പുതിയ പരീക്ഷാകേന്ദ്രങ്ങൾ: ആറുവരെ ഓൺലൈനായി രജിസ്റ്റർ ചെയ്യാം
15,16 തീയതികളിൽ ആരംഭിക്കുന്ന അവസാന സെമസ്റ്റർ ബിരുദ, ബിരുദാനന്തര ബിരുദ പരീക്ഷകൾക്ക് കോവിഡ് മഹാമാരിയുടെ പശ്ചാത്തലത്തിൽ സർവകലാശാല പരിധിക്കു പുറത്തുള്ള ജില്ലകളിൽ പരീക്ഷ കേന്ദ്രങ്ങളും, സർവകലാശാല പരിധിക്കുള്ളിൽ ഉപകേന്ദ്രങ്ങളും അനുവദിച്ചു. താത്പര്യമുള്ള വിദ്യാർഥികൾ അവർക്കു സൗകര്യപ്രദമായ കേന്ദ്രമോ/ഉപകേന്ദ്രമോ അനുവദിച്ചു കിട്ടുന്നതിന് സർവകലാശാല വെബ്സൈറ്റിൽ വിദ്യാർഥികളുടെ സ്വന്തം പ്രൊഫൈൽ വഴി ആറിന് വൈകുന്നേരം അഞ്ച്വരെ രജിസ്റ്റർ ചെയ്യാം. നേരിട്ടോ,തപാൽ മുഖേനയോ സമർപ്പിക്കുന്ന അപേക്ഷകൾ പരിഗണിക്കുന്നതല്ല.
ടൈംടേബിൾ പ്രസിദ്ധീകരിച്ചു
15,16 തീയതികളിൽ ആരംഭിക്കുന്ന അവസാന സെമസ്റ്റർ ബിരുദ, ബിരുദാനന്തര ബിരുദ കോഴ്സുകളുടെ പുതുക്കിയ ടൈം ടേബിൾ പ്രസിദ്ധീകരിച്ചു. ടൈം ടേബിൾ സർവകലാശാല വെബ്സൈറ്റിൽ.
ഓൺലൈൻ പ്രഭാഷണം
നിയമ വകുപ്പ് , ലോക പരിസ്ഥിതി ദിനാഘോഷത്തോടനുബന്ധിച്ച്, ശനിയാഴ്ച രാവിലെ 10ന് പ്രഫ. (ഡോ.)ആർ .വി.ജി .മേനോൻ , പരിസ്ഥിതിയും വികസനവും എന്ന വിഷയത്തെ പ്പറ്റി ഓൺലൈനായി പ്രഭാഷണം നടത്തുന്നു. താത്പര്യമുള്ളവർക്ക് http://meet.google.com/dzgpzsnvwn എന്ന ലിങ്കിൽ പ്രവേശിക്കാം. വിശദവിവരങ്ങൾക്ക് ഫോൺ9995715604 ,9497850014.