കണ്ണൂർ സർവകലാശാല പയ്യന്നൂർ കാന്പസിലെ ഭൗതിക ശാസ്ത്ര പഠനവകുപ്പിൽ എംഎസ്സി ഫിസിക്സ് (അഡ്വാൻസ്ഡ് മെറ്റീരിയൽസ്) 2021 23 പ്രോഗ്രാമിലേക്ക് എസ്സി (3) എസ്ടി(1) വിഭാഗത്തിലെ വിദ്യാർഥികൾക്കായി സംവരണത്തെ ചെയ്ത സീറ്റുകൾ ഒഴിവുണ്ട്. യോഗ്യരായ വിദ്യാർഥികൾ അസൽ രേഖകൾ സഹിതം 20 ന് രാവിലെ 1030 ന് പഠനവകുപ്പിൽ നേരിട്ട് ഹാജരാകണം. ഫോൺ: 0497 2806401, 9447458499.
പിജി മൂന്നാം അലോട്ട്മെന്റ് പ്രസിദ്ധീകരിച്ചു അഫിലിയേറ്റഡ് കോളജുകളിലേക്കുള്ള ബിരുദാനന്തര ബിരുദ പ്രവേശനത്തിന്റെ മൂന്നാം അലോട്ട്മെന്റ് www.admission.kannuruniversity.ac.in എന്ന വെബ്സൈറ്റിൽ പ്രസിദ്ധീകരിച്ചു. അപേക്ഷകർ ആപ്ലിക്കേഷൻ നമ്പറും പാസ്വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കേണ്ടതാണ്. ആദ്യമായി അലോട്ട്മെന്റ് ലഭിച്ച വിദ്യാർഥികൾ അഡ്മിഷൻ ഫീസ് 20 നകം എസ്ബിഐ ഈപേ വഴി നിർബന്ധമായും അടയ്ക്കേണ്ടതാണ്. ഫീസടയ്ക്കാത്തവർക്ക് ലഭിച്ച അലോട്ട്മെന്റ് നഷ്ടമാകും. അഡ്മിഷൻ ഫീസ് ജനറൽ വിഭാഗത്തിന് 610 രൂപയും എസ്സി/എസ്ടി വിഭാഗത്തിന് 550 രൂപയുമാണ്.
ഒന്നും രണ്ടും അലോട്ട്മെന്റുകളിൽ അലോട്ട്മെന്റ് ലഭിച്ച വിദ്യാർഥികൾ വീണ്ടും ഹയർ ഓപ്ഷൻ ലഭിച്ചാൽ ഫീസ് അടയ്ക്കേണ്ടതില്ല. അലോട്ട്മെന്റ് ലഭിച്ചവർ pay fees ബട്ടൺ ക്ലിക്ക് ചെയ്താണ് ഫീസ് അടയ്ക്കേണ്ടത്. ഫീസടച്ചവർ ലോഗിൻ ചെയ്തു ഫീസടച്ച വിവരങ്ങൾ അവരുടെ പ്രൊഫൈലിൽ വന്നിട്ടുണ്ടോയെന്ന് ഉറപ്പുവരുത്തേണ്ടതാണ്. അഡ്മിഷൻ ഫീസ് എസ്ബിഐ ഈപേ വഴി അടയ്ക്കാത്ത അപേക്ഷകരുടെ അലോട്ട്മെന്റ് റദ്ദാക്കുന്നതാണ്.
കണ്ണൂർ സർവകലാശാലയിൽനിന്നല്ലാതെ യോഗ്യതാകോഴ്സ് പൂർത്തിയാക്കിയ വിദ്യാർഥികൾ റെക്കഗ്നീഷൻ ഫീസായ 165 രൂപയും മെട്രിക്കുലേഷൻ ഫീസായ 165 രൂപയും ഉൾപ്പെടെ 330 രൂപ കോളജിൽ പ്രവേശനം നേടിയതിനുശേഷം സർവകലാശാല വെബ്സൈറ്റിൽ ലഭ്യമാകുന്ന ലിങ്ക് വഴി അടയ്ക്കേണ്ടതാണ്. ഒന്നും രണ്ടും അലോട്ട്മെന്റുകളിൽ അലോട്ട്മെന്റ് ലഭിച്ച് ഫീസ് അടച്ചവർ വീണ്ടും ഹയർ ഓപ്ഷൻ ലഭിച്ചാൽ ഫീസ് അടയ്ക്കേണ്ടതില്ല.
കോളജ് പ്രവേശനം മൂന്നാം അലോട്ട്മെന്റിൽ അലോട്ട്മെന്റ് ലഭിക്കുന്ന വിദ്യാർഥികൾ അതത് കോളജുകളിൽ അഡ്മിഷനു വേണ്ടി 21 ന് ഹാജരാകേണ്ടതാണ്. അഡ്മിഷൻ ലഭിക്കുന്നതിനായി ഹാജരാക്കുന്നതിനുള്ള അലോട്ട്മെന്റ് മെമ്മോ വെബ്സൈറ്റിൽ ലഭ്യമാകുന്നതാണ്. അലോട്ട്മെന്റ് മെമ്മോയോടൊപ്പം താഴെക്കൊടുത്തിരിക്കുന്ന രേഖകളും പ്രവേശനസമയത്ത് അതത് കോളജുകളിൽ ഹാജരാക്കേണ്ടതാണ്.
ഓൺലൈൻ അപേക്ഷയുടെ പ്രിന്റൗട്ട് രജിസ്ട്രേഷൻ ഫീസ്, സർവകലാശാല ഫീസ് എന്നിവ ഓൺലൈനായി അടച്ച രസീതിന്റെ പ്രിന്റൗട്ട് , യോഗ്യതാപരീക്ഷയുടെ അസൽ മാർക്ക് ലിസ്റ്റ് ആൻഡ് പ്രവിഷണൽ /ഡിഗ്രി സർട്ടിഫിക്കറ്റ്, ജനനതീയതി തെളിയിക്കുന്ന സർട്ടിഫിക്കറ്റ്, വിടുതൽ സർട്ടിഫിക്കറ്റ് (ടിസി), കോഴ്സ്/ കോണ്ടക്ട് സർട്ടിഫിക്കറ്റ്, അസൽ കമ്യൂണിറ്റി സർട്ടിഫിക്കറ്റ്, ഇഡബ്യുഎസ് സർട്ടിഫിക്കറ്റ് (പൊതു/മുന്നാക്ക വിഭാഗത്തിലെ സാമ്പത്തികമായി പിന്നാക്കം നിൽക്കുന്നവർക്ക് ), അസൽ നോൺക്രീമിലെയർ സർട്ടിഫിക്കറ്റ് (എസ്ഇബിസി വിഭാഗങ്ങൾക്ക്).
ഗ്രേസ് മാർക്ക് ലഭിക്കുന്നതിനാവശ്യമായ അസൽ സർട്ടിഫിക്കറ്റ് കേരളത്തിന് പുറത്തുള്ള സർവകലാശാലകളിൽനിന്ന് വിദൂരവിദ്യാഭ്യാസം വഴി യോഗ്യതാകോഴ്സ് പൂർത്തിയാക്കിയവരും വ്യത്യസ്ത നാമകരണത്തിൽ ബിരുദം പൂർത്തിയായവരും കണ്ണൂർ സർവകലാശാലയുടെ Equivalence Certificate ഹാജരാക്കേണ്ടതാണ്. ഏതെങ്കിലും ബിരുദമാണ് യോഗ്യതയെങ്കിൽ കണ്ണൂർ സർവകലാശാലയുടെ Recognition Certificate മതിയാകും.
ഫീസടച്ച വിവരങ്ങൾ അടങ്ങിയ പ്രിന്റൗട്ട് ഓൺലൈൻ രജിസ്റ്റർ ചെയ്ത എല്ലാ വിദ്യാർഥികളും ഫീസടച്ചതിന്റെ വിവരങ്ങൾ അടങ്ങിയ പ്രിന്റൗട്ട് കൈവശം സൂക്ഷിക്കേണ്ടതാണ്. അഡ്മിഷൻ സമയത്ത് നിർബന്ധമായും കോളജിൽ ഹാജരാക്കേണ്ടതാണ്. കൂടുതൽ വിവരങ്ങൾ www.admission.kannuruniversity.ac.in എന്ന വെബ്സൈറ്റിൽ ലഭിക്കും.
ഹെൽപ്പ് ലൈൻ നമ്പർ:0 4972715261, 7356948230 ഇ മെയിൽ ഐഡി
[email protected].
തുറന്ന സംവാദം മൂന്നിന് കണ്ണൂർ സർവകലാശാലയിൽ ഹിന്ദി ഭാഷയിൽ ഗവേഷണം നടത്തുന്ന കെ.വി. രജുല എന്ന വിദ്യാർഥി തന്റെ പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള തുറന്ന സംവാദം മൂന്നിന് രാവിലെ 11 ന് വീഡിയോ കോൺഫറൻസിംഗിലൂടെ നടത്തുമെന്ന് റിസർച്ച് ഡയറക്ടർ അറിയിച്ചു. പ്രസ്തുത പ്രബന്ധം സെമിനാറിന് മൂന്നു ദിവസം മുന്പ് മുതൽ നീലേശ്വരം ഡോ. പി. കെ. രാജൻ മെമ്മോറിയൽ കാമ്പസിലെ ഹിന്ദി വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.
ഇന്റേണൽ മാർക്ക് സമർപ്പണം അഫിലിയേറ്റഡ് കോളജുകളിലെയും ഐടി എഡ്യുക്കേഷൻ സെന്ററുകളിലെയും നാലാം സെമസ്റ്റർ എംസിഎ മേയ് 2021 സെഷൻ പരീക്ഷയുടെ ഇന്റേണൽ മാർക്കുകൾ 20 മുതൽ 25 വരെ ഓൺലൈനായി സമർപ്പിക്കേണ്ടതാണ്.
പ്രായോഗിക പരീക്ഷകൾ ഏഴാം സെമസ്റ്റർ ബിടെക് (സപ്ലിമെന്ററി 2007 അഡ്മിഷൻ മുതൽപാർട്ട് ടൈം ഉൾപ്പെടെ) നവംബർ 2019മെക്കാനിക്കൽ എൻജിനിയറിംഗ് വിഭാഗം പ്രായോഗിക പരീക്ഷകൾ 20 ന് വിവിധ പരീക്ഷാകേന്ദ്രങ്ങളിൽ നടത്തും. ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.