ഇന്‍റഗ്രേറ്റഡ് പ്രോഗ്രാമുകളിലേക്ക് പ്രവേശനത്തിന് സപ്ലിമെന്‍ററി അലോട്ട്മെന്‍റിന് 21 വരെ ഓപ്ഷൻ രജിസ്ട്രേഷൻ നടത്താം. നിലവിൽ അപേക്ഷ നൽകാത്തവർക്കും മുൻ അലോട്ട്മെന്റുകളിൽ പ്രവേശനം ലഭിച്ച എല്ലാ വിഭാഗം അപേക്ഷകർക്കും സപ്ലിമെന്‍ററി അലോട്ട്മെന്റിൽ പങ്കെടുക്കാം. പുതുതായി ഓപ്ഷൻ നൽകാം. ഓണ്‍ലൈൻ അപേക്ഷയിൽ വരുത്തിയ തെറ്റുമൂലം അലോട്ട്മെന്‍റിന് പരിഗണിക്കപ്പെടാത്തവർക്കും അലോട്ട്മെന്റിലൂടെ ലഭിച്ച പ്രവേശനം റദ്ദാക്കിയവർക്കും ഫീസടയ്ക്കാതെ തന്നെ www.cap.mgu.ac.in എന്ന വെബ്സൈറ്റിലൂടെ പുതുതായി ഓപ്ഷൻ നൽകാം. സപ്ലിമെന്‍ററി അലോട്ട്മെന്റ് 24ന് പ്രസിദ്ധീകരിക്കും. വിവരം വെബ്സൈറ്റിൽ.
പരീക്ഷ തീയതി നാലാം സെമസ്റ്റർ എംഎസ്‌സി ഫിഷറി ബയോളജി ആൻഡ് അക്വാകൾച്ചർ (2018 അഡ്മിഷൻ റെഗുലർ, 2018ന് മുന്പുള്ള അഡ്മിഷൻ സപ്ലിമെന്‍ററി, മേഴ്സി ചാൻസ്) പരീക്ഷകൾ ഡിസംബർ 17 മുതൽ ആരംഭിക്കും. 24 വരെ അപേക്ഷിക്കാം.
എൽഎൽഎം പ്രവേശനം സ്കൂൾ ഓഫ് ഇന്ത്യൻ ലീഗൽ തോട്ടിലെ എൽഎൽഎം കോഴ്സിന്റെ അഡ്മിഷൻ മെമ്മോ ലഭിച്ചവർക്കുള്ള പ്രവേശന നടപടികൾ 30ന് പഠനവകുപ്പിൽ നടക്കും. 04812310165, 8547487677, 9567065247, 8884555198.
വൈവാവോസി ഒക്ടോബറിൽ നടന്ന നാലാം സെമസ്റ്റർ എംഎച്ച്ആർഎം (2018 അഡ്മിഷൻ റെഗുലർ, 2018ന് മുന്പുള്ള അഡ്മിഷൻ സപ്ലിമെന്‍ററി) പരീക്ഷയുടെ പ്രൊജക്ട് മൂല്യനിർണയവും വൈവാവോസിയും 23 മുതൽ ഓണ്‍ലൈനായി നടത്തും. ടൈംടേബിൾ വെബ്സൈറ്റിൽ.
സീറ്റൊഴിവ് സ്കൂൾ ഓഫ് ടൂറിസം സ്റ്റഡീസിൽ എംടിടിഎം (മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്‍റ്) പ്രോഗ്രാമിൽ എസ്‌സി വിഭാഗത്തിൽ മൂന്ന് സീറ്റൊഴിവുണ്ട്. ഏതെങ്കിലും വിഷയത്തിൽ ബിരുദം നേടിയ വിദ്യാർഥികൾ 23ന് രാവിലെ 11ന് എത്തണം. 04812732922.
സ്കൂൾ ഓഫ് ഫിസിക്കൽ എജ്യൂക്കേഷൻ ആൻഡ് സ്പോർട്സ് സയൻസസ് നടത്തുന്ന എംപിഇഎസ് എസ്‌സി വിഭാഗത്തിൽ ഒന്നും എസ്ടി വിഭാഗത്തിൽ രണ്ടും സീറ്റൊഴിവുണ്ട്. യോഗ്യരായവർ ഓഫീസിൽ 23ന് മുന്പായി എത്തണം. വിശദവിവരം വെബ്സൈറ്റിൽ. 9447006946.
പ്രിൻസിപ്പൽമാരുടെ യോഗം നവംബർ അവസാനവാരം നടത്താൻ നിശ്ചയിച്ചിരിക്കുന്ന അഫിലിയേറ്റഡ് കോളജുകളിലെ പ്രിൻസിപ്പൽമാരുടെ ഓണ്‍ലൈൻ യോഗം ഇന്ന് നടത്തും. മീറ്റിങ്ങിൽ പങ്കെടുക്കുന്നതിനുള്ള ലിങ്ക് ഇമെയിലായി അയച്ചിട്ടുണ്ട്. ലിങ്ക് ലഭിക്കാത്തവർ
[email protected] എന്ന ഇമെയിലിൽ അറിയിക്കണം.