രജിസ്ട്രേഷൻ തീയതി നീട്ടി
202123 വർഷത്തെ ബിഎ/ബികോം/ബിഎ അഫ്സൽ ഉൽ ഉലാമ/ബിബിഎ/ബികോം അഡീഷണൽ ഇലക്ടീവ് കോഓപ്പറേഷൻ എന്നീ വാർഷിക കോഴ്സുകൾക്ക് പ്രൈവറ്റ് രജിസ്ട്രേഷൻ അപേക്ഷിക്കേണ്ട അവസാന തീയതി 25 വരെ നീട്ടി. ബിഎ/ബികോം/ബിഎ അഫ്സൽ ഉൽ ഉലാമ /ബികോം അഡീഷണൽ ഇലക്ടീവ് കോഓപ്പറേഷൻ എന്നീ കോഴ്സുകൾക്ക് 2625 രൂപ പിഴയോടുകൂടിയും ബിബിഎ കോഴ്സിന് 3150 രൂപ പിഴയോടുകൂടിയും 25 വരെ അപേക്ഷിക്കാവുന്നതാണ്.
പരീക്ഷാ രജിസ്ട്രേഷൻ
ഏപ്രിൽ 26 ന് ആരംഭിക്കുന്ന പത്താം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകൾക്ക് 26 വരെയും 150 രൂപ പിഴയോടുകൂടി 30 വരെയും 400 രൂപ പിഴയോടുകൂടി ഏപ്രിൽ മൂന്നു വരേയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
തീയതി നീട്ടി
അഞ്ചാം സെമസ്റ്റർ ബിഎ/ ബിഎസ്സി/ബികോം സിബിസിഎസ്എസ്/ സിബിസിഎസ്എസ് (സി.ആർ) ഡിഗ്രി പരീക്ഷകളുടെ സിഇ മാർക്ക് അപ്ലോഡ് ചെയ്യാനുള്ള അവസാന തീയതി 31 ആയി ദീർഘിപ്പിച്ചു.
പ്രാക്ടിക്കൽ
നാലാം സെമസ്റ്റർ ബിടെക് (2008, 2013 സ്കീം) പരീക്ഷയുടെ മെക്കാനിക്കൽ ബ്രാഞ്ചിന്റെ ഫ്ളുയിഡ് മെക്കാനിക്സ് ആന്ഡ് മെഷീൻസ് ലാബ്, ഐസി എഞ്ചിൻസ് പരീക്ഷ തിരുവനന്തപുരം കോളജ് ഓഫ് എൻജിനിയറിംഗിൽ യഥാക്രമം 24, 25 തീയതികളിലും നാലാം സെമസ്റ്റർ ബിടെക് (2013 സ്കീം) മെക്കാനിക്കൽ സ്ട്രീം ഓട്ടോമൊബൈൽ എൻജിനിയറിംഗ് ബ്രാഞ്ചിന്റെ മെക്കാനിക്സ് ഓഫ് സോളിഡ്സ്ന്റെ പ്രാക്ടിക്കൽ പരീക്ഷ ശ്രീ ചിത്തിര തിരുനാൾ എൻജിനിയറിംഗ് കോളജിൽ 24 നും നാലാം സെമസ്റ്റർ ബിടെക് (2008, 2013 സ്കീം) ഒക്ടോബർ 2020 പരീക്ഷയുടെ സിവിൽ എൻജിനിയറിംഗ് ബ്രാഞ്ചിന്റെ ഫ്ളൂയിഡ് മെക്കാനിക്സ് ലാബ് 24 നും നടത്തുന്നു.
ടൈംടേബിൾ
വിദൂര വിദ്യാഭ്യാസ പഠനകേന്ദ്രം ഫെബ്രുവരിമാർച്ച് മാസങ്ങളിൽ നടത്തിയ നാലാം സെമസ്റ്റർ എംഎ പബ്ലിക്ക് അഡ്മിനിസ്ട്രേഷൻ (2018 അഡ്മിഷൻ റഗുലർ ആന്റ് 2017 അഡ്മിഷൻ സപ്ലിമെന്ററി) പരീക്ഷകൾ 24,25, 26 തീയതികളിൽ കാര്യവട്ടം വിദൂരവിദ്യാഭ്യാസ കേന്ദ്രത്തിൽ രാവിലെ 10 മുതൽ നടത്തുന്നു. വിശദവിവരങ്ങൾ വെബ്സൈറ്റിൽ.
പരീക്ഷാഫലം
കോളജ് ഓഫ് എൻജിനിയറിംഗ് കാര്യവട്ടത്തെ 2013 സ്കീമിലെ 2017 അഡ്മിഷൻ വിദ്യാർഥികളുടെ ആറാം സെമസ്റ്റർ റഗുലർ ബിടെക് (2020 ഒക്ടോബർ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ ഓണ്ലൈനായി അപേക്ഷിക്കാം.