രണ്ടാം സെമസ്റ്റർ ബിഎഡ് (2019 അഡ്മിഷൻ റെഗുലർ, സപ്ലിമെന്ററി ദ്വിവത്സരം) പരീക്ഷകൾ ഡിസംബർ ഒന്നുമുതൽ ആരംഭിക്കും. 19 വരെ അപേക്ഷിക്കാം. ടൈംടേബിൾ വെബ്സൈറ്റിൽ.
ഒന്നാം സെമസ്റ്റർ എംഎസ്സി ആക്ചൂറിയൽ സയൻസ് (2019 അഡ്മിഷൻ റെഗുലർ) പരീക്ഷയുടെ ആക്ചൂറിയൽ കംപ്യൂട്ടിംഗ് ഒന്ന് എന്ന പേപ്പറിന്റെ പരീക്ഷ 19ന് നടക്കും.
പരീക്ഷസെന്റർ മാറ്റത്തിന് അപേക്ഷിക്കാം
അഞ്ചാം സെമസ്റ്റർ ത്രിവത്സര എൽഎൽബി (റെഗുലർ, സപ്ലിമെന്ററി, മേഴ്സി ചാൻസ്), ഒന്പതാം സെമസ്റ്റർ പഞ്ചവത്സര എൽഎൽബി (സപ്ലിമെന്ററി, മേഴ്സി ചാൻസ്) നവംബർ 2020 പരീക്ഷകൾക്ക് പരീക്ഷസെന്റർ മാറ്റം ആഗ്രഹിക്കുന്നവർ സർവകലാശാല വെബ്സൈറ്റിലെ ഗൂഗിൾ ഫോം ലിങ്ക് വഴി ഇന്ന് ഉച്ചകഴിഞ്ഞ് ഒന്നിനു മുന്പായി അപേക്ഷിക്കണം.
ബിഎ, ബികോം പ്രൈവറ്റ് പരീക്ഷ കേന്ദ്രം
18 മുതൽ നടത്തുന്ന അഞ്ച്, ആറ് സെമസ്റ്റർ ബിഎ, ബികോം പ്രൈവറ്റ് രജിസ്ട്രേഷൻ (സപ്ലിമെന്ററി, മേഴ്സി ചാൻസ്) പരീക്ഷകൾക്ക് കേന്ദ്രം അനുവദിച്ചു. വിശദവിവരം www.mgu.ac.in എന്ന വെബ്സൈറ്റിൽ. വിദ്യാർഥികൾ കേന്ദ്രങ്ങളിൽ നിന്ന് ഹാൾ ടിക്കറ്റ് കൈപ്പറ്റി പരീക്ഷയെഴുതണം. ഹാൾടിക്കറ്റ് വിതരണം 17ന് ആരംഭിക്കും.
പ്രത്യേക പരീക്ഷകേന്ദ്രങ്ങളില്ല
ഇപ്പോൾ തീരുമാനിച്ചിരിക്കുന്ന പരീക്ഷകൾക്ക് സർവകലാശാലയുടെ പ്രവർത്തനപരിധിക്ക് പുറത്ത് പരീക്ഷകേന്ദ്രങ്ങൾ അനുവദിക്കില്ല. റെഗുലർ, സപ്ലിമെന്ററി വിദ്യാർഥികൾ അവരവരുടെ കോളജുകളിലെ പരീക്ഷകേന്ദ്രങ്ങളിലും പ്രൈവറ്റ് രജിസ്ട്രേഷൻ വിദ്യാർഥികൾ വിജ്ഞാപനം ചെയ്തിട്ടുള്ള പരീക്ഷകേന്ദ്രങ്ങളിലും പരീക്ഷയ്ക്ക് എത്തണം.
പിജി പ്രവേശന പട്ടിക പ്രസിദ്ധീകരിച്ചു
സ്കൂൾ ഓഫ് ലെറ്റേഴ്സ് പഠനവകുപ്പിൽ പിജി പ്രവേശനത്തിനുള്ള പട്ടിക പ്രസിദ്ധീകരിച്ചു. വിവരങ്ങൾ വെബ്സൈറ്റിൽ.
പരീക്ഷഫലം
2019 ഒക്ടോബറിൽ നടന്ന മൂന്നാം സെമസ്റ്റർ എംഎസ്സി സുവോളജി (റെഗുലർ, സപ്ലിമെന്ററി, ബെറ്റർമെന്റ്) ഫലം പ്രസിദ്ധീകരിച്ചു. വിവരങ്ങൾ വെബ്സൈറ്റിൽ.
ജനുവരിയിൽ സ്കൂൾ ഓഫ് ബിഹേവിയറൽ സയൻസസിൽ നടന്ന 20182020 ബാച്ച് മൂന്നാം സെമസ്റ്റർ എംഎസ്സി സൈക്കോളജി (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
2019 ഒക്ടോബറിൽ നടന്ന മൂന്നാം സെമസ്റ്റർ പിജിസിഎസ്എസ് എംഎസ്സി ഫിസിക്സ് (മെറ്റീരിയൽ സയൻസ്) ഫലം പ്രസിദ്ധീകരിച്ചു. വിവരങ്ങൾ വെബ്സൈറ്റിൽ.
പിഎച്ച്ഡി പ്രവേശന പരീക്ഷ; അപേക്ഷ തീയതി നീട്ടി
പിഎച്ച്ഡി പ്രവേശന പരീക്ഷയ്ക്ക് ഓണ്ലൈനായി അപേക്ഷിക്കാനുള്ള തീയതി 18നു വൈകുന്നേരം അഞ്ചുവരെ നീട്ടി. വിവരങ്ങൾ വെബ്സൈറ്റിൽ. 04812732947.