അസിസ്റ്റന്‍റ് സെക്യൂരിറ്റി ഓഫീസര്‍ നിയമനം
കാലിക്കട്ട് സര്‍വകലാശാലയില്‍ കരാറടിസ്ഥാനത്തിലുള്ള അസിസ്റ്റന്‍റ് സെക്യൂരിറ്റി ഓഫീസർ നിയമനത്തിന് അപേക്ഷ ക്ഷണിച്ചു. യോഗ്യത: 1. എസ്എസ്എല്‍സി അല്ലെങ്കിൽ തത്തുല്യം. 2. നായിക് സുബേദാർ അല്ലെങ്കിൽ തത്തുല്യ പദവിയിൽ താഴെ അല്ലാത്ത സൈനിക സേവനം. പ്രായം: 2025 ജനുവരി ഒന്നിന് 45 വയസ് കവിയാൻ പാടില്ല. വിശദമായ വിജ്ഞാപനം വെബ്‌സൈറ്റിൽ https://www.uoc.ac.in/ .
കാലിക്കട്ട് സർവകലാശാലാ പൊതുപ്രവേശന പരീക്ഷ
2025 2026 അധ്യയന വർഷത്തെ കാലിക്കട്ട് സർവകലാശാലാ വിവിധ പഠനവകുപ്പുകളിലെ പിജി / ഇന്‍റഗ്രേറ്റഡ് പിജി, സർവകലാശാലാ സെന്‍റർ / അഫിലിയേറ്റഡ് കോളജുകളിലെ എംസിഎ, എംഎസ്ഡബ്ല്യൂ, ബിപിഎഡ്, ബിപിഇഎസ് (ഇന്‍റഗ്രേറ്റഡ്), എംപിഎഡ്, എംഎ ജേണലിസം ആൻഡ് മാസ് കമ്മ്യൂണിക്കേഷൻ, എംഎസ്‌സി ഹെൽത് ആൻഡ് യോഗാ തെറാപ്പി, എംഎസ്‌സി ഫോറൻസിക് സയൻസ് എന്നീ പ്രോഗ്രാമുകളിലെ പ്രവേശനത്തിനായി നടത്തുന്ന പൊതു പരീക്ഷയുടെ ( സിയു സിഇടി 2025 ) ഓൺലൈൻ രജിസ്‌ട്രേഷൻ ഏപ്രിൽ 30ന് വൈകീട്ട് അഞ്ചു വരേക്ക് നീട്ടി. പ്രവേശന പരീക്ഷ മെയ് 14, 15, 16 തീയതികളിൽ വിവിധ കേന്ദ്രങ്ങളിലായി നടത്തും. വിശദമായ വിജ്ഞാപനം പ്രവേശന വിഭാഗം വെബ്‌സൈറ്റിൽ https://admission.uoc.ac.in/ . ഫോൺ : 0494 2407016, 2407017.
പരീക്ഷാഫലം
സർവകലാശാലാ എൻജിനീയറിംഗ് കോളജിലെ (സിയു ഐഇടി) അഞ്ചാം സെമസ്റ്റർ ബിടെക് (2016 മുതൽ 2018 വരെ പ്രവേശനം) നവംബർ 2023, (2019 മുതൽ 2022 വരെ പ്രവേശനം) നവംബർ 2024 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് മെയ് 13 വരെ അപേക്ഷിക്കാം.
പുനർമൂല്യനിർണയഫലം
ഒന്നാം സെമസ്റ്റർ എംഎസ്‌സി അപ്ലൈഡ് ജിയോളജി, മൈക്രോബയോളജി, എംഎ പൊളിറ്റിക്കൽ സയൻസ്, സംസ്‌കൃത സാഹിത്യം ( സ്പെഷ്യൽ ), പോസ്റ്റ് അഫ്സൽ ഉൽ ഉലമ, വിദൂര വിഭാഗം മൂന്നാം സെമസ്റ്റർ എംഎ ഇംഗ്ലീഷ് നവംബർ 2024, വിദൂര വിഭാഗം മൂന്നാം സെമസ്റ്റർ എംഎ ഇംഗ്ലീഷ് നവംബർ 2023 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.