എംഎ പൊളിറ്റിക്സ് പരീക്ഷാ ഫലം
2019 ഒക്ടോബറിൽ നടന്ന ഒന്നും രണ്ടും സെമസ്റ്റർ എംഎ പൊളിറ്റിക്സ് (പ്രൈവറ്റ് രജിസ്ട്രേഷൻ) പരീക്ഷാ ഫലം പ്രസിദ്ധീകരിച്ചു. 2015 അഡ്മിഷൻ മുതലുള്ളവർ പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫെബ്രുവരി നാലുവരെ സർവകലാശാല വെബ്സൈറ്റിലെ സ്റ്റുഡന്റ്സ് പോർട്ടൽ ലിങ്കിലൂടെ ഓണ്ലൈനായും 2015 അഡ്മിഷന് മുന്പുള്ളവർ പരീക്ഷ കണ്ട്രോളറുടെ കാര്യാലയത്തിലും അപേക്ഷ സമർപ്പിക്കണം.
2020 മെയിൽ നടന്ന നാലാം സെമസ്റ്റർ എംഎ മലയാളം (സിഎസ്എസ്) പരീക്ഷാ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫെബ്രുവരി നാലുവരെ സർവകലാശാല വെബ്സൈറ്റിലെ സ്റ്റുഡന്റ്സ് പോർട്ടൽ ലിങ്കിലൂടെ ഓണ്ലൈനായി അപേക്ഷിക്കാം.
2020 മെയിൽ നടന്ന നാലാം സെമസ്റ്റർ എംഎസ്സി പ്ലാന്റ് ബയോടെക്നോളജി (റഗുലർ) പരീക്ഷാ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫെബ്രുവരി നാലുവരെ സർവകലാശാല വെബ്സൈറ്റിലെ സ്റ്റുഡന്റ്സ് പോർട്ടൽ ലിങ്കിലൂടെ ഓണ്ലൈനായി അപേക്ഷിക്കാം.
പരീക്ഷാ തീയതി
2020 ജൂണിൽ നടത്താനിരുന്നതും കോവിഡ്19 വ്യാപനം മൂലം മാറ്റിവച്ചതുമായ നാലാം സെമസ്റ്റർ എംഎ/എംസിജെ/എംഎംഎച്ച്/എംഎസ്ഡബ്ല്യു, എംഎച്ച്എം ആൻഡ് എംടിഎ/എംടിടിഎം (2018 അഡ്മിഷൻ റഗുലർ/2015, 2016, 2017 അഡ്മിഷൻ സപ്ലിമെന്ററി/2012, 2013, 2014 അഡ്മിഷൻ മേഴ്സി ചാൻസ് സിഎസ്എസ്) പരീക്ഷകൾ 27 മുതൽ നടക്കും. ടൈംടേബിൾ സർവകലാശാല വെബ്സൈറ്റിൽ.
2020 ജൂണിൽ നടത്താനിരുന്നതും കോവിഡ്19 വ്യാപനം മൂലം മാറ്റിവച്ചതുമായ നാലാം സെമസ്റ്റർ എംഎസ്സി (2018 അഡ്മിഷൻ റഗുലർ/2015, 2016, 2017 അഡ്മിഷൻ സപ്ലിമെന്ററി/2012, 2013, 2014 അഡ്മിഷൻ മേഴ്സി ചാൻസ് സിഎസ്എസ്) പരീക്ഷകൾ 27 മുതൽ നടക്കും. ടൈംടേബിൾ സർവകലാശാല വെബ്സൈറ്റിൽ ലഭിക്കും.
2020 ജൂണിൽ നടത്താനിരുന്നതും കോവിഡ്19 വ്യാപനം മൂലം മാറ്റിവച്ചതുമായ നാലാം സെമസ്റ്റർ എംകോം (2018 അഡ്മിഷൻ റഗുലർ/2015, 2016, 2017 അഡ്മിഷൻ സപ്ലിമെന്ററി/2012, 2013, 2014 അഡ്മിഷൻ മേഴ്സി ചാൻസ് സിഎസ്എസ്) പരീക്ഷകൾ 27 മുതൽ നടക്കും. ടൈംടേബിൾ സർവകലാശാല വെബ്സൈറ്റിൽ.
മഹാത്മാഗാന്ധി സർവകലാശാല സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സിലെ രണ്ടാം സെമസ്റ്റർ എംഎ (റഗുലർ) പൊളിറ്റിക്സ് ആൻഡ് ഇന്റർനാഷണൽ റിലേഷൻസ്, പൊളിറ്റിക്സ് ആൻഡ് ഹ്യൂമൻ റൈറ്റ്സ്, പബ്ലിക് പോളിസി ആൻഡ് ഗവേണൻസ് പരീക്ഷകൾ ഫെബ്രുവരി 10 മുതൽ ആരംഭിക്കും.
അവധി
അതിരന്പുഴ: സെന്റ് മേരീസ് ഫൊറോന പള്ളിയിലെ പെരുനാൾ പ്രമാണിച്ച് അതിരന്പുഴ പഞ്ചായത്തിലെ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും 25നു പ്രാദേശിക അവധി പ്രഖ്യാപിച്ചു. അതിരന്പുഴ പഞ്ചായത്തിന്റെ പരിധിയിൽ വരുന്ന സർവകലാശാല ഓഫീസുകൾ, ഡിപ്പാർട്ടുമെന്റുകൾ, സ്കൂളുകൾ, സെന്ററുകൾ എന്നിവയ്ക്ക് അന്നേദിവസം അവധിയായിരിക്കും. പഞ്ചായത്തിനു പുറത്തുള്ള സർവകലാശാല സ്ഥാപനങ്ങൾക്ക് അവധി ബാധകമല്ല.
ടെക്നിക്കൽ അസിസ്റ്റന്റ് വാക് ഇൻഇന്റർവ്യൂ
സ്കൂൾ ഓഫ് കെമിക്കൽ സയൻസസിൽ ടെക്നിക്കൽ അസിസ്റ്റന്റ് തസ്തികയിൽ കരാറടിസ്ഥാനത്തിൽ താത്കാലികമായി നിയമിക്കുന്നതിനായി വാക് ഇൻഇന്റർവ്യൂ നടത്തും. 29ന് രാവിലെ 10.30ന് വൈസ് ചാൻസലറുടെ ചേംബറിലാണ് വാക് ഇൻഇന്റർവ്യൂ. ഒരു വർഷമാണ് കാലാവധി. ഒഴിവ് (ഓപ്പണ്1, ഈഴവ/തിയ്യ/ബില്ലവ 1). കെമിസ്ട്രി/പോളിമർ കെമിസ്ട്രിയിൽ ഫസ്റ്റ്/സെക്കന്റ് ക്ലാസ് ബിരുദാനന്തര ബിരുദവും ബന്ധപ്പെട്ട മേഖലയിൽ പ്രവൃത്തിപരിചയവുമാണ് യോഗ്യത. മാസം 15,000 രൂപ ലഭിക്കും. ജനുവരി ഒന്നിന് 36 വയസ് കവിയരുത്. (പട്ടികജാതി, പട്ടികവർഗ, പിന്നാക്ക വിഭാഗക്കാർക്ക് ഉയർന്ന പ്രായപരിധിയിൽ നിയമാനുസൃത ഇളവുകളുണ്ടാകും). താത്പര്യമുള്ളവർ വെള്ളപ്പേപ്പറിൽ തയാറാക്കിയ അപേക്ഷയോടൊപ്പം പ്രായം, വിദ്യാഭ്യാസയോഗ്യത, പ്രവൃത്തിപരിചയം, ജാതി സർട്ടിഫിക്കറ്റ്/നോണ് ക്രീമിലെയർ സർട്ടിഫിക്കറ്റ്, അധികയോഗ്യത എന്നിവയുടെ അസൽ രേഖകളും പകർപ്പുകളുമായി രാവിലെ 9.30ന് സർവകലാശാല അഡ്മിനിസ്ട്രേഷൻ ബ്ലോക്കിലെ എഡി എ5 സെക്ഷനിൽ എത്തണം. ഉദ്യോഗാർഥികൾ കോവിഡ്19 പ്രോട്ടോക്കോൾ പാലിച്ച് വാക്ഇൻഇന്റർവ്യൂവിൽ പങ്കെടുക്കണം.