പരീക്ഷ സമയക്രമം
മൂന്നാം സെമസ്റ്റർ സിബിസിഎസ്എസ് (20132016 അഡ്മിഷൻ റീഅപ്പിയറൻസ്) പരീക്ഷകൾ രാവിലെ 9.30 മുതൽ 12.30 വരെയും മൂന്നാം സെമസ്റ്റർ സിബിസിഎസ് (പുതിയ സ്കീം 2017 അഡ്മിഷൻ) പരീക്ഷകൾ ഉച്ചയ്ക്ക് 1.30 മുതൽ 4.30 വരെയും (വെള്ളിയാഴ്ചകളിൽ രണ്ടു മുതൽ അഞ്ചു വരെയും) നടക്കും. ടൈംടേബിൾ വെബ്സൈറ്റിൽ.
പരീക്ഷ തീയതി
സ്കൂൾ ഓഫ് ഇന്ത്യൻ ലീഗൽ തോട്ടിലെ ഒന്നാം സെമസ്റ്റർ എൽഎൽഎം (ഏകവത്സരം) പരീക്ഷ ഡിസംബർ ഏഴിന് തുടങ്ങും. അപേക്ഷ 28വരെയും 500 രൂപ പിഴയോടെ 29 വരെയും സ്വീകരിക്കും.
ഒന്നാം സെമസ്റ്റർ എംബിഎ (പുതിയ സ്കീം 2018 അഡ്മിഷൻ റഗുലർ/2015, 2016, 2017 അഡ്മിഷൻ സപ്ലിമെന്‍ററി) പരീക്ഷകൾ ഡിസംബർ 14 ന് ആരംഭിക്കും. അപേക്ഷ 27 വരെയും 500 രൂപ പിഴയോടെ 28 വരെയും 1000 രൂപ സൂപ്പർഫൈനോടെ 30 വരെയും സ്വീകരിക്കും. റഗുലർ വിദ്യാർഥികൾ 200 രൂപയും വീണ്ടുമെഴുതുന്നവർ പേപ്പറൊന്നിന് 40 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
അപേക്ഷ തീയതി
ഒന്നാം സെമസ്റ്റർ സിബിസിഎസ് (പുതിയ സ്കീം റഗുലർ 2018 അഡ്മിഷൻ/2017 അഡ്മിഷൻ റീഅപ്പിയറൻസ്), സിബിസിഎസ്എസ് (2013 2016 അഡ്മിഷൻ റീഅപ്പിയറൻസ്, ഇംപ്രൂവ്മെന്‍റ്) യുജി പരീക്ഷകൾക്കു പിഴയില്ലാതെ 28 മുതൽ 30 വരെയും 500 രൂപ പിഴയോടെ ഡിസംബർ ഒന്നു മുതൽ മൂന്നു വരെയും 1000 രൂപ സൂപ്പർഫൈനോടെ നാലു മുതൽ അഞ്ചു വരെയും അപേക്ഷിക്കാം. അപേക്ഷകർ മാർക്ക് ലിസ്റ്റ് ഫീസായി 50 രൂപയും ആപ്ലിക്കേഷൻ ഫീസായി 25 രൂപയും അടയ്ക്കണം.
റെഗുലർ വിദ്യാർഥികൾ സെമസ്റ്ററൊന്നിന് 200 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. വിശദവിവരം വെബ്സൈറ്റിൽ,
പരീക്ഷാഫലം
2018 ഏപ്രിലിലെ എംഎസ്‌സി ഫിസിക്സ് (ഫൈനൽ) മേഴ്സി ചാൻസ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ അഞ്ചു വരെ അപേക്ഷിക്കാം. 2018 ജനുവരിയിലെ ഒന്നാം സെമസ്റ്റർ ബിഎഡ് (റഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഡിസംബർ അഞ്ചുവരെ അപേക്ഷിക്കാം.