സ്പെഷൽ എഡ്യുക്കേഷന് പ്രോജക്ടിൽ നിയമനം
കണ്ണൂർ സർവകലാശാല ഇൻഫർമേഷൻ ടെക്നോളജി പഠന വകുപ്പ് , എസ് സി ഇആർടി കേരളയുടെ സഹായത്തോടു കൂടി നടത്താനുദ്ദേശിക്കുന്ന സ്പെഷൽ എഡ്യൂക്കേഷനുമായി ബന്ധപ്പെട്ട പ്രോജക്ടിന് വേണ്ടി പ്രോജക്ട് എൻജിനിയർ / സോഫ്റ്റ്വെയർ ഡെവലപ്പർ (രണ്ട് ഒഴിവുകൾ), വിഷയ വിദഗ്ദ്ധൻ ( ഒരു ഒഴിവ് ) എന്നീ തസ്തികളിൽ നിയമനം നടത്തുന്നു.
പ്രോജക്ട് എൻജിനിയർ / സോഫ്റ്റ്വെയർ ഡെവലപ്പർ തസ്തികയിലേക്ക് എംസിഎ / എം എസ് സി കംപ്യൂട്ടർ സയൻസ് അല്ലെങ്കിൽ കംപ്യൂട്ടർ സയൻസ് / ഇലക്ട്രോണിക്സ് വിഷയങ്ങളിൽ ബിഇ അല്ലെങ്കിൽ ബിടെക്. മൊബൈൽ ബേസ്ഡ് സിസ്റ്റം ഡെവലപ്പ്മെന്റിലും വെബ് ബേസ്ഡ് സിസ്റ്റം ഡെവലപ്പ്മെന്റിലും ഉള്ള പരിചയമാണ് യോഗ്യത. മുൻ സെമസ്റ്ററുകൾ മുഴുവനായി പൂർത്തികരിച്ച അവസാന സെമസ്റ്റർ വിദ്യാർഥികൾക്കും അഭിമുഖത്തിൽ പങ്കെടുക്കാവുന്നതാണ്.
വിഷയ വിദഗ്ദ്ധൻ തസ്തികയിലേക്ക് ഓട്ടിസം സ്പെക്ട്രം ഡിസോഡറിൽ കേന്ദ്രീകരിച്ചുള്ള സ്പെഷൽ എഡ്യൂക്കേഷൻ മാസ്റ്റർ ബിരുദം അല്ലെങ്കിൽ ഓട്ടിസം സ്പെക്ട്രം ഡിസോഡർ കേന്ദ്രീകരിച്ചുള്ള സ്പെഷൽ എഡ്യൂക്കേഷൻ ബിരുദം /ഡിപ്ലോമ എന്നിവയാണ് യോഗ്യത. ഓട്ടിസം സ്പെക്ട്രം ഡിസോഡർ ബാധിച്ച കുട്ടികൾക്കുള്ള സ്പെഷൽ സ്കൂളുകളിലെ പ്രവർത്തന പരിചയം അഭികാമ്യം.
താത്പര്യമുള്ള ഉദ്യോഗാർഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളുമായി ജൂൺ ആറിന് രാവിലെ പത്തിന് കണ്ണൂർ സർവകലാശാല മങ്ങാട്ടുപറമ്പ കാമ്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി വകുപ്പ് മേധാവിക്ക് മുന്പാകെ ഹാജരാകണം.വിശദ വിവരങ്ങൾ സർവകലാശാല വെബ്സൈറ്റിൽ ലഭ്യമാണ്. ഫോൺ: 9243037002.
എം.ലിബ് .ഐഎസ് സി; അപേക്ഷ ക്ഷണിച്ചു
കണ്ണൂർ സർവകലാശാല താവക്കര കാന്പസിൽ പ്രവർത്തിക്കുന്ന ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പ് നടത്തുന്ന തൊഴിലധിഷ്ഠിത പ്രോഗ്രാമായ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് പ്രോഗ്രാമിലേക്ക് ജൂൺ ആറുവരെ അപേക്ഷിക്കാം. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. വിശദ വിവരങ്ങൾ സർവകലാശാല വെബ്സൈറ്റിൽ.
ലാറ്ററൽ എൻട്രി പ്രവേശനം
കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളജിൽ 202324 വർഷത്തിൽ അഞ്ചു വർഷ ഇൻ്റഗ്രേറ്റഡ് എം എസ് സി കംപ്യൂട്ടർ സയൻസ് (വിത്ത് ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിംഗ്) പ്രോഗ്രാമിലെ ഏഴാം സെമസ്റ്ററിൽ ഒഴിവുവന്ന സീറ്റിലേക്കുള്ള ലാറ്ററൽ എൻട്രി പ്രവേശനത്തിന് അപേക്ഷ ക്ഷണിച്ചു. കംപ്യൂട്ടർ സയൻസിൽ ബിരുദം/ ഐടിയിൽ ഉള്ള ബി എസ് സി ബിരുദം/ ബി സി എ എന്നീ യോഗ്യതയുള്ളവർക്ക് അപേക്ഷിക്കാം. അപേക്ഷകൾ ജൂൺ എട്ടിന് വൈകുന്നേരം അഞ്ചിന് മുന്പായി കോളേജിൽ സമർപ്പിക്കണം.
പരീക്ഷാഫലം
പഠനവകുപ്പിലെ മൂന്നാം സെമെസ്റ്റർ എംഎ മ്യൂസിക് (സിബിസി എസ്എസ് റഗുലർ, സപ്ലിമെന്ററി) നവംബർ 2022 പരീക്ഷാഫലം വെബ്സൈറ്റിൽ ലഭ്യമാണ്. ഉത്തരകടലാസുകളുടെ പുന:പരിശോധന / സൂക്ഷ്മ പരിശോധന / ഫോട്ടോകോപ്പി എന്നിവയ്ക്ക് ജൂൺ 14 ന് വൈകുന്നേരം അഞ്ചു വരെ അപേക്ഷിക്കാം.
എം എസ് സി പ്രവേശനം
കണ്ണൂർ സർവകലാശാല പയ്യന്നൂർ സ്വാമി ആനന്ദതീർത്ഥ കാന്പസിൽ എം എസ് സി കെമിസ്ട്രി (മെറ്റീരിയൽ സയൻസ്), എം എസ് സി കെമിസ്ട്രി (നാനോ സയൻസ് ആൻഡ് നാനോ ടെക്നോളജി), എം എസ് സി നാനോ സയൻസ് ആൻഡ് നാനോ ടെക്നോളജി എന്നീ പ്രോഗ്രാമുകളിലേക്ക് പ്രവേശനത്തിനായി ജൂൺ ആറുവരെ ഓൺ ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ ലഭ്യമാണ്.
ഹാൾടിക്കറ്റ്
ജൂൺ ആറിന് ആരംഭിക്കുന്ന ന്യൂജെൻ ആറാം സെമസ്റ്റർ ബി എസ് സി ലൈഫ് സയൻസ് (സുവോളജി) ആൻഡ് കംപ്യട്ടേഷണൽ ബയോളജി, ബി എസ് സി കോസ്റ്റ്യൂം ആൻഡ് ഫാഷൻ ഡിസൈനിംഗ്, ബി എ സോഷ്യൽ സയൻസ്, ബി എം എം സി, (സി ബി സി എസ് എസ് ഒ ബി ഇ റഗുലർ 2020 അഡ്മിഷൻ) ഏപ്രിൽ 2023 ഹാൾടിക്കറ്റ് വെബ്സൈറ്റിൽ ലഭ്യമാണ്.
ടൈംടേബിൾ
ജൂൺ 15 ന് ആരംഭിക്കുന്ന സർവകലാശാല പഠനവകുപ്പുകളിലെ നാലാം സെമസ്റ്റർ എംഎ / എം എസ് സി / എൽ എൽ എം / എം സി എ / എംബിഎ / എം എൽ ഐ എസ് സി (എം എസ് സി പ്ലാന്റ് സയൻസ് വിത്ത് സ്പെഷ്യലൈസേഷൻ ഇൻ എത്തനോ ബോട്ടണി ഒഴികെ) (സി ബി സി എസ് എസ് 2020 സിലബസ് റെഗുലർ / സപ്ലിമെന്ററി) മെയ് 2023 പരീക്ഷയുടെ പുതുക്കിയ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
പരീക്ഷാഫലം
പഠനവകുപ്പിലെ പത്താം സെമെസ്റ്റർ ബി എ എൽ എൽ ബി (റഗുലർ / സപ്ലിമെന്ററി) മേയ് 2023 പരീക്ഷാഫലം വെബ്സൈറ്റിൽ ലഭ്യമാണ്. ഉത്തരകടലാസുകളുടെ പുന:പരിശോധന / സൂക്ഷ്മ പരിശോധന / ഫോട്ടോകോപ്പി എന്നിവയ്ക്ക് ജൂൺ 13 ന് വൈകുന്നേരം അഞ്ചു വരെ അപേക്ഷിക്കാം.