ഡിഗ്രി/ പിജി: ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു
പഠനവകുപ്പുകൾ, സ്വാശ്രയ സെന്ററുകൾ, അഫിലിയേറ്റഡ് കോളജുകൾ എന്നിവയിലെ പ്രവേശന പരീക്ഷ മുഖാന്തരം പ്രവേശനം നടത്തുന്ന എംഎ കംപാരറ്റീവ് ലിറ്ററേച്ചർ, എംഎ ഫംഗ്ഷണൽ ഹിന്ദി, എംഎ സംസ്കൃതം, എംഎ. ഫോക്ലോർ, എംഎ മ്യൂസിക്, എംഎ ഫിലോസഫി, എംഎ ജേർണലിസം ആൻഡ് മാസ് കമ്യൂണിക്കേഷൻ, മാസ്റ്റർ ഓഫ് തിയറ്റർ ആർട്സ്, എംഎസ് സി അപ്ലൈഡ് ജിയോളജി, എംഎസ് സി ഹ്യൂമണ് ഫിസിയോളജി, എംഎസ് സി ബയോകെമിസ്ട്രി, മാസ്റ്റർ ഓഫ് സോഷ്യൽ വർക്സ്, എംഎസ് സി. കംപ്യൂട്ടർ സയൻസ്, എംസിഎ എന്നീ കോഴ്സുകൾക്ക് ഒഴിവുള്ള സീറ്റുകളിലേക്കായി പ്രവേശന പരീക്ഷയ്ക്ക് ഓണ്ലൈൻ അപേക്ഷ ക്ഷണിച്ചു. ഓണ്ലൈനായി രജിസ്റ്റർ ചെയ്യാൻ എട്ട് വരെ സൗകര്യമുണ്ടാകും. വയനാട്, ലക്കിടി ഓറിയന്റൽ സ്കൂൾ ഓഫ് ഹോട്ടൽ മാനേജ്മെന്റ് നടത്തുന്ന ബാച്ച്ലർ ഓഫ് ഹോട്ടൽ മാനേജ്മെന്റിന് ഒഴിവുള്ള സീറ്റുകളിലേക്കും ജൂലൈ എട്ട് വരെ ഓണ്ലൈനായി അപേക്ഷിക്കാം. വിജ്ഞാപന പ്രകാരം വിവിധ കോഴ്സുകൾക്ക് നിഷ്കർഷിച്ചിട്ടുള്ള നിശ്ചിത യോഗ്യതയുള്ളവർക്ക് അപേക്ഷിക്കാം. അപേക്ഷാഫീസ്: ജനറൽ 650 രൂപ. എസ് സി/ എസ്ടി 440 രൂപ. രണ്ടിൽ കൂടുതൽ പ്രോഗ്രാമുകളിലേക്ക് അപേക്ഷിക്കുന്നവർ ഓരോ അധിക പ്രോഗ്രാമിനും 50 രൂപ വീതം അപേക്ഷാ ഫീസിനോടൊപ്പം ഒന്നിച്ച് അടക്കണം. ഫോണ്: 0494 2407016, 2407017.
പരീക്ഷ
പിജി ഡിപ്ലോമ ഇൻ റീഹാബിലിറ്റേഷൻ സൈക്കോളജി പരീക്ഷ 11ന് സൈക്കോളജി പഠനവകുപ്പിൽ ആരംഭിക്കും.
പരീക്ഷാഫലം
2018 നവംബറിൽ നടത്തിയ ഒന്നാം സെമസ്റ്റർ എംഎസ് സി മൈക്രോബയോളജി, ബയോകെമിസ്ട്രി, ഹ്യൂമണ് ഫിസിയോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
എക്സാമിനേഴ്സ് മീറ്റിംഗ്
നാലാം സെമസ്റ്റർ ബിഎസ് സി ഫിസിക്സ് (സിയുസിബിസിഎസ്എസ്) പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ ഫിസിക്സ് അധ്യാപകർ12ന് 10.30ന് മേഴ്സി കോളജിൽ ഹാജരാകണം.
നാലാം സെമസ്റ്റർ ബിഎസ് സി കംപ്യൂട്ടർ സയൻസ്, ബിസിഎ, ഐടി (സിയുസിബിസിഎസ്എസ്) പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് മലപ്പുറം ജില്ലയിലെ കോളജുകളിലെ കംപ്യൂട്ടർ സയൻസ് അധ്യാപകർ എട്ടിന് 10.30ന് സർവകലാശാലാ പരീക്ഷാഭവനിൽ ഹാജരാകണം.