എന്‍എസ്എസ് ഗ്രേസ് മാര്‍ക്ക് ലഭിക്കില്ലെന്ന പ്രചാരണം വസ്തുതാവിരുദ്ധം
തേഞ്ഞിപ്പലം: കാലിക്കട്ട് സര്‍വകലാശാല നാഷണല്‍ സര്‍വീസ് സ്‌കീം 201820 കാലഘട്ടത്തിലെ അര്‍ഹരായ വോളണ്ടിയര്‍മാര്‍ക്കുള്ള ഗ്രേസ് മാര്‍ക്ക് ലഭിക്കില്ലെന്നുള്ള വാര്‍ത്ത വസ്തുതാ വിരുദ്ധമാണെന്ന് സർവകലാശാല അറിയിച്ചു.
അപേക്ഷിച്ച മുഴുവന്‍ വിദ്യാര്‍ഥികള്‍ക്കും ഗ്രേസ് മാര്‍ക്ക് അനുവദിച്ചിട്ടുള്ള ഉത്തരവ് അതത് കോളജുകളിലെ യൂണിറ്റുകളിലേക്ക് യഥാസമയം ഇമെയിലായി അയച്ചിട്ടുണ്ട്. അതുപ്രകാരം പരീക്ഷാഭവനില്‍ നിന്ന് മാര്‍ക്ക് ചേര്‍ക്കാന്‍ വൈകിയാലും വോളണ്ടിയര്‍മാര്‍ ഗ്രേസ് മാര്‍ക്കിന് അര്‍ഹരാണെന്ന കത്ത് നല്‍കാന്‍ കോളജ് പ്രിന്‍സിപ്പലര്‍മാര്‍ക്ക് സര്‍ക്കുലറും അയച്ചിട്ടുണ്ട്. വസ്തുതകള്‍ ഇതായിരിക്കെ മറിച്ചുള്ള വാര്‍ത്തകള്‍ ദുരുദ്ദേശപരമാണെന്നും വിദ്യാര്‍ഥികള്‍ ആശങ്കാകുലരാകേണ്ടതില്ലെന്നും എന്‍എസ്എസ് കോഓര്‍ഡിനേറ്റര്‍ ഡോ. എം.പി. മുജീബ് റഹ്‌മാന്‍ അറിയിച്ചു.
ഓഡിറ്റ് കോഴ്സുകൾ: വിദ്യാര്‍ഥികള്‍ക്ക് ആശങ്ക വേണ്ട
തേഞ്ഞിപ്പലം: യുജിസി നിര്‍ദേശപ്രകാരം ബിരുദ പിജി വിദ്യാര്‍ഥികള്‍ക്കായി ഏര്‍പ്പെടുത്തിയ ഓഡിറ്റ് കോഴ്‌സുകളുടെ പരീക്ഷകള്‍ നടത്തേണ്ടത് കോളജുകളാണെന്നും ഭൂരിഭാഗം കോളജുകളും ഒന്ന്, രണ്ട് സെമസ്റ്റര്‍ പരീക്ഷകള്‍ നടത്തിയെന്നും കാലിക്കട്ട് സര്‍വ്വകലാശാല പരീക്ഷാഭവന്‍ അറിയിച്ചു.
2019 പ്രവേശനം മുതല്‍ നടപ്പാക്കിയ ഓഡിറ്റ് കോഴ്‌സുകള്‍ വിദ്യാര്‍ഥികള്‍ക്കായുള്ള ബോധവത്കരണ പരിപാടി മാത്രമാണ്. മൊത്തം ഗ്രേഡ് കണക്കാക്കുന്നതില്‍ ഇത് ഉള്‍പ്പെടുന്നില്ല. പരീക്ഷാ നടത്തിപ്പ് സംബന്ധിച്ച് കോളജുകള്‍ക്ക് നിര്‍ദേശങ്ങള്‍ യഥാസമയം നല്‍കുമെന്നും വിദ്യാര്‍ഥികള്‍ക്ക് ഇക്കാര്യത്തില്‍ ആശങ്ക വേണ്ട.
പരീക്ഷാ ഭവനിൽ ഓൺലൈൻ സേവനങ്ങൾ മാത്രം
കോവിഡ് വ്യാപനവും വിദ്യാർഥികളുടെ നിയന്ത്രണാതീതമായ തിരക്കും കാരണം കാലിക്കട്ട് സർവകലാശാലാ പരീക്ഷാഭവൻ സേവനങ്ങൾ ഓൺ ലൈനിലും ടെലിഫോണിലും മാത്രമാക്കി. ഇനി ഒരറിയിപ്പുണ്ടാകുന്നതു വരെ ആവശ്യങ്ങൾക്കായി താഴെയുള്ള നമ്പറുകളിൽ ബന്ധപ്പെടണം. ബിഎ റഗുലര്‍ വിദ്യാര്‍ഥികള്‍ 0494 2407223, ബികോം. റഗുലര്‍ 2407 210, ബിഎസ്‌സി 2407214, പിജി റഗുലര്‍ 2407 206, 2407 492, ബിടെക് 2407 234, 2407 467, ഇപിആര്‍ 2407 216, 2407 477, വിദൂരവിഭാഗം ബികോം 2407 448, വിദൂരവിഭാഗം ബിഎ 2407 225, ഡിജിറ്റല്‍ വിംഗ് 2407 204, റീവാല്വേഷന്‍ 2400 853, കണ്ട്രോളറുടെ ഓഫീസ് 2407 200, 2407 103.
പ്രാക്ടിക്കല്‍ പരീക്ഷ
നവംബര്‍ 2019ലെ രണ്ടാം വര്‍ഷ ബിഎസ്‌സി മെഡിക്കല്‍ ലാബ്‌ടെക്‌നോളജി മെഡിക്കല്‍ മൈക്രോബയോളജി സപ്ലിമെന്‍ററി പരീക്ഷകളുടെ പ്രാക്ടിക്കല്‍ പരീക്ഷ ഒന്ന് മുതല്‍ സര്‍വകലാശാലയിലെ ഹെല്‍ത്ത് സയന്‍സ് സെന്‍ററില്‍ നടത്തും. ഒന്നിന് മെഡിക്കല്‍ മൈക്രോബയോളജി, ജനറല്‍ മൈക്രോബയോളജി, പാരസൈറ്റോളജി ആൻഡ് എന്‍റമോളജി,ആറിന് ഹീമറ്റോളജി ആൻഡ് ക്ലിനിക്കല്‍ പാത്തോളജി പരീക്ഷകളാണ് നടത്തുക.
സ്പെഷല്‍ റീവാല്വേവേഷന്‍
നവംബര്‍ 2019ലെ ഒന്നാം സെമസ്റ്റര്‍ എംഎ/എംഎസ്‌സി പരീക്ഷയുടെ താഴെകൊടുത്തിരിക്കുന്ന പേപ്പറില്‍ പരാജയപ്പെട്ടിവര്‍ക്കുള്ള സ്പെഷല്‍ റീവാല്വേവേഷനുള്ള രജിസ്‌ട്രേഷന്‍ (ഫീസില്ലാതെ) ഇന്ന് മുതല്‍ സര്‍വകലാശാല വെബ്‌സൈറ്റില്‍ ലഭ്യമാകും. എംഎഇംഗ്ലീഷ്, അറബിക്, എംഎസ്‌സി(ഫാഷന്‍ ആൻഡ് ടെക്‌സ്റ്റൈല്‍ ഡിസൈനിംഗ്. എംഎസ്‌സി ഫിസിക്‌സ്,സ്റ്റാറ്റിസ്റ്റിക്‌സ്, മാത്തമാറ്റിക്‌സ്, ക്ലിനിക്കല്‍ സൈക്കോളജി, കംപ്യൂട്ടര്‍ സയന്‍സ്, ബയോകെമിസ്ട്രി. 13വരെ ഓണ്‍ലൈനായി അപേക്ഷിക്കാം. പ്രിന്‍റൗട്ട് 15 വരെ ഡപ്യൂട്ടി റജിസ്ട്രാര്‍, റീവാല്വേവേഷന്‍ ബ്രാഞ്ച്, പരീക്ഷാഭവന്‍, യൂണിവേഴ്‌സിറ്റ് ഓഫ് കാലിക്കട്ട് 673635 എന്ന വിലാസത്തില്‍ അയക്കണം. നേരത്തെ അപേക്ഷിച്ചവര്‍ അപേക്ഷിക്കണ്ടതില്ല. പകര്‍പ്പ്, സൂക്ഷ്മപരിശോധന എന്നിവ അനുവദിക്കുന്നതല്ല.
റിഫ്രഷര്‍ കോഴ്‌സ്
ഹ്യൂമണ്‍ റിസോഴ്‌സ് ഡവലപ്‌മെന്‍റ് സെന്‍റര്‍, കോളജ്/സര്‍വകലാശാല അധ്യാപകര്‍ക്കായി ബയോടെക്‌നോളജി റിഫ്രഷര്‍ കോഴ്‌സ് നടത്തുന്നു. 16 മുതല്‍ 29 വരെ നടത്തുന്ന കോഴ്‌സിലേക്ക് എട്ട് വരെ ഓണ്‍ലൈനായി അപേക്ഷിക്കാം. അനിമല്‍ ഹസ്ബന്‍ററി, ബയോകെമിസ്ട്രി, ബയോഇന്‍ഫര്‍മാറ്റിക്‌സ്, ഫിഷറീസ്, മൈക്രോബയോളജി, സുവോളജി അധ്യാപകര്‍ക്ക് പങ്കെടുക്കാം. ഫോണ്‍ 0494 2407350 ,7351.
പുനര്‍മൂല്യനിര്‍ണയ ഫലം
നവംബര്‍ 2019ലെ ഒന്നാം സെമസ്റ്റര്‍ എംഎസ്‌സി കംപ്യൂട്ടര്‍ സയന്‍സ് പരീക്ഷയുടെ പുനര്‍മൂല്യനിര്‍ണയ ഫലം പ്രസിദ്ധീകരിച്ചു.
പുനര്‍മൂല്യ നിര്‍ണയം തിയതി നീട്ടി
നവംബര്‍ 2020 ആഞ്ചാം സെമസ്റ്റര്‍ ബിഎസ്എസ്‌സി മാത്തമാറ്റിക്‌സ് റഗുലര്‍/ സപ്ലിമെന്‍ററി/ഇംപ്രൂവ്‌മെന്‍റ് പരീക്ഷയുടെ പുനര്‍മൂല്യ നിര്‍ണയത്തിനുള്ള അപേക്ഷ 10 വരെ നീട്ടി. പ്രിന്‍റൗട്ട് ഒറിജനല്‍ ചലാന്‍ സഹിതം 14നകം പരീക്ഷാഭവനില്‍ എത്തണം.