മൂന്നാം വർഷ ബിരുദം; ട്യൂഷൻ ഫീസ്
കണ്ണൂർ സർവകലാശാലയുടെ വിദൂര വിദ്യാഭാസ വിഭാഗം മൂന്നാംവർഷ ബിരുദ വിദ്യാർഥികളിൽനിന്ന് ട്യൂഷൻ ഫീസ് പിഴയില്ലാതെ ഡിസംബർ15 വരെയും 335 രൂപ പിഴയോടുകൂടി 2022 ജനുവരി 15വരെയും സ്വീകരിക്കും. ബിഎ/ബികോം വിഷയങ്ങൾക്ക് 1325 രൂപയും ബിബിഎയ്ക്ക് 5215 രൂപയുമാണ് ഫീസ്.
ടൈംടേബിൾ
ഈ മാസം 28, നവംബർ രണ്ട്, 10 തീയതികളിൽ യഥാക്രമം ആരംഭിക്കുന്ന സർവകലാശാല പഠനവകുപ്പുകളിലെ ഒന്നാം സെമസ്റ്റർ എംഎ ട്രൈബൽ ആൻഡ് റൂറൽ സ്റ്റഡീസ്, എംഎഡ്, എംഎസ്സി പ്ലാന്റ് സയൻസ് (റഗുലർ), നവംബർ 2020 പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
വിദൂര വിദ്യാഭ്യാസ പരീക്ഷാതീയതികൾ
ഈ മാസം 18, 20, 22 തീയതികളിൽ നടത്താൻ നിശ്ചയിച്ചിരുന്ന രണ്ടാംവർഷ വിദൂരവിദ്യാഭ്യാസ ബിരുദ (ഏപ്രിൽ 2021) പരീക്ഷകൾ യഥാക്രമം 25, 27, 29 തീയതികളിൽ നടക്കുന്ന രീതിയിൽ പുനഃക്രമീകരിച്ചു. 26മുതലുള്ള മറ്റു പരീക്ഷകൾ മുൻനിശ്ചയിച്ച ടൈംടേബിൾ പ്രകാരം നടക്കും.
വാചാ പരീക്ഷ
നാലാം സെമസ്റ്റർ എംഎഡ് (സിസിഎസ്എസ്റഗുലർ/സപ്ലിമെന്ററി), മേയ് 2021 വാചാ പരീക്ഷകൾ പഠനവകുപ്പിൽ വച്ച് 28ന് നടത്തും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.