ഒന്നാം വർഷ ബിരുദ പ്രവേശനം: ജനറൽ/മറ്റ് വിഭാഗങ്ങൾ കോളജ് തലത്തിൽ സ്പോട്ട് അഡ്മിഷൻ ഇന്ന്
അഫിലിയേറ്റ് ചെയ്തിട്ടുള്ള ഗവണ്‍മെന്‍റ്/എയ്ഡഡ്/സ്വാശ്രയ/യുഐടി/ഐഎച്ച്ആർഡി. കോളജുകളിൽ ഒന്നാം വർഷ ബിരുദ കോഴ്സുകളിലെ ഒഴിവുള്ള സീറ്റുകളേലേക്ക് ജനറൽ/മറ്റ് സംവരണ വിഭാഗങ്ങൾക്ക് കോളജ് തലത്തിൽ ഇന്ന് സ്പോട്ട് അഡ്മിഷൻ നടത്തും.
താത്പര്യമുള്ള വിദ്യാർഥികൾ അതത് കോളജുകളിൽ രാവിലെ 10നു മുന്പായി എല്ലാ അസൽ സർട്ടിഫിക്കറ്റുകളുമായി (ടി.സി. ഉൾപ്പെടെ) കോളജിൽ നേരിട്ട് ഹാജരാകണം. നിലവിൽ അഡ്മിഷൻ ലഭിക്കാത്ത വിദ്യാർഥികളെ മാത്രമാണ് സ്പോട്ട് അഡ്മിഷന് പരിഗണിക്കുന്നത്. കോളജ് ട്രാൻസ്ഫർ/കോഴ്സ് ട്രാൻസ്ഫർ ഒന്നും തന്നെ പരിഗണിക്കുന്നതല്ല.
അഡ്മിഷൻ ലഭിച്ചാൽ ഒടുക്കേണ്ട യൂണിവേഴ്സിറ്റി അഡ്മിഷൻ ഫീസ് (എസ്ടി/എസ്‌സി വിഭാഗങ്ങൾക്ക് 930 രൂപ, ജനറൽ/മറ്റ് സംവരണ വിഭാഗങ്ങൾക്ക് 1850 രൂപ) കൈയിൽ കരുതണം. മുന്പ് യൂണിവേഴ്സിറ്റി അഡ്മിഷൻ ഫീസ് അടച്ചവർ പേയ്മെന്‍റ് രസീതിന്‍റെ കോപ്പി കൈയിൽ കരുതണം.ഓരോ കോളജിലെയും ഒഴിവുള്ള സീറ്റുകളുടെ വിവരം സർവകലാശാല വെബ്സൈറ്റിൽ.
ടൈംടേബിൾ
മൂന്നാം സെമസ്റ്റർ എംഎസ്‌സി ഹോം സയൻസ് (ന്യൂട്രീഷ്യൻ ആൻഡ് ഡയറ്ററ്റിക്സ്) (2018 സ്കീം), ഒക്ടോബർ 2020 പരീക്ഷയുടെ പുതുക്കിയ ടൈംടേബിൾ വെബ്സൈറ്റിൽ.
പരീക്ഷാഫലം
മാർച്ചിൽ നടത്തിയ നാലാം വർഷ ബിഎഫ്എ (പെയിന്‍റിംഗ്, സ്കൾപ്പ്ച്ചർ ആൻഡ് അപ്ലൈഡ് ആർട്ട്) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് അഞ്ച്‌വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് അപേക്ഷ ക്ഷണിച്ചു
സെന്‍റർ ഫോർ അഡൽട്ട് ആൻഡ് കണ്ടിന്യൂയിംഗ് എഡ്യൂക്കേഷൻ എക്സ്റ്റൻഷൻ യൂണിറ്റിന്‍റെ (സിഎസിഇഇ)കീഴിൽ തിരുവനന്തപുരം കല്ലറ പാങ്ങോട് മന്നാനിയ കോളജിൽ നടത്തി വരുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന്റെ അടുത്ത ബാച്ചിലേക്ക് അപേക്ഷ ക്ഷണിച്ചു. യോഗ്യത: പ്ലസ്ടു, കോഴ്സ് കാലാവധി: 6 മാസം, കോഴ്സ് ഫീസ്: 7500, വിശദവിവരങ്ങൾക്ക്: 9048538210. ഉയർന്ന പ്രായപരിധി ഇല്ല.