അഞ്ചാം സെമസ്റ്റർ സിബിസിഎസ്എസ് ബിഎ,ബിഎസ്സി., ബികോം ഡിഗ്രി സ്പെഷൽ പരീക്ഷ 2021 ഓഗസ്റ്റ് മൂന്നിന് ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
കോവിഡ് 19 കാരണം 2021 മാർച്ചിലെ ആറാം സെമസ്റ്റർ ബിഎ, ബിഎസ്സി., ബികോം സി ബിസിഎസ്എസ്/സിആർ. എന്നീ പരീക്ഷകൾ എഴുതാൻ സാധിക്കാത്ത വിദ്യാർഥികൾക്ക് സ്പെഷൽ പരീക്ഷയ്ക്ക് അപേക്ഷിക്കാം. വിദ്യാർഥികൾ അവരുടെ പേര്, കാൻഡിഡേറ്റ് കോഡ്, പ്രോഗ്രാമിന്റെ കോഴ്സ് കോഡ് എന്നിവ അടങ്ങുന്ന അപേക്ഷ ആരോഗ്യവകുപ്പിന്റെയോ തദ്ദേശസ്വയംഭരണവകുപ്പിന്റെയോ സാക്ഷ്യപത്രങ്ങൾ സഹിതം ഓഗസ്റ്റ് നാലിനകം അതാത് പ്രിൻസിപ്പലിന് സമർപ്പിക്കണം.
പരീക്ഷാഫീസ്
ഒന്നാം സെമസ്റ്റർ ബിഎ., ബിഎസ്സി., ബികോം, ബിപിഎ, ബിബിഎ, ബിസിഎ, ബിഎംഎസ്, ബിഎസ്ഡബ്ല്യു, ബി വോക് കരിയർ റിലേറ്റഡ് സിബിസിഎസ്എസ് ഓഗസ്റ്റ് 2021 പരീക്ഷകളുടെ ഓണ്ലൈൻ രജിസ്ട്രേഷൻ ആരംഭിച്ചു. റെഗുലർ സിബിസിഎസ്എസ് കരിയർ റിലേറ്റഡ് 2020 അഡ്മിഷൻ, 2019 അഡ്മിഷൻ ഇംപ്രൂവ്മെന്റ് ആൻഡ് സപ്ലിമെന്ററി, 2015 മുതൽ 2018 വരെയുളള അഡ്മിഷൻ സപ്ലിമെന്ററി, മേഴ്സിചാൻസ് 2013 അഡ്മിഷൻ എന്നിവയുടെ ഒന്നാം സെമസ്റ്റർ പരീക്ഷയ്ക്ക് ഓഗസ്റ്റ് ഒന്പതുവരെയും 150 രൂപ പിഴയോടെ ഓഗസ്റ്റ് 12 വരെയും 400 രൂപ പിഴയോടുകൂടി ഓഗസ്റ്റ് 16വരെയും അപേക്ഷിക്കാം. മേഴ്സി ചാൻസ് അപേക്ഷകർ പരീക്ഷാ ഫീസിനു പുറമേ നിർദ്ദിഷ്ട മേഴ്സിചാൻസ് ഫീസ് കൂടി അടയ്ക്കണം.
ഒന്നാം സെമസ്റ്റർ സിബിസിഎസ്എസ് ബിഎ, ബിഎസ്സി, ബികോം ഡിഗ്രി ( റെഗുലർ 2020 അഡ്മിഷൻ, ഇംപ്രൂവ്മെന്റ് 2019 അഡ്മിഷൻ, സപ്ലിമെന്ററി 2015 2018 അഡ്മിഷൻ, മേഴ്സിചാൻസ് 2013 അഡ്മിഷൻ) പരീക്ഷയ്ക്ക് ഓഗസ്റ്റ് ഒന്പതുവരെയും 150 രൂപ പിഴയോടെ ഓഗസ്റ്റ് 12വരെയും 400 രൂപ പിഴയോടെ ഓഗസ്റ്റ് 16 വരെയും ഓണ്ലൈനായി അപേക്ഷിക്കാം. പുതുതായി ആരംഭിച്ച യുജി കോഴ്സുകളുടെ പരീക്ഷ രജിസ്ട്രേഷൻ തീയതി പിന്നീട് അറിയിക്കും. വിശദവിവരങ്ങൾ വെബ്സൈറ്റിൽ.
വെർച്വൽ ടോക്കണ് സംവിധാനം
പാളയം, കാര്യവട്ടം, ആലപ്പുഴ കാഷ് കൗണ്ടറുകളിൽ പ്രവൃത്തി ദിനങ്ങളിലെ പ്രവേശനം കോവിഡ് വ്യാപന പശ്ചാത്തലത്തിൽ, വെർച്വൽ ടോക്കണ് സിസ്റ്റം വഴി രജിസ്റ്റർ ചെയ്യുന്ന (https://pay.keralauniversity.ac.in/kupay/home) 200 പേർക്ക് മാത്രമായി നിജപ്പെടുത്തിയിരിക്കുന്നു. സമയം രാവിലെ 10.15 മുതൽ ഉച്ചയ്ക്ക് മൂന്നുവരെയാണ്. പരീക്ഷാഫീസും മറ്റും തുടർന്നും ഓണ്ലൈനായി ഒടുക്കണം.
പരീക്ഷാഫലം
2021 ഫെബ്രുവരിയിൽ നടത്തിയ അഞ്ചാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (2018 അഡ്മിഷൻ റെഗുലർ, 2016 2017 അഡ്മിഷൻ സപ്ലിമെന്ററി) ഡിഗ്രി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് 13 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.