കാലിക്കട്ട് സര്വകലാശാല 27ന് നടത്താനിരുന്ന എല്ലാ പരീക്ഷകളും മാറ്റി. പുതുക്കിയ തീയതി പിന്നീട് അറിയിക്കും.
ബിരുദ പ്രവേശനം മൂന്നാം അലോട്ട്മെന്റ് പ്രസിദ്ധീകരിച്ചു 202122 അധ്യയന വര്ഷത്തെ ബിരുദപ്രവേശനത്തിനുള്ള മൂന്നാമത്തെ അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ച എല്ലാവരും 30ന് വൈകീട്ട് മൂന്നിന് മുമ്പായി സ്ഥിരം പ്രവേശനം എടുക്കണം. പുതുതായി അലോട്ട്മെന്റ് ലഭിച്ചവര് മാൻഡേറ്ററി ഫീസ് അടച്ചതിനു ശേഷമാണ് പ്രവേശനം എടുക്കേണ്ടത്.
ഓരോ കോളജിലും രണ്ടാമത്തെ അലോട്ട്മെന്റിനു ശേഷം താത്കാലിക പ്രവേശനം നേടിയവരും എന്നാല് മൂന്നാം അലോട്ട്മെന്റില് മാറ്റമൊന്നുമില്ലാത്തവര് നിര്ബന്ധമായും സ്ഥിരം പ്രവേശനമെടുക്കണം. മാൻഡേറ്ററി ഫീസ് അടക്കുന്നതിനുള്ള സൗകര്യം 30ന് വൈകീട്ട് മൂന്നു വരെ വെബ്സൈറ്റില് ലഭ്യമാണ്. പ്രവേശനത്തിനായി കോളജുകള് നിര്ദേശിക്കുന്ന സമയക്രമം പാലിക്കേണ്ടതാണ്. ഹയര് ഓപ്ഷന് നിലനിര്ത്തിക്കൊണ്ട് സ്ഥിരം പ്രവേശനമെടുക്കാനുള്ള അവസരമുണ്ട്. എന്നാല് ലഭിച്ച ഓപ്ഷനില് തൃപ്തരായവര് നിര്ബന്ധമായും ഹയര് ഓപ്ഷന് റദ്ദ് ചെയ്യണം. വിശദവിവരങ്ങള് വെബ്സൈറ്റില്. (https://admission.uoc.ac.in).
അഫ്സലുല് ഉലമ ഒന്നാം അലോട്ട്മെന്റ് പ്രസിദ്ധീകരിച്ചു 202122 അധ്യയനവര്ഷത്തെ അഫ്സലുല് ഉലമ പ്രിലിമിനറി പ്രവേശനത്തിന്റെ ഒന്നാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ച എസ്സി, എസ്ടി, ഒഇസി വിഭാഗത്തില്പ്പെട്ടവര് 115 രൂപയും മറ്റുള്ളവര് 480 രൂപയും മാൻഡേറ്ററി ഫീസടച്ച് 29ന് വൈകീട്ട് നാലിനു മുമ്പായി സ്ഥിരം/താത്ക്കാലിക പ്രവേശനം എടുക്കേണ്ടതാണ്. ലഭിച്ച ഓപ്ഷനില് തൃപ്തരായവര് ഹയര് ഓപ്ഷന് റദ്ദ് ചെയ്ത് പുതുക്കിയ അപേക്ഷയുടെ പ്രിന്റൗട്ട് നിര്ബന്ധമായും എടുത്ത് സൂക്ഷിക്കേണ്ടതാണ്. ഹയര് ഓപ്ഷന് നിലനിര്ത്തുന്നപക്ഷം തുടര്ന്നുള്ള അലോട്ട്മെന്റില് വരുന്ന ഓപ്ഷന് നിര്ബന്ധമായും സ്വീകരിക്കണം. താത്ക്കാലിക പ്രവേശനമെടുക്കുന്നവര് കോളജുകളില് ഫീസടക്കേണ്ടതില്ല. വിശദവിവരങ്ങള് വെബ്സൈറ്റില്. (https://admission.uoc.ac.in).
സൗജന്യ അഭിമുഖ പരിശീലനം പിഎസ്സി നടത്തിയ എല്പി, യുപി അധ്യാപക നിയമന പരീക്ഷകളുടെ ചുരുക്കപ്പട്ടികയില് ഇടം നേടിയവര്ക്കായി കാലിക്കട്ട് യൂണിവേഴ്സിറ്റി എംപ്ലോയ്മെന്റ് ഇന്ഫര്മേഷന് ആൻഡ് ഗൈഡന്സ് ബ്യൂറോ സൗജന്യ അഭിമുഖ പരിശീലനം നല്കുന്നു. പങ്കെടുക്കാന് ആഗ്രഹിക്കുന്നവര് പേര്, വിലാസം, വയസ്, പഠിച്ച വിഷയം, വാട്സ്ആപ്പ് നമ്പര്, ഇമെയില്, പരീക്ഷയുടെ രജിസ്റ്റര് നമ്പര്, ഏതു ജില്ലയില് ചുരുക്കപ്പട്ടികയില്, മെയിൻ/സപ്ലിമെന്ററി ലിസ്റ്റ് എന്നീ വിവരങ്ങള് സഹിതം 29ന് വൈകീട്ട് അഞ്ചിനു മുമ്പായി
[email protected] എന്ന ഇമെയില് വിലാസത്തില് അപേക്ഷിക്കണം. പരിശീലനം ഒക്ടോബര് രണ്ടാം വാരത്തില് നടക്കും. ഫോണ് : 0494 2405540
പരീക്ഷാ ഫലം 2009, 2014 സ്കീം മൂന്നാം സെമസ്റ്റര് ബിടെക് നവംബര് 2019 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യ നിര്ണയത്തിന് ഒക്ടോബര് 23 വരെ ഓണ്ലൈനായി അപേക്ഷിക്കാം.
സിസിഎസ്എസ് രണ്ടാം സെമസ്റ്റര് എംഎ എക്കണോമിക്സ്, ഫിനാന്ഷ്യല് എക്കണോമിക്സ് ഏപ്രില് 2020 പരീക്ഷകളുടെ ഫലം പ്രസിദ്ധീകരിച്ചു.
പരീക്ഷാ അപേക്ഷ ഒന്ന്, മൂന്ന് സെമസ്റ്റര് എംസിഎ ഏപ്രില് 2021 റഗുലര്, സപ്ലിമെന്ററി പരീക്ഷക്ക് പിഴ കൂടാതെ ഒക്ടോബര് നാലുവരെയും 170 രൂപ പിഴയോടെ 6 വരെയും ഫീസടച്ച് എട്ട് വരെ ഓണ്ലൈനായി രജിസ്റ്റര് ചെയ്യാം. 2019 സ്കീം, 2019 പ്രവേശനം പിജിഎസ്ഡിഇസിബിസിഎസ്എസ് മൂന്നാം സെമസ്റ്റര് പിജി നവംബര് 2020 പരീക്ഷയ്ക്കു പിഴ കൂടാതെ ഒക്ടോബര് ഏഴുവരെയും 170 രൂപ പിഴയോടെ 11 വരെയും ഫീസടച്ച് 13 വരെ ഓണ്ലൈനായി അപേക്ഷിക്കാം. എസ്ഡിഇയില് പുനഃപ്രവേശനം നേടിയവരും സ്ട്രീം മാറ്റിയവരുമായ നാലാം സെമസ്റ്റര് ബിരുദ വിദ്യാര്ഥികള്ക്ക് ഏപ്രില് 2021 പരീക്ഷക്കു പിഴ കൂടാതെ ഒക്ടോബര് ഒന്നു വരെയും 170 രൂപ പിഴയോടെ അഞ്ചു വരെയും ഫീസടച്ച് ഏഴുവരെ ഓണ്ലൈനായി അപേക്ഷിക്കാം.
പ്രാക്ടിക്കല് പരീക്ഷ 2018 ബാച്ച് ബിവോക്. ജ്വല്ലറി ഡിസൈനിംഗ്, ജെമ്മോളജി നവംബര് 2020 അഞ്ചാം സെമസ്റ്റര് പരീക്ഷയുടേയും ഏപ്രില് 2021 ആറാം സെമസ്റ്റര് പരീക്ഷയുടേയും പ്രാക്ടിക്കല് പരീക്ഷ 29ന് തുടങ്ങും.
പരീക്ഷ മാറ്റി 22ന് നടത്താനിരുന്ന നാലാം സെമസ്റ്റര് എംഎല്ഐഎസ്സി ഏപ്രില് 2021 പരീക്ഷ 23ന് ഉച്ചയ്ക്ക് 1.30 മുതല് 4.30 വരെ നടക്കും. മറ്റ് പരീക്ഷകളില് മാറ്റമില്ല.
എംഎഡ് പ്രവേശനം: ഇന്നുകൂടി അപേക്ഷിക്കാം 2021 അധ്യയന വര്ഷത്തെ എംഎഡ് പ്രവേശനത്തിന് 24 വരെ അപേക്ഷിക്കാം. അപേക്ഷ സമര്പ്പിച്ചവര് യോഗ്യതാ പരീക്ഷയുടെ മാര്ക്ക് /ഗ്രേഡിന്റെ ശതമാനം നിര്ബന്ധമായും അപേക്ഷയില് കൂട്ടിച്ചേര്ക്കണം. അപേക്ഷയില് തെറ്റു തിരുത്തുന്നതിനും അവസരമുണ്ട്. ഫോണ് : 0494 2407016, 7017.