ന്യൂഡൽഹി: മാരത്തൺ ചർച്ചകൾക്കും അനിശ്ചിതത്വത്തിനുമൊടുവിൽ കെപിസിസി ഭാരവാഹികളുടെ ജംബോ പട്ടിക വെട്ടി പുതിയ പട്ടിക പുറത്തുവിട്ടു. വൈസ് പ്രസിഡന്‍റുമാരുടേയും ജനറൽ സെക്രട്ടറിമാരുടേയും പട്ടികയാണ് പുറത്തുവിട്ടിരിക്കുന്നത്. പട്ടികയിൽ 12 വൈസ് പ്രസിഡന്‍റുമാരും 34 ജനറല്‍ സെക്രട്ടറിമാരുമാണുള്ളത്.
ഒരാൾക്ക് ഒരു പദവി തത്വം അംഗീകരിച്ച് എംപിമാരെയും എംഎൽഎമാരെയും പട്ടികയിൽ നിന്നു ഒഴിവാക്കിയെങ്കിലും ഹൈക്കമാൻഡ് നേരത്തെ മുല്ലപ്പള്ളിയോടൊപ്പം നിയമിച്ച എംപിമാരായ കൊടിക്കുന്നിൽ സുരേഷും കെ. സുധാകരനും വർക്കിംഗ് പ്രസിഡന്‍റുമാരായി തുടരും. എന്നാൽ, പുതിയ വർക്കിംഗ് പ്രസിഡന്‍റുമാരില്ല. തൃശൂരിൽ നിന്നുള്ള കെ.കെ. കൊച്ചുമുഹമ്മദ് ആണ് ട്രഷറർ.
വൈസ് പ്രസിഡന്‍റുമാരായ കെ.സി. റോസക്കുട്ടി, പത്മജ വേണുഗോപാൽ, കോട്ടയം ജില്ലയിൽ നിന്നുളള ജനറൽ സെക്രട്ടറി ഡി. സോന എന്നിങ്ങനെ മൂന്നു വനിതകൾ മാത്രമാണു പുതുതായി നിയമിച്ച വൈസ് പ്രസിഡന്‍റുമാരിലും ജനറൽ സെക്രട്ടറിമാരിലുമുള്ളത്.
പി.സി. വിഷ്ണുനാഥ്, ശൂരനാട് രാജശേഖരൻ, ജോസഫ് വാഴയ്്ക്കൻ, കെ.പി. ധനപാലൻ, കെ.സി. റോസക്കുട്ടി, പത്മജ വേണുഗോപാൽ, മോഹൻ ശങ്കർ, സി.പി. മുഹമ്മദ്, മാൻവിള രാധാകൃഷ്ണൻ, ടി. സിദ്ദീഖ്, ശരത്ചന്ദ്ര പ്രസാദ്, എഴുകോണ് നാരായണൻ എന്നിവരാണ് വൈസ് പ്രസിഡന്‍റുമാർ.
പാലോട് രവി, എ.എ. ഷുക്കൂർ, കെ. സുരേന്ദ്രൻ, തമ്പാനൂർ രവി, സജീവ് ജോസഫ്, കോശി എം. കോശി, പി.എം. നിയാസ്, പഴകുളം മധു, എൻ. സുബ്രഹ്മണ്യം, ജയ്സൻ ജോസഫ്, കെ. ശിവദാസൻ നായർ, സജീവ് മാറോളി, കെ.പി. അനിൽകുമാർ, എ. തങ്കപ്പൻ, അബ്ദുൾ മുത്തലിബ്, വി.എ. കരീം, റോയി കെ. പൗലോസ്, ടി.എം. സക്കീർ ഹുസൈൻ, ജി. രതികുമാർ, മണക്കാട് സുരേഷ്, രാജേന്ദ്ര പ്രസാദ്, സി.ആർ. മഹേഷ്, ഡി. സുഗതൻ, എം. മുരളി, സി. ചന്ദ്രൻ, ടോമി കല്ലാനി, ജോണ്സണ് ഏബ്രഹാം, മാത്യു കുഴൽനാടൻ, കെ. പ്രവീണ്‍ കുമാർ, ജ്യോതികുമാർ ചാമക്കാല, എം.എം. നസീർ, ഡി. സോന, ഒ. അബ്ദുൾ റഹ്മാൻ കുട്ടി, ഷാനവാസ് ഖാൻ തുടങ്ങിയവരാണ് ജനറല്‍ സെക്രട്ടറിമാർ.
പിസിസി സെക്രട്ടറിമാരെയും നിർവാഹക സമിതി അംഗങ്ങളെയും ഫെബ്രുവരി 10നു മുൻപ് പ്രഖ്യാപിക്കുമെന്ന് എഐസിസിയുടെ സംഘടനാ ചുമതലയുള്ള ജനറൽ സെക്രട്ടറി കെ.സി. വേണുഗോപാൽ അറിയിച്ചു. ഗ്രൂപ്പു സമവാക്യങ്ങളും സമുദായിക സന്തുലിതാവസ്ഥയും ഭാരവാഹികളെ തീരുമാനത്തിൽ ഘടകമായി.
മുല്ലപ്പള്ളി അധ്യക്ഷനായ ശേഷം ഒന്നര വർഷത്തോളം കഴിഞ്ഞാണ് ഭാരവാഹികളെ തീരുമാനിക്കായതെന്നതും കോണ്ഗ്രസിനു ക്ഷീണമായി. എന്നിട്ടും സെക്രട്ടറിമാരെയും നിർവാഹക സമിതിയംഗങ്ങളെയും പ്രഖ്യാപിക്കാനായതുമില്ല.