്മിഷൻ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ അഞ്ച്വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2020 ജൂണിൽ നടത്തിയ അവസാന വർഷ (ഓണ്ലൈൻ) ബിഎ അറബിക്/ബിഎ അഫ്സൽഉൽഉലമ (ആന്വൽ സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി 28 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ. കരട് മാർക്ക് ലിസ്റ്റ് വെബ്സൈറ്റിൽ.
പരീക്ഷാഫീസ്
ഒന്നും രണ്ടും വർഷ ബിബിഎ (റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷകൾക്ക് പിഴകൂടാതെ 30 വരെയും 150 രൂപ പിഴയോടെ ഒക്ടോബർ ആറുവരെയും 400 രൂപ പിഴയോടെ ഒക്ടോബർ എട്ടുവരെയും അപേക്ഷിക്കാം. റെഗുലർ വിദ്യാർഥികൾ ഒരു പേപ്പറിന് 125 രൂപയും 100 രൂപ മാർക്ക് ലിസ്റ്റ് ഫീസായും 200 രൂപ ക്യാന്പ് ഫീസായും അടയ്ക്കണം. ഇംപ്രൂവ്മെന്റ്, സപ്ലിമെന്ററി വിഭാഗക്കാർ ഓരോ പേപ്പറിന് 150 രൂപയും 100 രൂപ രജിസ്ട്രേഷൻ ഫീസും 100 രൂപ മാർക്ക് ലിസ്റ്റിനും 200 രൂപ ക്യാന്പ് ഫീസായും അടയ്ക്കണം. ഇവയ്ക്കുപുറമെ അഞ്ച് ശതമാനം സെസായും അടയ്ക്കണം. വിശദവിവരങ്ങൾ വെബ്സൈറ്റിൽ.
തുടർവിദ്യാഭ്യാസവ്യാപനകേന്ദ്രം പരീക്ഷകൾ
തുടർ വിദ്യാഭ്യാസ വ്യാപനകേന്ദ്രം നടത്തുന്ന പിജി ഡിപ്ലോമ കൗണ്സിലിംഗ് സൈക്കോളജി സപ്ലിമെന്ററി പരീക്ഷ 28, 29, 30, ഒക്ടോബർ ഒന്ന്, മൂന്ന് തീയതികളിൽ നടത്തും. പരീക്ഷാകേന്ദ്രത്തിന് മാറ്റമില്ല. ടൈംടേബിൾ സർവകലാശാല വെബ്സൈറ്റിൽ ഡിപ്പാർട്ട്മെന്റ്/സെന്റർ എന്ന പേജിൽ ലഭ്യമാണ്. ഫോണ്: 0471 2302523.
തുടർവിദ്യഭ്യാസവ്യാപനകേന്ദ്രം യോഗ ആൻഡ് മെഡിറ്റേഷൻ പരീക്ഷ ഒക്ടോബർ 14, 15 തീയതികളിൽ നടത്തും. പരീക്ഷയ്ക്ക് പിഴകൂടാതെ ഒക്ടോബർ ഒന്നുവരെയും 50 രൂപ പിഴയോടെ ഒക്ടോബർ അഞ്ച്വരെയും 250 രൂപ പിഴയോടെ ഒക്ടോബർ എട്ടുവരെയും അപേക്ഷിക്കാം. വിശദവിവരങ്ങൾ സർവകലാശാല വെബ്സൈറ്റിൽ ഡിപ്പാർട്ട്മെന്റ്/സിഎ സിഇഇ എന്ന പേജിൽ ലഭിക്കും. ഫോണ്: 0471 2302523. പൂരിപ്പിച്ച അപേക്ഷ തപാലിൽ അയയ്ക്കുക.