ജ​ര്‍​മ​നി​യി​ല്‍ ഷ്ലോ​സ്ഗ്രാ​ബെ​ന്‍ ഫെ​സ്റ്റി​വ​ലി​ല്‍ ച​രി​ത്രം സൃ​ഷ്‌​ടി​ക്കാ​നൊ​രു​ങ്ങി അ​ന​ന്തു മോ​ഹ​ന്‍
Friday, June 6, 2025 3:13 PM IST
ജോ​സ് കു​മ്പി​ളു​വേ​ലി​ല്‍
ബ​ര്‍​ലി​ന്‍: ജ​ര്‍​മ​നി​യി​ലെ ഇ​ന്ത്യ​ന്‍ പ്ര​വാ​സി​ക​ളു​ടെ ശ​ബ്ദ​മാ​യി മാ​റി​യ ദ ​വോ​യ്സ് കി​ഡ്സ് 2025ലെ ​അ​ന​ന്തു മോ​ഹ​ന്‍ ജ​ര്‍​മ​നി​യി​ലെ ഷ്ലോ​സ്ഗ്രാ​ബെ​ന്‍ ഫെ​സ്റ്റി​വ​ലി​ല്‍ ച​രി​ത്രം സൃ​ഷ്‌​ടി​ക്കാ​നൊ​രു​ങ്ങു​ന്നു.

ഹെ​സ​ന്‍ സം​സ്ഥാ​ന​ത്തി​ലെ ഫ്രാ​ങ്ക്ഫ​ര്‍​ട്ടി​ന​ടു​ത്തു​ള്ള ഡാം​സ്റ്റാ​ട്ടി​ല്‍ വ​ര്‍​ഷം തോ​റും ന​ട​ക്കു​ന്ന പ്ര​ശ​സ്ത​മാ​യ ഷ്ലോ​സ്ഗ്രാ​ബെ​ന്‍ ഫെ​സ്റ്റി​വ​ൽ ശ​നി, ഞാ​യ​ർ ദി​വ​സ​ങ്ങ​ളി​ലാ​ണ് (ജൂ​ണ്‍ ഏ​ഴ്, എ​ട്ട്) അ​ര​ങ്ങേ​റു​ന്ന​ത്.

1,00,000ത്തി​ല​ധി​കം സ​ന്ദ​ര്‍​ശ​ക​രെ ആ​ക​ര്‍​ഷി​ക്കു​ന്ന ജ​ര്‍​മ​നി​യി​ലെ ഏ​റ്റ​വും വ​ലി​യ ഓ​പ്പ​ണ്‍-​എ​യ​ര്‍ സം​ഗീ​ത പ​രി​പാ​ടി​ക​ളി​ല്‍ ഒ​ന്നാ​യ ഷ്ലോ​സ്ഗ്രാ​ബെ​ന്‍ ഫെ​സ്റ്റി​വ​ലി​ല്‍ പ​രി​പാ​ടി അ​വ​ത​രി​പ്പി​ക്കാ​ന്‍ 15 വ​യ​സു​കാ​ര​നാ​യ അ​ന​ന്തു​വി​ന് ക്ഷ​ണം ല​ഭി​ച്ചി​രി​ക്കു​ക​യാ​ണ്.

ദ ​വോ​യ്സ് കി​ഡ്സ് 2025ലെ ​ത​ന്‍റെ മി​ക​ച്ച പ്ര​ക​ട​ന​ത്തി​ല്‍ ഏ​റെ ശ്ര​ദ്ധ നേ​ടി​യ അ​ന​ന്തു​വി​ന്‍റെ ഡ്രം​സ് വാ​യ​ന​യ്ക്കൊ​പ്പം അ​തി​ശ​യി​പ്പി​ക്കു​ന്ന ഗാ​നാ​ലാ​പ​ന​വും ഏ​വ​രേ​യും സം​ഗീ​ത​ത്തി​ന്‍റെ താ​ള​ല​യ​ങ്ങ​ളി​ല്‍ അ​ലി​യി​ക്കും.

മെ​നെ​സ്കി​ന്‍റെ "ബെ​ഗി​ന്‍' എ​ന്ന ഗാ​നം സോ​ഷ്യ​ല്‍ മീ​ഡി​യ​യി​ല്‍ ര​ണ്ട് ദ​ശ​ല​ക്ഷ​ത്തി​ല​ധി​കം കാ​ഴ്ച​ക്കാ​ര്‍ ആ​സ്വ​ദി​ക്കു​ക​യും യു​വ​ക​ലാ​കാ​ര​ന്‍റെ ക​ഴി​വി​ന് അം​ഗീ​കാ​ര​വും പ്ര​ശം​സ​യും ല​ഭി​ച്ച​ത് അ​പൂ​ര്‍​വ ഭാ​ഗ്യ​മാ​യി.

ഷ്ലോ​സ്ഗ്രാ​ബെ​ന്‍ വേ​ദി​യി​ല്‍ ശ​നി​യാ​ഴ്ച ബെ​ഗി​ന്‍റെ ക​വ​ര്‍ പ​തി​പ്പും അ​ന​ന്തു സ്വ​യം ര​ചി​ച്ച് ഈ​ണ​മി​ട്ട ഒ​റി​ജി​ന​ല്‍ ട്രാ​ക്കാ​യ ജ​സ്റ്റ് ഹൗ ​ഇ​റ്റ് ഈ​സിന്‍റെ പ്രീ​മി​യ​ര്‍ സോ​ളോ അ​ര​ങ്ങേ​റ്റ​വും ഞാ​യ​റാ​ഴ്ച അ​ന​ന്തു​വി​ന്‍റെ ഗ്രൂ​പ്പാ​യ ദ ​ഗോ​ള്‍​ഡ​ന്‍ ബീ​റ്റ്സി​നൊ​പ്പം ഫു​ള്‍-​ബാ​ന്‍​ഡ് പ്ര​ക​ട​ന​വും ഉ​ണ്ടാ​വും.

ജ​സ്റ്റ് ഹൗ ​ഇ​റ്റ് ഈ​സിന്‍റെ പ്രീ​മി​യ​ര്‍ ഷോ ​അ​ന​ന്തു​വി​ന്‍റെ സം​ഗീ​ത യാ​ത്ര​യി​ലെ ഒ​രു പു​തി​യ അ​ധ്യാ​യം എ​ഴു​തി​ച്ചേ​ര്‍​ക്കു​മ്പോ​ള്‍, ഒ​രു ഗാ​യ​ക​ന്‍, ഡ്ര​മ്മ​ര്‍ എ​ന്ന​തി​ലു​പ​രി ഗാ​ന​ര​ച​യി​താ​വ്, സം​ഗീ​ത സം​വി​ധാ​യ​ക​ന്‍, ഗി​റ്റാ​റി​സ്റ്റ് എ​ന്നീ നി​ല​ക​ളി​ലും സ​ര്‍​ഗ​വാ​സ​ന കൂ​ടു​ത​ല്‍ പ്ര​ക​ട​മാ​കും.

ദ ​വോ​യ്സ് കി​ഡ്സി​ല്‍ നി​ന്ന്, പു​തി​യ ത​ല​ങ്ങ​ളി​ലേ​ക്ക് എ​ത്തു​ന്ന​ത് പ്ര​ശ​സ്തി​യി​ലേ​ക്കു​ള്ള വ​ഴി തു​റ​ക്ക​പ്പെ​ടു​ക​യാ​ണ്. അ​തു​മാ​ത്ര​മ​ല്ല ഒ​രു​കൊ​ച്ചു സെ​ലി​ബ്രി​റ്റി​യാ​യി ഓ​ട്ടോ​ഗ്രാ​ഫു​ക​ള്‍ ന​ല്‍​കാ​നും ജ​ര്‍​മ​നി​യി​ലും വി​ദേ​ശ​ത്തും വ​ള​ര്‍​ന്നു​വ​രു​ന്ന ആ​രാ​ധ​ക​വൃ​ന്ദ​ത്തെ സൃ​ഷ്ടി​ക്കാ​നും ക​ഴി​ഞ്ഞു.

അ​ന​ന്തു​വി​ന്‍റെ വി​ജ​യം ജ​ര്‍​മ​നി​യി​ലെ ഇ​ന്ത്യ​ന്‍ സ​മൂ​ഹ​ത്തി​ന് ഏ​റെ അ​ഭി​മാ​നി​ക്കാ​ന്‍ വ​ക​യാ​യി. ജ​ര്‍​മ​നി​യി​ലെ ഡാം​സ്റ്റാ​ഡി​ന് സ​മീ​പം താ​മ​സി​ക്കു​ന്ന സോ​ഫ്റ്റ്‌​വെ​യ​ര്‍ എ​ൻ​ജി​നി​യ​ര്‍​മാ​രാ​യ കാ​ഞ്ഞി​ര​പ്പ​ള്ളി സ്വ​ദേ​ശി പ്ര​ഭ​യും തി​രു​വ​ന​ന്ത​പു​രം സ്വ​ദേ​ശി ദീ​പ​യു​മാ​ണ് അ​ന​ന്തു​വി​ന്‍റെ മാ​താ​പി​താ​ക്ക​ള്‍. ഏ​ഴ് വ​യ​സു​കാ​രി അ​മ്മു ഏ​ക സ​ഹോ​ദ​രി​യാ​ണ്.
Copyright @ 2018 , Rashtra Deepika Ltd.