23ന് ആരംഭിക്കുന്ന നാലാം സെമസ്റ്റർ ബിടെക് (2013 സ്കീം) ജൂലൈ 2019 പരീക്ഷയുടെ ടൈംടേബിൾ വെബ്സൈറ്റിൽ.
17ന് ആരംഭിക്കുന്ന എംസിഎ നാലാം സെമസ്റ്റർ, 30ന് ആരംഭിക്കുന്ന എംസിഎ രണ്ടാം സെമസ്റ്റർ റെഗുലർ & സപ്ലിമെന്‍ററി (2015 സ്കീം) പരീക്ഷകളുടെ ടൈംടേബിൾ വെബ്സൈറ്റിൽ.
വിദൂര വിദ്യാഭ്യാസ പഠന കേന്ദ്രം ഓഗസ്റ്റ് 12, 19 തീയതികളിൽ നടത്താനിരിക്കുന്ന ഒന്ന്, രണ്ട് സെമസ്റ്റർ എംഎൽഐഎസ്‌സി (2017 അഡ്മിഷൻ) പരീക്ഷയുടെ വിശദമായ ടൈംടേബിൾ വെബ്സൈറ്റിൽ.
പരീക്ഷാഫലം
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടം, എട്ടാം സെമസ്റ്റർ റെഗുലർ ബിടെക് ഡിഗ്രി (2013 സ്കീം 2015 അഡ്മിഷൻ) ഏപ്രിൽ 2019 ന്‍റെ പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും ഓണ്‍ലൈനായി 20 വരെ അപേക്ഷിക്കാം. 2019 മാർച്ചിൽ നടത്തിയ ഒന്നാം സെമസ്റ്റർ ബിപിഎഡ് (രണ്ട് വർഷം) പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഓഗസ്റ്റ് 30 ന് ആരംഭിക്കുന്ന ഒന്നാം സെമസ്റ്റർ എൽഎൽഎം പരീക്ഷകൾക്കും, അഞ്ചാം സെമസ്റ്റർ എംബിഎൽ പരീക്ഷകൾക്കും സെപ്റ്റംബർ മൂന്നിന് ആരംഭിക്കുന്ന ഒന്നാം സെമസ്റ്റർ എംബിഎൽ പരീക്ഷകൾക്കും ഓഗസ്റ്റ് ഒന്നുവരെയും 50 രൂപ പിഴയോടെ ഓഗസ്റ്റ് മൂന്നുവരെയും 125 രൂപ പിഴയോടെ ഓഗസ്റ്റ് എട്ട്‌വരെയും ഓഫ്‌ലൈനായി സർവകലാശാല ഓഫീസിൽ അപേക്ഷകൾ സമർപ്പിക്കണം.
എംഫിൽ ഫെല്ലോഷിപ്പ്
2018 19 വർഷത്തിൽ എംഫിൽ ഫെല്ലോഷിപ്പിന് അർഹരായ വിദ്യാർഥികളുടെ സാധ്യതാ ലിസ്റ്റ് സർവകലാശാല വെബ്സൈറ്റിൽ പ്രസിദ്ധീകരിച്ചു. ഏതെങ്കിലും വിധത്തിലുളള പരാതികളുള്ളവർ 2019 ജൂലൈ 20 നകം വിഭാഗം മേധാവി മുഖാന്തരം സർവകലാശാലയിൽ അറിയിക്കണം.
എൻഡോവ്മെന്റ് വിതരണം
സർവകലാശാലയുടെ 2011, 2012 വർഷങ്ങളിലെ വിവിധ എൻഡോവ്മെന്റ് അവാർഡുകളുടെ വിതരണം 15 ന് രാവിലെ 10.30 ന് സർവകലാശാല സെനറ്റ് ഹാളിൽ നടത്തും. അർഹരായ വിദ്യാർഥികൾ 15ന് രാവിലെ ഒന്പതിന് സർവകലാശാലയിൽ നിർദ്ദിഷ്ട രേഖകൾ സഹിതം എത്തിച്ചേരണം.
സീറ്റ് ഒഴിവ്
കാര്യവട്ടം കാന്പസിൽ ഫ്യൂച്ചർ സ്റ്റഡീസ് പഠനവകുപ്പിൽ ഒന്നാം വർഷ എംഎസ്‌സി ഡേറ്റ സയൻസ് (സിഎസ്എസ്) 201920 പ്രോഗ്രാമിൽ എസ്‌സി വിഭാഗത്തിൽ രണ്ട് സീറ്റും എസ്ടി വിഭാഗത്തിൽ ഒരു സീറ്റും ഒഴിവുണ്ട്. അർഹരായിട്ടുളളഒക്ത അസൽ രേഖകളുമായി ഇന്നു രാവിലെ 10.30 ന് ഡിപ്പാർട്ട്മെന്‍റ് ഓഫീസിൽ ഹാജരാകണം. വിശദവിവരങ്ങൾക്ക്: 0471 2305321.
യു.ജി. പ്രവേശനം ഒന്നാം സപ്ലിമെന്‍ററി അലോട്ട്മെന്റ് പ്രസിദ്ധപ്പെടുത്തി. കോളജ് തല പ്രവേശനം ഇന്നും നാളെയും
സർവകലാശാലയുടെ 201920 അധ്യയന വർഷത്തെ ബിരുദ പ്രവേശനത്തിനുള്ള ഒന്നാം സപ്ലിമെന്‍ററി അലോട്ട്മെന്റ് വെബ്സൈറ്റിൽ പ്രസിദ്ധപ്പെടുത്തി . അപേക്ഷകർക്ക് ആപ്ലിക്കേഷൻ നന്പറും പാസ്‌വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. അലോട്ട്മെന്റ് ലഭിച്ച വിദ്യാർഥികൾ 11, 12 തീയതികളിൽ കോളേജുകളിൽ പ്രവേശനം നേടണം.
കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതു വരെയും ഒരു കോളജുകളിലും പ്രവേശനം ലഭിക്കാത്തതും എന്നാൽ ഈ അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്തവർ യൂണിവേഴ്സിറ്റി ഫീസ് ഓണ്‍ലൈനായി ഒടുക്കണം. ഇപ്രകാരം യൂണിവേഴ്സിറ്റി ഫീസ് അടച്ചവർ അലോട്ട്മെന്റ് മെമ്മോ പ്രിന്‍റെടുക്കേണ്ടതും മെമ്മോയിൽ പറഞ്ഞിരിക്കുന്ന കോളജിൽ പ്രവേശനം നേടേണ്ടതുമാണ്.
മൂന്നാം ഘട്ട അലോട്ട്മെന്റിനുശേഷം കോളജിൽ പ്രവേശനം നേടിയവർ തങ്ങളുടെ ഹയർ ഓപ്ഷനുകളിലേയ്ക്ക് ഒന്നാം സപ്ലിമെന്‍ററി അലോട്ട്മെന്റ് പ്രകാരം അലോട്ട്മെന്റ് ലഭിച്ചാൽ വീണ്ടും ലോഗിൻ ചെയ്ത് അലോട്ട്മെന്റ് മെമ്മോ ഡൗണ്ലോഡ് ചെയ്യണം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ രേഖപ്പെടുത്തിയിരിക്കും. അങ്ങനെയുളളവർ നിർബന്ധമായും ഇപ്പോൾ പ്രവേശനം നേടിയിരിക്കുന്ന കോളജിൽ നിന്ന് ടിസി വാങ്ങി പുതുതായി അലോട്ട്മെന്റ് ലഭിച്ച കോളജുകളിൽ പ്രവേശനം നേടണം. ഇങ്ങനെയുള്ളവർ വീണ്ടും യൂണിവേഴ്സിറ്റി ഫീസ് അടയ്ക്കേണ്ടതില്ല. യോഗ്യത തെളിയിക്കുന്ന സർട്ടിഫിക്കറ്റുകൾ (അസൽ) സഹിതം മെമ്മോയിൽ പറഞ്ഞിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കേണ്ടതാണ്. നിശ്ചിത സമയത്തിനുള്ളിൽ അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിലേയ്ക്ക് പരിഗണിക്കുന്നതുമല്ല. പ്രവേശന സമയത്ത് ഹാജരാകാനുള്ള രേഖകൾ മുൻകൂട്ടി തയാറാക്കി വെയ്ക്കണം. രേഖകൾ ഹാജരാക്കാൻ അധിക സമയം അനുവദിക്കുന്നതല്ല.