പട്ടികവര്‍ഗ വിദ്യാര്‍ഥികള്‍ക്ക് മാത്രമായി നടത്തുന്ന എംഎ സോഷ്യോളജി റെസിഡന്‍ഷല്‍ പോഗ്രാമിലേക്ക് അപേക്ഷ ക്ഷണിച്ചു. കാലിക്കട്ട് സര്‍വകലാശാലയുടെ വയനാട് ചെതലയത്ത് പ്രവര്‍ത്തക്കുന്ന ഐടിഎസ്ആറിലാണ് അവസരം.
ഗോത്രവര്‍ഗ വിദ്യാര്‍ഥികള്‍ക്ക് പഠനത്തോടൊപ്പം സൗജന്യ താമസവും ഭക്ഷണവും സൗജന്യ സിവില്‍ സര്‍വീസ് പരിശീലനാവസരവും ലഭിക്കും. അപേക്ഷകള്‍ ലഭിക്കേണ്ട അവസാന തീയതി സപ്തംബര്‍ 20. അപേക്ഷ ഫോം ഐ.ടി.എസ്.ആര്‍. ഓഫീസില്‍ നിന്നു നേരിട്ടും വെബ്‌സെറ്റിലും (www.itsr.uoc.ac.in, www.uoc.ac.in) ലഭിക്കും. . ഫോണ്‍ 04936 238500, 9605884635, 9961665214.
സര്‍വകലാശാലാ കാമ്പസില്‍ എംഎഡ് എഡ്യുക്കേഷന്‍ പഠനവകുപ്പില്‍ എംഎഡ് പ്രവേശനത്തിന് താത്പര്യമുള്ളവരും അതിനായി ഓണ്‍ലൈന്‍ അപേക്ഷ സമര്‍പ്പിച്ചതുമായവര്‍ ബിഎഡ്., പിജി., അവസാന വര്‍ഷ മാര്‍ക്കുലിസ്റ്റുകള്‍, സര്‍ട്ടിഫിക്കറ്റുകള്‍ എന്നിവയുടെ പകര്‍പ്പ് 14നകം ഇമെയിലായി അയക്കണം. വിലാസം
[email protected]. കൂടുതല്‍ വിവരങ്ങള്‍ https://education.uoc
ബിരുദപ്രവേശനം; ഒന്നാം അലോട്ട്‌മെന്‍റ് ആറിന് ബിരുദ പ്രവേശനത്തിന്‍റെ ഒന്നാമത്തെ അലോട്ട്‌മെന്‍റ് സെപ്റ്റംബര്‍ ആറിന് പ്രസിദ്ധീകരിക്കും. അലോട്ട്‌മെന്‍റ് ലഭിച്ചവര്‍ മാന്‍ഡേറ്ററി ഫീസടച്ച് അലോട്ട്‌മെന്‍റ് ഉറപ്പാക്കണം. എസ് സി/ എസ്ടി./ ഒഇസി./ ഒഇസിക്ക് തത്തുല്യമായ വിദ്യാഭ്യാസ ആനുകൂല്യം ലഭിക്കുന്ന ഇതര 30 സമുദായങ്ങളിലെ വിദ്യാര്‍ഥികള്‍ എന്നിവര്‍ക്ക് 115 രൂപയും മറ്റുള്ളവര്‍ക്ക് 480 രൂപയുമാണ് മാന്‍ഡേറ്ററി ഫീസ്.
https://admission.uoc.ac.in/ എന്ന വെബ്സൈറ്റില്‍ സ്റ്റുഡന്‍റ് ലോഗിന്‍ വഴി അലോട്ട്‌മെന്‍റ് പരിശോധിക്കാം. ഫീസടയ്ക്കാനുള്ള ലിങ്ക് ഒമ്പതിന് വൈകിട്ട് അഞ്ചുവരെ ലഭ്യമാവും.
പരീക്ഷാ ഫലം 2019 പ്രവേശനം ഒരുവര്‍ഷ മാസ്റ്റര്‍ ഓഫ് ലോ (സിസിഎസ്എസ്.) ഒന്നാം സെമസ്റ്റര്‍ 2019 നവംബര്‍ പരീക്ഷാ ഫലം പ്രസിദ്ധീകരിച്ചു. പുനര്‍മൂല്യനിര്‍ണയം, സൂക്ഷ്മ പരിശോധന, പകര്‍പ്പ് എന്നിവക്ക് 15 വരെ അപേക്ഷിക്കാം.
ജനുവരിയില്‍ നടത്തിയ എല്‍എല്‍ബി ത്രിവത്സരം/ പഞ്ചവത്സരം, ബിബിഎ. എല്‍എല്‍ബി. (എച്), എല്‍എല്‍ബി. യൂണിറ്ററി ഇന്‍റെണല്‍ ഇംപ്രൂവ്മെന്‍റ് പരീക്ഷാ ഫലം പ്രസിദ്ധീകരിച്ചു.
എംഎഡ്. പ്രവേശനം പഠന വകുപ്പ് / അഫിലിയേറ്റഡ് കോളജുകളിലെ എംഎഡ്. പ്രവേശനത്തിന് ഓൺലൈനായി 13ന് അഞ്ചു മണി വരെ അപേക്ഷിക്കാം. ഫീസ് ജനറൽ 555 രൂപ, എസ്‌സി. എസ്ടി. 280 രൂപ. വിശദവിവരങ്ങൾ admission.uoc.ac.in
ഫോൺ: 0494 2407 016, 2407 017.
എംബിഎ. റാങ്ക് ലിസ്റ്റ് പഠനവകുപ്പുകളിലെയും സ്വാശ്രയ സെന്‍ററുകള്‍, അഫിലിയേറ്റഡ് കോളജുകള്‍ എന്നിവയിലെയും എംബിഎ പ്രവേശനത്തിനുള്ള റാങ്ക് ലിസ്റ്റ് admission.uoc.ac.in വെബ്സൈറ്റില്‍ പ്രസിദ്ധീകരിച്ചു. റാങ്ക് പട്ടികയില്‍ ഉള്‍പ്പെട്ടവര്‍ 15ന് മുമ്പായി അതത് കേന്ദ്രങ്ങളില്‍ പ്രവേശനം ഉറപ്പാക്കണം.
പഠനം മുടങ്ങിയവര്‍ക്ക് തുടര്‍ പഠനം അഫിലിയേറ്റഡ് കോളജുകളില്‍ 2017, 2018 വര്‍ഷങ്ങളില്‍ ബിരുദത്തിന് (ബിഎ, ബികോം, ബിബിഎ, ബിഎസ്.സി മാത്സ്) ചേര്‍ന്ന് ഒന്ന് മുതല്‍ മൂന്ന് വരെ സെമസ്റ്റര്‍ പരീക്ഷകള്‍ എഴുതിയ ശേഷം തുടരാന്‍ കഴിയാത്തവര്‍ക്കും നിലവില്‍ കാലിക്കട്ടിലെ അഫിലിയേറ്റഡ് കോളജുകളില്‍ പഠിച്ചുകൊണ്ടിരിക്കുന്നവര്‍ക്കും(റഗുലര്‍ യുജി 2019 പ്രവേശനം) വിദൂര വിഭാഗം നാലാം സെമസ്റ്ററില്‍ ചേര്‍ന്ന് പഠനം തുടരാം. വിശദ വിവരങ്ങള്‍ www.sdeuoc.ac.in . ഫോണ്‍ 0494 2407357, 2400288 2407494.