മൂവാറ്റുപുഴ: വാഹനപരിശോധനയ്ക്കിടെ പോലീസ് ഉദ്യോഗസ്ഥനെ കാറിടിച്ച് കൊല്ലാൻ ശ്രമം. കല്ലൂർക്കാട് പോലീസ് സ്റ്റേഷനിലെ സബ് ഇൻസ്പെക്ടർ ഇ.എം. മുഹമ്മദിനു നേരെയാണ് ആക്രമണം ഉണ്ടായത്.
മുഹമ്മദിന്‍റെ ശരീരത്തിലൂടെ അക്രമികൾ കാർ കയറ്റിയിറക്കി. ഗുരുതരമായി പരിക്കേറ്റ മുഹമ്മദിനെ ഉടൻ തന്നെ ആശുപത്രിയിൽ പ്രവേശിപ്പിച്ചു. ഇദ്ദേഹത്തെ അടിയന്തരശസ്ത്രക്രിയയ്ക്ക് വിധേയനാക്കും.
മൂവാറ്റുപുഴ കദളിക്കാട് വാഹനപരിശോധനയ്ക്കിടെയായിരുന്നു സംഭവം. കാറിലുണ്ടായിരുന്ന രണ്ട് പേർക്കെതിരെ അന്വേഷണം ആരംഭിച്ചു.