മയാമി: ഫിഫ ക്ലബ് ലോകകപ്പിലെ ഇന്‍റർമയാമിയും അൽ അഹ്ലിയും തമ്മിലുള്ള ഉദ്ഘാടന മത്സരം സമനിലയിൽ. ഇരു ടീമുകൾക്കും ഗോൾ നേടാനായില്ല.
ലയണൽ മെസിയും ലൂയി സുവാരസും സെർജിയോ ബുസ്കറ്റ്സ് അടക്കമുള്ള സൂപ്പർ താരങ്ങൾ ഇറങ്ങിയിട്ടും ഗോൾ നേടാൻ ഇന്‍റർമയാമിക്ക് സാധിച്ചില്ല. ഇരു ടീമുകളും മികച്ച മുന്നേറ്റങ്ങൾ നടത്തിയെങ്കിലും പന്തിനെ ഗോൾവര കടത്താനായില്ല.
ഇന്ന് രാത്രി 9.30നു നടക്കുന്ന മത്സരത്തിൽ ജര്‍മന്‍ ക്ലബ് ബയേണ്‍ മ്യൂണിക്കും ന്യൂസിലന്‍ഡില്‍നിന്നുള്ള ഓക്‌ലന്‍ഡ് സിറ്റി എഫ്‌സിയും തമ്മിൽ ഏറ്റുമുട്ടും.
ഗ്രൂപ്പ് ബിയില്‍ സ്പാനിഷ് ക്ലബ് അത്‌ലറ്റിക്കോ മാഡ്രിഡും ഫ്രഞ്ച് കരുത്തരായ പാരീസ് സെന്‍റ് ജെര്‍മനും (പിഎസ്ജി) ഏറ്റുമുട്ടും. രാത്രി 12.30നാണ് കിക്കോഫ്. 2024-25 യുവേഫ ചാമ്പ്യന്‍സ് ലീഗ് ജേതാക്കളാണ് പിഎസ്ജി. പ്രഥമ ചാമ്പ്യന്‍സ് ലീഗ് നേടിയശേഷം പിഎസ്ജിയുടെ ആദ്യമത്സരമാണിത്.