എന്‍എസ്എസ് വാര്‍ഡ് അപേക്ഷ ക്ഷണിച്ചു
കാലിക്കട്ട് സര്‍വകലാശാലയ്ക്കു കീഴിലെ മികച്ച എന്‍എസ്എസ് യൂണിറ്റുകള്‍, കോളജുകള്‍, പ്രോഗ്രാം ഓഫീസര്‍മാര്‍, വോളണ്ടിയര്‍മാര്‍ എന്നിവര്‍ക്കുള്ള യൂണിവേഴ്‌സിറ്റി ലെവല്‍ എന്‍എസ്എസ് അവാര്‍ഡ്202021ന് അപേക്ഷ ക്ഷണിച്ചു. അപേക്ഷകള്‍ എന്‍എസ്എസ് യൂണിറ്റുകളുടെ ഇമെയിലില്‍ അയച്ചു തന്നിട്ടുള്ള നിശ്ചിതഫോറത്തില്‍ ചെക്ക് ലിസ്റ്റുകളോടൊപ്പം ജൂലൈ അഞ്ചിനു മുമ്പായി പൂരിപ്പിച്ചു നല്‍കേണ്ടതാണ്.
ബിരുദ, ബിരുദാനന്തര പ്രവേശനം; അപേക്ഷ 30 വരെ നീട്ടി
കോഴിക്കോട്: പ്രവേശന പരീക്ഷ വഴി പ്രവേശനം നടത്തുന്ന ബിരുദ, ബിരുദാന്തര ബിരുദ കോഴ്‌സുകളിലേക്കുള്ള പ്രവേശന പരീക്ഷയ്ക്കു ഓണ്‍ലൈന്‍ അപേക്ഷ സമര്‍പ്പിക്കുവാനുള്ള അവസാന തീയതി 30 വരെ നീട്ടിയിരിക്കുന്നു. കാലിക്കട്ട് സര്‍വകലാശാലയുടെ പഠന വകുപ്പുകള്‍, സ്വാശ്രയ സെന്‍ററുകള്‍, അഫിലിയേറ്റഡ് കോളജുകള്‍ എന്നിവയിലെ എംഎസ് സി കമ്പ്യൂട്ടര്‍ സയന്‍സ് പ്രവേശന പരീക്ഷക്ക് ബിവോക് സോഫ്റ്റ്‌വെയര്‍ ടെക്‌നോളജി കോഴ്‌സ് പാസായവര്‍ക്കും 30 വരെ അപേക്ഷിക്കാവുന്നതാണ്. പ്രവേശന വിജ്ഞാപനം, പ്രവേശന പരീക്ഷാ സമയക്രമം തുടങ്ങിയ വിശദവിവരങ്ങള്‍ സര്‍വകലാശാല വെബ്‌സൈറ്റില്‍.
ട്യൂഷന്‍ ഫീസ്
വിദൂരവിദ്യാഭ്യാസ വിഭാഗം 2019 പ്രവേശനം രണ്ടാം വര്‍ഷം മൂന്ന്, നാല് സെമസ്റ്റര്‍ ബിരുദ കോഴ്‌സുകളുടെ ട്യൂഷന്‍ ഫീസ് അടക്കാത്തവര്‍ 500 രൂപ ഫൈനോടു കൂടി ജൂലൈ 15ന് മുമ്പായി അടക്കേണ്ടതാണ്. വിദൂരവിദ്യാഭ്യാസ വിഭാഗത്തിന്‍റെ വൈബ്‌സൈറ്റ് വഴി ഓണ്‍ലൈനായി ഫീസടക്കാം.
പ്രാക്ടിക്കല്‍ പരീക്ഷ
സെക്കൻഡ് പ്രഫഷണല്‍ ബിഎഎംഎസ് സെപ്റ്റംബര്‍ 2018 പ്രാക്ടിക്കല്‍ പരീക്ഷ പാലക്കാട് ശാന്തിഗിരി ആയുര്‍വേദ മെഡിക്കല്‍ കോളജിലും തേഡ് പ്രഫഷണല്‍ ബിഎഎംഎസ് നവംബര്‍ 2018 പ്രാക്ടിക്കല്‍ പരീക്ഷ കോട്ടക്കല്‍ ആയുര്‍വേദ കോളജിലും ജൂലൈ ഒന്ന് മുതല്‍ ആരംഭിക്കും. വിശദവിവരങ്ങള്‍ സര്‍വകലാശാല വെബ്‌സൈറ്റില്‍.
പരീക്ഷാ ഫലം
സിസിഎസ്എസ് രണ്ടാം സെമസ്റ്റര്‍ എംഎ ഇംഗ്ലീഷ് ഏപ്രില്‍ 2020 പരീക്ഷയുടെ ഫലം പ്രസിദ്ധീകരിച്ചു.