Play Audio

അ​തെ, മ​ന​സാ​ണു വേ​ണ്ട​ത്
Thursday, October 9, 2025 12:00 AM IST
ദു​രി​ത​ബാ​ധി​ത​ർ​ക്കെ​തി​രേ​യു​ള്ള ജ​പ്തി​ ന​ട​പ​ടി​ക​ൾ ഹൈ​ക്കോ​ട​തി സ്റ്റേ ​ചെ​യ്തി​ട്ടു​ണ്ട്. അ​ത്ര​യും ന​ല്ല​ത്. ഇ​നി വേ​ണ്ട​ത് കേ​ന്ദ്ര​സ​ർ​ക്കാ​രി​ന്‍റെ നി​ല​പാ​ട് തി​രു​ത്തി​ക്കാ​നു​ള്ള ശ്ര​മ​ങ്ങ​ളാ​ണ്. വാ​യ്പ എ​ഴു​തി​ത്ത​ള്ള​ൽ, ദു​ര​ന്ത​ത്തി​നി​ര​യാ​യ നി​സ​ഹാ​യ​രാ​യ മ​നു​ഷ്യ​രു​ടെ അ​വ​കാ​ശ​മാ​ണ്. ആ​രു​ടെ​യും ഔ​ദാ​ര്യ​മ​ല്ല.

ഒ​ടു​വി​ൽ കേ​ന്ദ്ര​സ​ർ​ക്കാ​ർ ത​നി​നി​റം കാ​ട്ടി. വ​യ​നാ​ട്ടി​ലെ ഉ​രു​ൾ​പൊ​ട്ട​ൽ ദു​ര​ന്ത​ബാ​ധി​ത​രു​ടെ ബാ​ങ്ക് വാ​യ്പ​ക​ൾ എ​ഴു​തി​ത്ത​ള്ളാ​നാ​കി​ല്ല. കേ​ര​ള ഹൈ​ക്കോ​ട​തി​യി​ൽ സ​മ​ർ​പ്പി​ച്ച സ​ത്യ​വാ​ങ്മൂ​ല​ത്തി​ൽ അ​തി​ന് ര​ണ്ടു കാ​ര​ണ​ങ്ങ​ളാ​ണ് ചൂ​ണ്ടി​ക്കാ​ണി​ക്കു​ന്ന​ത്. ബാ​ങ്ക് വാ​യ്പ എ​ഴു​തി​ത്ത​ള്ളാ​ൻ നി​യ​മ​ത്തി​ൽ വ്യ​വ​സ്ഥ​യി​ല്ല; വാ​യ്പ എ​ഴു​തി​ത്ത​ള്ള​ൽ കേ​ന്ദ്ര​ത്തി​ന്‍റെ അ​ധി​കാ​ര​പ​രി​ധി​ക്കു പു​റ​ത്തു​ള്ള കാ​ര്യ​മാ​ണ്. കേ​ന്ദ്ര ആ​ഭ്യ​ന്ത​ര​മ​ന്ത്രാ​ല​യ​മാ​ണ് സ​ത്യ​വാ​ങ്മൂ​ലം സ​മ​ർ​പ്പി​ച്ച​ത്.

സ​ത്യ​വാ​ങ്മൂ​ല​ത്തോ​ടു കോ​ട​തി അ​തി​രൂ​ക്ഷ​മാ​യാ​ണ് പ്ര​തി​ക​രി​ച്ച​ത്. ചി​റ്റ​മ്മ​ന​യം വേ​ണ്ട. കേ​ന്ദ്ര​ത്തി​ന് അ​ധി​കാ​ര​മി​ല്ലെ​ന്ന് പ​റ​യാ​നാ​കി​ല്ല. വാ​യ്പ എ​ഴു​തി​ത്ത​ള്ളാ​ൻ മ​ന​സു​ണ്ടോ എ​ന്ന​താ​ണ് പ്ര​ശ്നം. കേ​ര​ള​ത്തെ സ​ഹാ​യി​ക്കാ​ൻ താ​ത്പ​ര്യ​മി​ല്ലെ​ങ്കി​ൽ അ​ക്കാ​ര്യം തു​റ​ന്നു​പ​റ​യ​ണം. ജ​സ്റ്റീ​സ് ജ​യ​ശ​ങ്ക​ര​ൻ ന​മ്പ്യാ​ർ അ​ധ്യ​ക്ഷ​നാ​യ ബെ​ഞ്ച് തു​റ​ന്ന​ടി​ച്ചു. ആ​സാം, ഗു​ജ​റാ​ത്ത് സം​സ്ഥാ​ന​ങ്ങ​ൾ​ക്ക് ക​ഴി​ഞ്ഞ ദി​വ​സം​കൂ​ടി പ​ണം അ​നു​വ​ദി​ച്ച​ത് ഹൈ​ക്കോ​ട​തി ചൂ​ണ്ടി​ക്കാ​ട്ടു​ക​യും ചെ​യ്തു.

ആ​രെ​യാ​ണ് വി​ഡ്ഢി​ക​ളാ​ക്കാ​ൻ ശ്ര​മി​ക്കു​ന്ന​ത്? കേ​ന്ദ്ര​സ​ർ​ക്കാ​രി​നോ​ട് കോ​ട​തി​യു​ടെ ചോ​ദ്യം. ഇ​തേ ചോ​ദ്യ​മാ​ണ് ജ​ന​ങ്ങ​ൾ​ക്കും ചോ​ദി​ക്കാ​നു​ള്ള​ത്. ആ​രു​ടെ കൂ​ടെ​യാ​ണ് നി​ങ്ങ​ൾ എ​ന്നൊ​രു ചോ​ദ്യ​വും ഇ​തോ​ടൊ​പ്പം ഉ​യ​രു​ന്നു​ണ്ട്. വാ​യ്പ​ക​ൾ എ​ഴു​തി​ത്ത​ള്ളു​മോ എ​ന്ന കോ​ട​തി​യു​ടെ ചോ​ദ്യ​ത്തി​നു മ​റു​പ​ടി ന​ല്കാ​ൻ​ത​ന്നെ ഒ​രു മാ​സ​ത്തോ​ള​മെ​ടു​ത്തു. വി​ചി​ത്ര​വും അ​പ​ഹാ​സ്യ​വു​മാ​യി​രു​ന്നു കാ​ര​ണം. ഏ​തു മ​ന്ത്രാ​ല​യ​മാ​ണ് അ​ന്തി​മ​തീ​രു​മാ​നം എ​ടു​ക്കേ​ണ്ട​തെ​ന്ന ക​ൺ​ഫ്യൂ​ഷ​നി​ൽ ആ​യി​രു​ന്ന​ത്രെ. ക​ൺ​ഫ്യൂ​ഷ​ൻ തീ​ർ​ക്ക​ണ​മേ എ​ന്നു പാ​ടി​പ്പാ​ടി ഒ​ടു​വി​ൽ ദു​ര​ന്ത​ബാ​ധി​ത​രു​ടെ മ​ണ്ട​യ്ക്കി​ട്ടു കൊ​ട്ടു​ക​യും ചെ​യ്തു.

ഒ​ന്നോ​ർ​ക്കു​ക, കോ​ർ​പ​റേ​റ്റ് വാ​യ്പ​ക​ൾ എ​ഴു​തി​ത്ത​ള്ളാ​ൻ ഒ​രു ക​ൺ​ഫ്യൂ​ഷ​നു​മി​ല്ല. നി​യ​മ​ത​ട​സ​ങ്ങ​ളു​മി​ല്ല. കൃ​ത്യ​മാ​യ സ​മ​യ​ത്ത്, കൃ​ത്യ​മാ​യ ഇ​ട​ത്തു​നി​ന്ന് തീ​രു​മാ​നം വ​രും. അ​റി​യു​ക, 2014നും 2019​നും ഇ​ട​യി​ൽ ഷെ​ഡ്യൂ​ൾ​ഡ്, വാ​ണി​ജ്യ ബാ​ങ്കു​ക​ൾ എ​ഴു​തി​ത്ത​ള്ളി​യ​ത് 6.35 ല​ക്ഷം കോ​ടി രൂ​പ​യു​ടെ കി​ട്ടാ​ക്ക​ട​മാ​ണ്! ഏ​റ്റ​വും വ​ലി​യ ബാ​ങ്കാ​യ സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ ഈ ​അ​ഞ്ചു​വ​ർ​ഷ​ത്തി​നു​ള്ളി​ൽ 1.6 ല​ക്ഷം കോ​ടി രൂ​പ എ​ഴു​തി​ത്ത​ള്ളി. ബാ​ങ്കു​ക​ൾ ത​ങ്ങ​ളു​ടെ ബാ​ല​ൻ​സ് ഷീ​റ്റു​ക​ളി​ൽ​നി​ന്ന് കി​ട്ടാ​ക്ക​ടം എ​ഴു​തി​ത്ത​ള്ളു​ന്ന​ത് (നീ​ക്കം ചെ​യ്യു​ന്ന​ത്) അ​വ​രു​ടെ ക​ണ​ക്കു​ക​ൾ ശ​രി​യാ​ക്കു​ന്ന​തി​നും നി​കു​തി കാ​ര്യ​ക്ഷ​മ​ത​യ്ക്കും വേ​ണ്ടി​യാ​ണ്.

പി​ന്നീ​ട്, ആ ​വാ​യ്പ​ക​ളി​ൽ​നി​ന്നു തി​രി​ച്ചു​പി​ടി​ക്കു​ന്ന തു​ക ലാ​ഭ​മാ​യി ചേ​ർ​ക്കു​ന്നു. “എ​ഴു​തി​ത്ത​ള്ള​ൽ എ​ന്നാ​ൽ, പൂ​ർ​ണ​മാ​യും ഒ​ഴി​വാ​ക്കു​ന്നു എ​ന്ന​ല്ല അ​ർ​ഥം. ക​ട​മെ​ടു​ത്ത​വ​ർ​ക്ക് എ​ഴു​തി​ത്ത​ള്ള​ലി​ന്‍റെ പ്ര​യോ​ജ​നം ല​ഭി​ക്കു​ന്നി​ല്ല. ബാ​ങ്കു​ക​ൾ ആ ​വാ​യ്പ​ക​ൾ തി​രി​ച്ചു​പി​ടി​ക്കു​ന്ന​ത് തു​ട​രു​ന്നു”- ഇ​താ​ണ് സ​ർ​ക്കാ​രി​ന്‍റെ സ്ഥി​രം അ​വ​കാ​ശ​വാ​ദം.

എ​ന്നാ​ൽ, ഈ ​വാ​ദം വെ​ള്ളം ചേ​ർ​ക്കാ​ത്ത ക​ള്ള​മാ​ണെ​ന്ന​താ​ണ് സ​ത്യം. 2014-2019 കാ​ല​ത്ത് എ​ഴു​തി​ത്ത​ള്ളി​യ 6.35 ല​ക്ഷം കോ​ടി​യി​ൽ വെ​റും 9.7 ശ​ത​മാ​നം മാ​ത്ര​മാ​ണ് തി​രി​ച്ചു​പി​ടി​ച്ച​ത് എ​ന്ന​റി​യു​ന്പോ​ൾ സ​ർ​ക്കാ​ർ വാ​ദ​ങ്ങ​ളു​ടെ പൊ​ള്ള​ത്ത​രം പ​ക​ൽ​പോ​ലെ വ്യ​ക്തം. എ​ഴു​തി​ത്ത​ള്ളി​യ​തി​ൽ ഭൂ​രി​ഭാ​ഗ​വും കോ​ർ​പ​റേ​റ്റു​ക​ൾ​ക്ക് ന​ല്കി​യ വ​ലി​യ വാ​യ്പ​ക​ളാ​ണെ​ന്നു​കൂ​ടി അ​റി​യു​ന്പോ​ൾ ദു​ഷ്‌​ട​ലാ​ക്കും വ്യ​ക്തം.

ദു​രി​ത​ബാ​ധി​ത മേ​ഖ​ല​യി​ലെ ആ​കെ വാ​യ്പാ കു​ടി​ശി​ക ഏ​ക​ദേ​ശം 35.30 കോ​ടി രൂ​പ​യാ​ണ്, ഇ​തി​ൽ 11 കോ​ടി രൂ​പ​യു​ടെ കാ​ർ​ഷി​ക വാ​യ്പ​ക​ളു​ണ്ട്. ബാ​ക്കി ഭ​വ​ന വാ​യ്പ​ക​ൾ, വ്യ​ക്തി​ഗ​ത വാ​യ്പ​ക​ൾ, എ​സ്എ​ച്ച്ജി ലി​ങ്കേ​ജ് വാ​യ്പ​ക​ൾ, വാ​ഹ​ന വാ​യ്പ​ക​ൾ തു​ട​ങ്ങി​യ​വ​യും. മു​ക​ളി​ൽ പ​റ​ഞ്ഞ സം​ഖ്യ​ക​ളു​മാ​യി ത​ട്ടി​ച്ചു​നോ​ക്കു​ന്പോ​ൾ എ​ത്ര​യോ കു​റ​ഞ്ഞ സം​ഖ്യ​യാ​ണി​ത്.

ഇ​നി ഹൈ​ക്കോ​ട​തി ഉ​ന്ന​യി​ച്ച കാ​ത​ലാ​യ ചോ​ദ്യ​ത്തി​ലേ​ക്കു വ​രാം. ചെ​യ്യാ​ൻ മ​ന​സു​ണ്ടോ? കേ​ര​ള​ത്തോ​ടെ​ന്താ ചി​റ്റ​മ്മ​ന​യം? അ​തി​നു മ​റു​പ​ടി പ​റ​യേ​ണ്ട​ത് ജ​ന​ങ്ങ​ൾ തെ​ര​ഞ്ഞെ​ടു​ത്ത, ഭ​ര​ണ​ഘ​ട​ന തൊ​ട്ട് സ​ത്യ​പ്ര​തി​ജ്ഞ ചെ​യ്ത ഭ​ര​ണ​കൂ​ട​മാ​ണ്. ദു​ര​ന്ത​ബാ​ധി​ത കു​ടും​ബ​ങ്ങ​ളു​ടെ വാ​യ്പ​ക​ള്‍ സം​സ്ഥാ​ന സ​ര്‍​ക്കാ​രി​ന്‍റെ നി​യ​ന്ത്ര​ണ​ത്തി​ലു​ള്ള കേ​ര​ള ബാ​ങ്ക് ഇ​തി​ന​കം എ​ഴു​തി​ത്ത​ള്ളി​യി​ട്ടു​ണ്ട്. ഈ ​മാ​തൃ​ക പി​ന്തു​ട​ർ​ന്നു​കൂ​ടേ എ​ന്ന് ഹൈ​ക്കോ​ട​തി​യും ചോ​ദി​ച്ചി​രു​ന്നു. ഇ​വി​ടെ​യാ​ണ് മ​ന​സു​ണ്ടോ എ​ന്ന ചോ​ദ്യം പെ​രു​മ്പ​റ​യ​ടി​ക്കു​ന്ന​ത്.

വീ​ടു​ക​ളും കൃ​ഷി​ഭൂ​മി​യും ന​ശി​ച്ച് ദു​രി​താ​ശ്വാ​സ ക്യാ​മ്പു​ക​ളി​ൽ ക​ഴി​യു​ന്ന​വ​രി​ൽ​നി​ന്ന് വാ​യ്പ​യു​ടെ ഇ​എം​ഐ തി​രി​ച്ചു​പി​ടി​ക്കാ​ൻ ധ​ന​കാ​ര്യ സ്ഥാ​പ​ന​ങ്ങ​ൾ ശ്ര​മി​ച്ച​ത് തി​ക​ച്ചും ക്രൂ​ര​മാ​യി​രു​ന്നു. ആ ​സാ​ഹ​ച​ര്യ​ത്തി​ലാ​ണ് സം​സ്ഥാ​ന സ​ർ​ക്കാ​രും മ​റ്റു രാ​ഷ്‌​ട്രീ​യ ക​ക്ഷി​ക​ളും സം​ഘ​ട​ന​ക​ളു​മെ​ല്ലാം വാ​യ്പ ഒ​ഴി​വാ​ക്കാ​ൻ കേ​ന്ദ്ര​സ​ർ​ക്കാ​രി​നോ​ടാ​വ​ശ്യ​പ്പെ​ട്ട​ത്.

സം​സ്ഥാ​ന​ത​ല ബാ​ങ്കേ​ഴ്‌​സ് ക​മ്മി​റ്റി​യു​ടെ യോ​ഗം വി​ളി​ച്ചു​ചേ​ർ​ത്ത് എ​ല്ലാ ബാ​ങ്കു​ക​ൾ​ക്കും മു​ന്നി​ൽ ഈ ​ആ​വ​ശ്യം മു​ഖ്യ​മ​ന്ത്രി ഔ​ദ്യോ​ഗി​ക​മാ​യി അ​വ​ത​രി​പ്പി​ക്കു​ക​യും ചെ​യ്തു. സം​സ്ഥാ​ന​ത്തു​നി​ന്ന് ഫ​ണ്ട് ശേ​ഖ​രി​ക്കു​ക​യും വ​ലി​യ ലാ​ഭം ഉ​ണ്ടാ​ക്കു​ക​യും ചെ​യ്യു​ന്ന പൊ​തു​മേ​ഖ​ലാ ബാ​ങ്കു​ക​ൾ സാ​ധാ​ര​ണ​ക്കാ​രു​ടെ ആ​വ​ശ്യ​ങ്ങ​ളോ​ട് പു​റം​തി​രി​ഞ്ഞു നി​ൽ​ക്കു​ന്നു എ​ന്ന ആ​രോ​പ​ണം നേ​ര​ത്തേ​യു​ണ്ട്.

കേ​ന്ദ്ര നി​ല​പാ​ട് ഹൈ​ക്കോ​ട​തി​യെ മാ​ത്ര​മ​ല്ല അ​സ്വ​സ്ഥ​പ്പെ​ടു​ത്തു​ന്ന​ത്. ഈ ​രാ​ജ്യ​ത്ത് ജീ​വി​ക്കു​ന്ന ഓ​രോ മ​നു​ഷ്യ​ന്‍റെ​യും ആ​ശ​ങ്ക​യാ​ണ​ത്. ജ​ന​ങ്ങ​ൾ അ​ങ്ങേ​യ​റ്റം ദു​രി​ത​മ​നു​ഭ​വി​ക്കു​മ്പോ​ൾ​പോ​ലും ഭ​രി​ക്കു​ന്ന​വ​രു​ടെ രാ​ഷ്‌​ട്രീ​യം നോ​ക്കി തീ​രു​മാ​ന​മെ​ടു​ക്കു​ന്ന ഭ​ര​ണ​കൂ​ട​ങ്ങ​ൾ ജ​നാ​ധി​പ​ത്യ​ത്തി​നു നാ​ണ​ക്കേ​ടാ​ണ്.

ദു​രി​ത​ബാ​ധി​ത​ർ​ക്കെ​തി​രേ​യു​ള്ള ജ​പ്തി ന​ട​പ​ടി​ക​ൾ ഹൈ​ക്കോ​ട​തി സ്റ്റേ ​ചെ​യ്തി​ട്ടു​ണ്ട്. അ​ത്ര​യും ന​ല്ല​ത്. ഇ​നി വേ​ണ്ട​ത് കേ​ന്ദ്ര​സ​ർ​ക്കാ​രി​ന്‍റെ നി​ല​പാ​ടു തി​രു​ത്തി​ക്കാ​നു​ള്ള ശ്ര​മ​ങ്ങ​ളാ​ണ്. സം​സ്ഥാ​ന​ത്തു​ട​നീ​ളം ന​ട​ന്ന് ‘ത​ള്ളി​മ​റി​ക്കു​ന്ന’ കേ​ന്ദ്ര​മ​ന്ത്രി​മാ​രും ഇ​തി​ൽ ഇ​ട​പെ​ട​ണം. വാ​യ്പ എ​ഴു​തി​ത്ത​ള്ള​ൽ ദു​ര​ന്ത​ത്തി​നി​ര​യാ​യ നി​സ​ഹാ​യ​രാ​യ മ​നു​ഷ്യ​രു​ടെ അ​വ​കാ​ശ​മാ​ണ്.

ആ​രു​ടെ​യും ഔ​ദാ​ര്യ​മ​ല്ല. ഇ​ത് കോ​ട​തി​ക്കു ബോ​ധ്യ​മു​ണ്ട്. ആ ​ബോ​ധ്യ​മാ​ണ് ‘ഭ​ര​ണ​ഘ​ട​ന വാ​യി​ക്കൂ’ എ​ന്ന പ​രാ​മ​ർ​ശ​ത്തി​ലൂ​ടെ പു​റ​ത്തു​വ​ന്ന​ത്. ദു​ര​ന്ത​കാ​ല​ത്താ​യാ​ലും സ​മാ​ധാ​ന​കാ​ല​ത്താ​യാ​ലും അ​തി​ജീ​വ​നം പോ​രാ​ട്ട​ത്തി​ലൂ​ടെ മാ​ത്ര​മേ സാ​ധി​ക്കൂ എ​ന്ന സ​ത്യം ന​മു​ക്കു മ​റ​ക്കാ​തി​രി​ക്കാം.
Copyright @ 2018 , Rashtra Deepika Ltd.