എംഎ ഇംഗ്ളീഷ് സീറ്റ് ഒഴിവ്
ഇംഗ്ളീഷ് പഠനവകുപ്പിൽ എംഎക്ക് ഓപ്പണ് (അഞ്ച്), ഇടിബി (ഒന്ന്) വിഭാഗങ്ങളിൽ ഒഴിവുണ്ട്. പഠനവകുപ്പ് നടത്തിയ പ്രവേശന പരീക്ഷയിലെ മാർക്കിന്റെ അടിസ്ഥാനത്തിലായിരിക്കും പ്രവേശനം. താൽപ്പര്യമുള്ളവർ 23ന് രാവിലെ പത്ത് മണിക്ക് സർട്ടിഫിക്കറ്റുകളും ഫീസും സഹിതം പഠനവകുപ്പിൽ ഹാജരാകണം. ഫോണ്: 0494 2407259.
യുജി അഞ്ചാം സെമസ്റ്ററിൽ പുനഃപ്രവേശനം
വിദൂരവിദ്യാഭ്യാസത്തിന് കീഴിൽ ബിഎ/ ബികോം/ ബിഎസ് സി (മാത്സ്)/ ബിബിഎ (സിയുസിബിസിഎസ്എസ്) പ്രോഗ്രാമുകൾക്ക് 2014 മുതൽ 2016 വരെയുള്ള വർഷങ്ങളിൽ പ്രവേശനം നേടി ഒന്നും രണ്ടും മൂന്നും നാലും സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് അഞ്ചാം സെമസ്റ്ററിലേക്ക് പുനഃപ്രവേശനത്തിന് ഓഗസ്റ്റ് 17 വരെയും 100 രൂപ പിഴയോടെ ഓഗസ്റ്റ് 24 വരെയും ഓണ്ലൈനായി അപേക്ഷിക്കാം. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, നാലാം സെമസ്റ്റർ പരീക്ഷാ ഹാൾടിക്കറ്റിന്റെ പകർപ്പ്, എസ്ഡിഇ ഐഡി കാർഡ്/ ടിസി എന്നിവ സഹിതം എസ്ഡിഇയിൽ ലഭിക്കേണ്ട അവസാന തിയതി ഓഗസ്റ്റ് 31. വിവരങ്ങൾ വെബ്സൈറ്റിൽ. ഫോണ് : 0494 2407494, 2407356
പ്രീവിയസ് പിജി പരീക്ഷാ അപേക്ഷ
വിദൂരവിദ്യാഭ്യാസം പ്രീവിയസ്/ഒന്ന്, രണ്ട് സെമസ്റ്റർ എംഎ/ എംഎസ് സി/ എംകോം (2015 മുതൽ പ്രവേശനം) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഓഗസ്റ്റ് രണ്ട് വരെയും 170 രൂപ പിഴയോടെ ഓഗസ്റ്റ് ആറ് വരെയും ഫീസടച്ച് ഓഗസ്റ്റ് എട്ട് വരെ രജിസ്റ്റർ ചെയ്യാം. റഗുലർ പരീക്ഷാർഥികൾ അപേക്ഷ വിദൂരവിദ്യാഭ്യാസ വിഭാഗത്തിലും സപ്ലിമെന്ററി/ഇംപ്രൂവ്മെന്റ് പരീക്ഷാർഥികൾ പരീക്ഷാ കണ്ട്രോളർക്കുമാണ് അപേക്ഷ സമർപ്പിക്കേണ്ടത്.
അവസാന വർഷ പിജി പരീക്ഷ
വിദൂരവിദ്യാഭ്യാസം അവസാന വർഷ എംഎ/ എംഎസ് സി/ എംകോം (2015 മുതൽ പ്രവേശനം) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ ഓഗസ്റ്റ് രണ്ടിന് ആരംഭിക്കും. ടൈംടേബിൾ വെബ്സൈറ്റിൽ.