എംഎസ്സി കംപ്യൂട്ടർ സയൻസ് പ്രോഗ്രാമിന് അപേക്ഷ ക്ഷണിച്ചു
കണ്ണൂർ സർവകലാശാല മാങ്ങാട്ടുപറന്പ് കാന്പസിലെ ഐടി ഡിപ്പാർട്ട്മെന്റിൽ2019 അധ്യയനവർഷത്തിൽ പുതുതായി ആരംഭിക്കുന്ന എംഎസ്സി കംപ്യൂട്ടർ സയൻസ് പ്രോഗ്രാമിന് അപേക്ഷ ക്ഷണിച്ചു. ഡാറ്റാ സയൻസ്, ഇന്റലിജൻസ് തുടങ്ങിയ മേഖലകളിൽ സ്പെഷലൈസേഷനോടുകൂടിയാണ് കോഴ്സ് നടത്തുക. വിശദവിവരങ്ങൾ വെബ്സൈറ്റിൽനിന്ന് ലഭിക്കും.
എംഎസ്സി ഫിസിക്സ് പ്രവേശനം
കണ്ണൂർ സർവകലാശാലയുടെ പയ്യന്നൂർ എടാട്ട് സ്വാമി ആനന്ദതീർഥ കാന്പസിലെ ഫിസിക്സ് ഡിപ്പാർട്ടുമെന്റിൽ എംഎസ്സി ഫിസിക്സ് പ്രവേശനത്തിനുള്ള അപേക്ഷ ക്ഷണിച്ചു. മേയ് മാസത്തിൽ നടത്തുന്ന പ്രവേശനപരീക്ഷയുടെ അടിസ്ഥാനത്തിലാണ് പ്രവേശനം. അപേക്ഷയുടെ പകർപ്പും ഫീസടച്ച രേഖകളും മറ്റ് അനുബന്ധരേഖകളും വകുപ്പ് മേധാവി, ഡിപ്പാർട്ട്മെന്റ് ഓഫ് ഫിസിക്സ്, കണ്ണൂർ യൂണിവേഴ്സിറ്റി, എടാട്ട് പി.ഒ, പയ്യന്നൂർ, കണ്ണൂർ670327 എന്ന വിലാസത്തിൽ എത്തിക്കണം. കൂടുതൽ വിവരങ്ങൾക്ക് www.pgcap.kannuruniversity.ac.in എന്ന വെബ്സൈറ്റ് സന്ദർശിക്കണം.
പരീക്ഷാഫലം
ആറാം സെമസ്റ്റർ ബിഎഎൽഎൽബി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മ പരിശോധനയ്ക്കും ഫോട്ടോകോപ്പിക്കുമുള്ള അപേക്ഷകൾ മേയ് മൂന്നിന് വൈകുന്നേരം അഞ്ചുവരെ സർവകലാശാലയിൽ സ്വീകരിക്കും.