പിജി പ്രത്യേക അലോട്മെന്റ് പ്രസിദ്ധീകരിച്ചു
പിജി പ്രവേശനത്തിനുള്ള എസ്‌സി, എസ്ടി ഒന്നാം പ്രത്യേക അലോട്മെന്റ് പ്രസിദ്ധീകരിച്ചു. ഫീസടച്ച് 24ന് വൈകുന്നേരം നാലിനകം അലോട്ട്മെന്റ് ലഭിച്ച കോളജിൽ പ്രവേശനം നേടണം. 24നകം ഫീസടയ്ക്കാത്തവരുടെയും പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. സ്ഥിരപ്രവേശനം നേടണം. താത്കാലിക പ്രവേശനം അനുവദിക്കില്ല.
പ്രവേശന പരീക്ഷ മാറ്റി
സിവിൽ സർവീസ് ഇൻസ്റ്റിറ്റ്യൂട്ട് തുടങ്ങുന്ന പ്രിലിംസ് കം മെയിൻസ് ക്ലാസുകളിലേക്കുള്ള വിദ്യാർഥികൾക്കായി ഇന്നു നടത്താനിരുന്ന പ്രവേശന പരീക്ഷ 30ലേക്കു മാറ്റിയതായി സിവിൽ സർവീസ് ഇൻസ്റ്റിറ്റ്യൂട്ട് ഡയറക്‌ടർ അറിയിച്ചു.
പരീക്ഷഫലം
2018 നവംബറിലെ മൂന്നാം സെമസ്റ്റർ എംഎസ്‌സി ബയോകെമിസ്ട്രി (റഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ അഞ്ചുവരെ അപേക്ഷിക്കാം.
2018 നവംബറിലെ മൂന്നാം സെമസ്റ്റർ എംഎസ്‌സി ബോട്ടണി (സിഎസ്എസ് റഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ ആറുവരെ അപേക്ഷിക്കാം.
2018 ജൂണിലെ ആറാം സെമസ്റ്റർ, 2018 ജൂലൈയിൽ നടന്ന നാലാം സെമസ്റ്റർ (2013ന് മുന്പുള്ള അഡ്മിഷൻ) ബിഎസ്‌സി സിബിസിഎസ്എസ് (മോഡൽ ഒന്ന്, രണ്ട്, മൂന്ന്) സപ്ലിമെന്‍ററി, മേഴ്സി ചാൻസ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ അഞ്ചുവരെ അപേക്ഷിക്കാം.