ശ്രീനഗർ: മലയാളി എഴുത്തുകാരി അരുന്ധതി റോയ്‌യുടെ "ആസാദി' ഉൾപ്പെടെ 25 പുസ്തകങ്ങൾക്ക് ജമ്മു കാഷ്മീരിൽ നിരോധനം. രാജ്യത്തിന്‍റെ അഖണ്ഡതക്ക് എതിരെന്നും വിഘടനവാദം പ്രോത്സാഹിപ്പിക്കുന്നുവെന്നും ആരോപിച്ചാണ് പുസ്തകങ്ങൾ നിരോധിച്ചത്.
ഭാരതീയ ന്യായ സംഹിത 2023-ലെ 192, 196, 197 വകുപ്പുകൾ ലംഘിക്കുന്നുവെന്ന കണ്ടെത്തലിനെ തുടർന്നാണ് ഈ നിരോധനമെന്നും വ്യക്തമാക്കി ലെഫ്. ഗവർണറാണ് നിരോധന ഉത്തരവ് പുറത്തിറക്കിയത്.
ഭാരതീയ നാഗരിക് സുരക്ഷാ സംഹിത 2023 ലെ 96 -ാം വകുപ്പ് പ്രകാരം, ഈ പുസ്തകങ്ങൾ വിദ്വേഷപരമായ ഉള്ളടക്കം പ്രചരിപ്പിക്കുന്നുവെന്നും യുവാക്കളെ തെറ്റിദ്ധരിപ്പിച്ച് തീവ്രവാദത്തിലേക്ക് നയിക്കുന്നുവെന്ന് വിവരിച്ചുകൊണ്ടാണ് നടപടി.
ഈ പുസ്തകങ്ങളുടെ പ്രസിദ്ധീകരണവും വിതരണവും പൂർണമായി നിരോധിക്കുകയും പലതും പിടിച്ചെടുക്കുകയും ചെയ്തിട്ടുണ്ട്.