ബിരുദ, ബിരുദാനന്തര ബിരുദ, ബിഎഡ് പ്രവേശനനടപടികൾ തുടങ്ങി നാല് വർഷ ബിരുദം
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ഗവ/എയ്ഡഡ്/ സ്വാശ്രയ/യുഐറ്റി/ഐഎച്ച്ആർഡി. കോളജുകളിലെ 202526 അധ്യയന വർഷത്തിലെ നാല് വർഷ (3+1) ബിരുദ കോഴ്സുകളുടെ ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു. 15 വരെ ഓൺലൈനായി അപേക്ഷിക്കാം. രജിസ്ട്രേഷനായി സർവകലാശാല അഡ്മിഷൻ വെബ്സൈറ്റ്(https://admissions.keralauniversity.ac.in/fyugp2025)സന്ദർശിക്കണം. നാല് വർഷ ബിരുദ പ്രോഗ്രാമുകളിൽ പ്രവേശനം നേടുന്ന വിദ്യാർഥികൾക്ക് പ്രോഗ്രാം പൂർത്തിയാക്കുവാൻ മൂന്ന് ഓപ്ഷനുകൾ ലഭ്യമാണ്.
1) മൂന്ന വർഷ ബിരുദം :
പ്രവേശനം നേടി മൂന്നാം വർഷം കോഴ്സ് പൂർത്തിയാക്കാൻ ആഗ്രഹിക്കുന്ന വിദ്യാർഥികൾക്ക് എക്സിറ്റ് ഓപ്ഷൻ ഉപയോഗപ്പെടുത്താം. വിദ്യാർഥികൾക്ക് തന്‍റെ മേജർ വിഷയങ്ങളുടെ അടിസ്ഥാനത്തിൽ (വിജയകരമായി പൂർത്തിയാക്കുന്നവർക്ക്) മൂന്ന് വർഷ ബിരുദം ലഭിക്കും.
2) നാലുവർഷബിരുദം (ഓണേഴ്സ്):
നാല് വർഷം വിജയകരമായി പൂർത്തിയാക്കുന്ന വിദ്യാർഥികൾക്ക് ഓണേഴ്സ് ബിരുദം ലഭിക്കും .
3) നാല് വർഷ ബിരുദം (ഓണേഴ്സ് വിത്ത് റിസർച്ച്):
ഗവേഷണ മേഖലയിൽ താത്പര്യമുള്ള വിദ്യാർഥികൾക്ക് നാലു വർഷ ഓണേഴ്സ് ബിരുദം തിരഞ്ഞെടുക്കാം. വിജയകരമായി പൂർത്തിയാക്കുന്ന വിദ്യാർഥികൾക്ക് ഓണേഴ്സ് വിത്ത് റിസർച്ച് ഡിഗ്രി ലഭിക്കും. ഏകജാലക സംവിധാനം വഴിയാണ് അപേക്ഷ സമർപ്പിക്കേണ്ടത്. രജിസ്റ്റർ ചെയ്യുന്ന വിദ്യാർഥികൾക്ക് പരമാവധി 20 ഓപ്ഷനുകൾ വരെ നൽകാം. ഏകജാലക സംവിധാനത്തിലുള്ള എല്ലാ ഫീസുകളും ഓൺലൈൻ മുഖാന്തിരം അടക്കേണ്ടതാണ്. ഓൺലൈൻ രജിസ്ട്രേഷൻ ഫീസ് 900/ (എസ്‌സി/എസ്ടി വിഭാഗത്തിന് 500/ ) രൂപ. അഡ്മിഷൻ സംബന്ധിച്ചുള്ള അതാതു സമയങ്ങളിലെ വിവരങ്ങൾക്ക് സർവകലാശാല പത്രകുറിപ്പുകളും അഡ്മിഷൻ വെബ്സൈറ്റും ശ്രദ്ധിക്കണം. ഹെൽപ്പ്ലൈൻ നമ്പർ: 8281883052 .
ഒന്നാം വർഷ ബിരുദാനന്തര ബിരുദ പ്രവേശനം 2025
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ഗവ/ എയ്ഡഡ്/സ്വാശ്രയ/യുഐറ്റി/ഐഎച്ച്ആർഡി കോളജുകളിലെ 57 ൽപ്പരം ബിരുദാനന്തര ബിരുദ കോഴ്സുകളിലേക്ക് ഏകജാലക സംവിധാനം വഴിയുള്ള പ്രവേശനത്തിന് അപേക്ഷ ക്ഷണിച്ചു. 2025 ജൂൺ 20 വരെ ഓൺലൈനായി അപേക്ഷിക്കാം.രജിസ്റ്റർ ചെയ്യുന്ന വിദ്യാർത്ഥികൾക്ക് പരമാവധി 20 ഓപ്ഷനുകൾ വരെ നൽകാവുന്നതാണ്. പരാതിരഹിതമായ ഓൺലൈൻ രജിസ്ട്രേഷൻ ലക്ഷ്യമിടുന്നതിനാൽ വിദ്യാർത്ഥികൾ അതീവ ശ്രദ്ധയോടെയും ക്യത്യതയോടെയും രജിസ്ട്രേഷൻ നടപടികൾ (മാർക്ക് എൻട്രി) ഉൾപ്പെടെ പൂർത്തിയാക്കണം.
രജിസ്ട്രേഷൻ സമയത്ത് നൽകുന്ന മൊബൈൽ ഫോൺ നമ്പർ പ്രവേശന നടപടികൾ
അവസാനിക്കുന്നത് വരെ ഒരുകാരണവശാലും മാറ്റരുത്. ഏകജാലക സംവിധാനത്തിലുള്ള
എല്ലാ ഫീസുകളും ഓൺലൈൻ വഴി മാത്രം അടക്കേണ്ടതാണ്. ഓൺലൈൻ
രജിസ്ട്രേഷൻ ചെയ്തതിനുശേഷം അപേക്ഷയുടെ പ്രിന്റ് ഔട്ട് കോളജുകളിലേക്കോ
സർവകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്റ് ഔട്ടും ഫീസടച്ചതിന്‍റെ രസീതും പ്രവേശന സമയത്ത് അതാത് കോളജുകളിൽ ഹാജരാക്കണം. ഓൺലൈൻ രജിസ്ട്രേഷൻ ഫീസ് 1000/ (എസ് എസി വിഭാഗത്തിന് 550/) രൂപയാണ്. സംശയനിവാരണത്തിന് എല്ലാ പ്രവർത്തി ദിവസങ്ങളിലും 8281883052എന്ന ന്നപറിൽ ബന്ധപ്പെടാം.
ഒന്നാം വർഷ ബിഎഡ് പ്രവേശനം2025
കേരളസർവകലാശാലയിൽ അഫിലിയേറ്റ് ചെയ്തിട്ടുള്ള ഗവ./എയ്ഡഡ്/ സ്വാശ്രയ/കെയുസിറ്റിഇ കോളജുകളിലേക്കുള്ള 202526 അധ്യയന വർഷത്തിലെ ബിഎഡ് കോഴ്സുകളുടെ ഏകജാലക സംവിധാനം വഴിയുള്ള പ്രവേശനത്തിന് അപേക്ഷ സമർപ്പിക്കാം. കേരളസർവകലാശാലയുടെ കീഴിൽ പ്രവേശനം ആഗ്രഹിക്കുന്ന എല്ലാ വിദ്യാർത്ഥികളും ഏകജാലക സംവിധാനം വഴി ജൂൺ 22 വരെ അപേക്ഷ സമർപ്പിക്കണം. ഓൺലൈൻ രജിസ്ട്രേഷന്‍റെ അവസാന തീയതി വരെ അപേക്ഷയിലെ തെറ്റുകൾ തിരുത്താവുന്നതാണ്. വിദ്യാർഥികൾക്ക് 20 ഓപ്ഷൻ വരെ സെലക്ട് ചെയ്യാം. പ്രവേശനം ആഗ്രഹിക്കുന്ന കോളജുകളും പ്രോഗ്രാമുകളും മാത്രം മുൻഗണനക്രമത്തിൽ തെരഞ്ഞെടുക്കാൻ പ്രത്യേകം ശ്രദ്ധിക്കണം. ഓൺലൈൻ രജിസ്ട്രേഷൻ
ചെയ്തതിനുശേഷം അപേക്ഷയുടെ പ്രിന്റ് ഔട്ട് കോളജുകളിലേക്കോ സർവകലാശാലയിലേക്കോ അയക്കേണ്ടതില്ല. അപേക്ഷയുടെ പ്രിന്റ് ഔട്ടും ഫീസടച്ചതിന്‍റെ രസീതും പ്രവേശന സമയത്ത് അതാത് കോളജുകളിൽ ഹാജരാക്കണം. ഓൺലൈൻ രജിസ്ട്രേഷൻ ഫീസ് 1000/ (എസ് എസി വിഭാഗത്തിന് 550/ ) രൂപയാണ്. ഏകജാലക സംവിധാനത്തിലുള്ള എല്ലാ ഫീസുകളും ഓൺലൈൻ മുഖാന്തിരം അടയ്ക്കണം. ഡിഡി, ചെക്ക്, മറ്റു ചെലാനുകൾ തുടങ്ങിയവ മുഖേനയുള്ള പേയ്മെന്‍റുകൾ സ്വീകരിക്കുകയോ റീഫണ്ട് ചെയ്യുകയോ ചെയ്യുന്നതല്ല. ഫീസ് അടച്ച രസീത് നിർബന്ധമായും സൂക്ഷിക്കണം. തെറ്റായി ഒടുക്കുന്ന ഫീസുകൾ റീഫണ്ട് ചെയ്യപ്പെടുന്നതല്ല. അഡ്മിഷൻ സംബന്ധിച്ചുള്ള അതാതു സമയങ്ങളിലെ വിവരങ്ങൾക്ക് സർവകലാശാല പത്രകുറിപ്പുകളും അഡ്മിഷൻ വെബ്സൈറ്റും ശ്രദ്ധിക്കണം. ഹെൽപ്പ്ലൈൻ നമ്പർ: 8281883053.
ഒന്നാം വർഷ ബിരുദ പ്രവേശനം; പുതിയ കോഴ്സുകൾ ഉൾപ്പെടുത്തി
കേരളസർവകലാശാലയുടെ നാല് വർഷ ബിരുദ പ്രവേശനത്തിനുള്ള അഡ്മിഷൻ പോർട്ടലിൽ നിലവിലുള്ള കോNജുകൾ/കോഴ്സുകൾക്ക് പുറമെ ഗ്രേസ് ഇന്‍റർനാഷണൽ അക്കാദമി പുനലൂരിൽ ബിഎസ്‍സി സൈക്കോളജി, ബികോം ഫിനാൻസ് എന്നീ കോഴ്സുകൾ ഉൾപ്പെടുത്തിയിട്ടുണ്ട്. അപേക്ഷ സമർപ്പിക്കുന്നതിലേക്കുള്ള അവസാന തീയതിയായ 2025 ജൂൺ 15 വരെ കോളേജ്/ കോഴ്സ് ഓപ്ഷനുകൾ നൽകാം/പുനഃക്രമീകരിക്കാവുന്നതാണ്. സർവകലാശാല വെബ്സൈറ്റ് സന്ദർശിക്കുക.
കോളേജ് മാറ്റത്തിന് അപേക്ഷിക്കാം
കേരളസര്‍വകലാശാലയുടെ കീഴിലുള്ള കോളജുകളില് അഞ്ചാം സെമസ്റ്ററിലേക്ക് ബിരുദ വിദ്യാര്‍ത്ഥികള്‍ക്ക് (സിബിസിഎസ്എസ്) 202526 അദ്ധ്യയന വര്‍ഷത്തിൽ കോളജ് മാറ്റത്തിനായി അപേക്ഷിക്കാം. കോളജ് മാറ്റം ഗവ./എയ്ഡഡ് കോളജുകള് തമ്മിലും, സ്വാശ്രയ കോളേജുകള് തമ്മിലും, യുഐറ്റി സെന്‍ററുകൾ തമ്മിലും അനുവദിക്കുന്നതാണ്. പൂരിപ്പിച്ച അപേക്ഷയോടൊപ്പം +2 അല്ലെങ്കില്‍ തത്തുല്യ പരീക്ഷകളുടെ മാര്‍ക്ക് ലിസ്റ്റ് സഹിതം പഠിക്കുന്ന കോളജിലെ പ്രിന്‍സിപ്പാളിന്‍റെ ശുപാര്ശയോടൊപ്പം 1050/ രൂപ ഫീസ് അടച്ച് ചേരാന്‍ പോകുന്ന കോളജില് 2025 ജൂൺ 23 ന് മുമ്പായി സമര്‍പ്പിക്കണം. തിരഞ്ഞെടുക്കപ്പെടുകയാണെങ്കില്‍ 1575/ രൂപ കൂടി അടയ്ക്കേണ്ടതാണ്. അപേക്ഷ സര്‍വകലാശാല രജിസ്ട്രാര്‍ തപാലില്‍ ലഭിക്കേണ്ട അവസാന തീയതി 2025 ജൂൺ 26. വിശദവിവരങ്ങള്‍ സര്‍വകലാശാല വെബ്സൈറ്റില്‍.
പരീക്ഷാവിജ്ഞാപനം
കേരളസർവകലാശാല കാര്യവട്ടം യൂണിവേഴ്സിറ്റി കോളജ് ഓഫ് എഞ്ചിനീയറിംഗിലെ രണ്ടാം സെമസ്റ്റർ ബിടെക് (2020 സ്കീം റെഗുലർ 2024 അഡ്മിഷൻ, സപ്ലിമെന്ററി 2020 2023 അഡ്മിഷൻ) ജൂൺ 2025 പരീക്ഷാവിജ്ഞാപനം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ടൈംടേബിൾ
കേരളസർവകലാശാല 2025 ജൂലൈയിൽ നടത്തുന്ന നാലാം സെമസ്റ്റർ എംഎഫ്എ
(പെയിന്‍റിംഗ് &സ്കൾപ്പ്ച്ചർ) പരീക്ഷ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
കേരളസർവകലാശാലയുടെ റെഗുലർ ബിടെക് (2008 സ്കീം) എട്ടാം സെമസ്റ്റർ കോഴ്സ് കോഡിൽ വരുന്ന ബിടെക് പാർട്ട്ടൈം റീസ്ട്രക്ചേർഡ് കോഴ്സ് (2010 സ്കീം), എട്ടാം സെമസ്റ്റർ (ഫെബ്രുവരി 2025), ഏഴാം സെമസ്റ്റർ (ജനുവരി 2025), ആറാം സെമസ്റ്റർ (നവംബർ 2024), നാലാം സെമസ്റ്റർ (ഡിസംബർ 2024) പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.