യുജി/പിജി പ്രവേശനം: പ്രത്യേക അലോട്ട്മെന്റ് പ്രസിദ്ധീകരിച്ചു; ഇന്നും അഞ്ചിനും കോളജ് പ്രവേശനം
സർവകലാശാല 20192020 അധ്യയന വർഷത്തെ യുജി/പിജി പ്രവേശനത്തിനുള്ള പ്രത്യേക അലോട്ട്മെന്റ് പ്രസിദ്ധീകരിച്ചു. ആപ്ലിക്കേഷൻ നന്പരും പാസ്‌വേർഡും ഉപയോഗിച്ച് ലോഗിൻ ചെയ്ത് അപേക്ഷകർ അലോട്ട്മെന്റ് പരിശോധിക്കേണ്ടതാണ്. അലോട്ട്മെന്റ് ലഭിച്ചവർ പ്രവേശന ഫീസ് ഓണ്‍ലൈനായി അടയ്ക്കണം. മുൻ അലോട്ട്മെന്റുകളിൽ പ്രവേശനം ലഭിച്ച് അഡ്മിഷൻ ഫീസ് അടച്ചവർ വീണ്ടും അഡ്മിഷൻ ഫീസ് അടയ്ക്കേണ്ടതില്ല.
അഡ്മിഷൻ ഫീസ് അടച്ച അപേക്ഷകർ അലോട്ട്മെന്റ് മെമ്മോ ഡൗണ്ലോഡ് ചെയ്യേണ്ടതാണ്. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ എടുക്കേണ്ട തീയതി എന്നിവ അലോട്ട്മെന്റ് മെമ്മോയിൽ ഉണ്ടായിരിക്കും. ഇന്നും അഞ്ചിനും കോളജുകളിൽ അഡ്മിഷൻ എടുക്കണം. യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം (കൂടുതൽ വിവരങ്ങൾക്ക് അലോട്ട്മെന്റ് മെമ്മോ കാണുക) മെമ്മോയിൽ പറഞ്ഞിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കണം. നിലവിൽ കോളജുകളിൽ അഡ്മിഷൻ നേടിക്കഴിഞ്ഞവർക്ക് പ്രത്യേക അലോട്ട്മെന്റിൽപുതിയ അലോട്ട്മെന്റ് ലഭിച്ചിട്ടുണ്ടെങ്കിൽ ഇപ്പോൾ പഠിച്ചു കൊണ്ടിരിക്കുന്ന കോളജിൽ നിന്നും ടിസി വാങ്ങിയ ശേഷം പുതിയ അലോട്ട്മെന്റ് പ്രകാരമുള്ള കോളജിൽ അഡ്മിഷൻ എടുക്കണം.
പുതുക്കിയ പരീക്ഷാ തീയതി
അഞ്ചിന് നടത്താനിരുന്ന മൂന്നാം സെമസ്റ്റർ ത്രിവത്സര എൽഎൽബി പേപ്പർ ഇന്‍റർപ്രട്ടേഷൻ ഓഫ് സ്റ്റാറ്റ്യൂട്ട്സ് ആൻഡ് പ്രിൻസിപ്പിൾസ് ഓഫ് ലജിസ്ലേഷൻ പരീക്ഷ 14 ലേയ്ക്കും ഏഴിന് നടത്താനിരുന്ന ക്രിമിനൽ പ്രോസീജ്വർ കോഡ് പരീക്ഷ 20 ലേയ്ക്കും മാറ്റി.
പ്രാക്ടിക്കൽ
മൂന്നാം സെമസ്റ്റർ ബിടെക് (2013 സ്കീം) മേയ് 2019 (സപ്ലിമെന്‍ററി) പ്രാക്ടിക്കൽ ഇലക്ട്രോണിക്സ് ആൻഡ് കമ്യൂണിക്കേഷൻ ബ്രാഞ്ച് ആറിനും ഏഴിനും തിരുവനന്തപുരം എസ്‌സിടി കോളജ് ഓഫ് എൻജിനിയറിംഗിലും കംപ്യൂട്ടർ സയൻസ് ആൻഡ് എൻജിനിയറിംഗ് ബ്രാഞ്ച് ആറിന് കാര്യവട്ടം യൂണിവേഴ്സിറ്റി കോളജ് ഓഫ് എൻജിനിയറിംഗിലും നടക്കും. വിശദവിവരങ്ങൾ വെബ്സൈറ്റിൽ.
അഞ്ചാം സെമസ്റ്റർ ബിടെക് (2013 സ്കീം) ഏപ്രിൽ 2019 (സപ്ലിമെന്‍ററി) സിവിൽ എൻജിനിയറിംഗ് ബ്രാഞ്ച് പ്രാക്ടിക്കൽ ആറിനും ഏഴിനും തിരുവനന്തപുരം കോളജ് ഓഫ് എൻജിനിയറിംഗിലും കൊല്ലം ടികെഎം കോളജ് ഓഫ് എൻജിനിയറിംഗിലും നടക്കും. വിശദവിവരങ്ങൾ വെബ്സൈറ്റിൽ.
മേയിൽ നടത്തിയ രണ്ടാം സെമസ്റ്റർ ബിഎസ്‌സി ബോട്ടണി ബയോടെക്നോളജി, ബയോടെക്നോളജി (മൾട്ടിമേജർ) പരീക്ഷകളുടെ പ്രാക്ടിക്കൽ 19 മുതൽ നടത്തും. വിശദവിവരങ്ങൾ വെബ്സൈറ്റിൽ.
ടൈംടേബിൾ
20 ന് ആരംഭിക്കുന്ന ബിഎസ്‌സി (ആന്വൽ സ്കീം) (ഏപ്രിൽ 2019 സെഷൻ) പാർട്ട് ഒന്ന്, രണ്ട്, മൂന്ന് പാർട്ട് സബ്സിഡിയറി വിഷയങ്ങളായ സ്റ്റാറ്റിസ്റ്റിക്സ് ആൻഡ് അക്കൗണ്ടിംഗ് പരീക്ഷകളുടെ ടൈംടേബിൾ വെബ്സൈറ്റിൽ.
പരീക്ഷാഫലം
വിദൂര വിദ്യാഭ്യാസ പഠന കേന്ദ്രം ഡിസംബറിൽ നടത്തിയ ഒന്നും രണ്ടും സെമസ്റ്റർ എംഎ ഇംഗ്ലീഷ്, എംഎസ്‌സി മാത്തമാറ്റിക്സ് പരീക്ഷാഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ഫെബ്രുവരിയിൽ നടന്ന മൂന്നാം സെമസ്റ്റർ എംഎ സംസ്കൃതം ലാംഗ്വേജ് ആൻഡ് ലിറ്ററേച്ചർ, സംസ്കൃതം സ്പെഷൽ (വേദാന്ത, ന്യായ, വ്യാകരണ, സാഹിത്യ ആൻഡ് ജ്യോതിഷ്യ), ഇസ്‌ലാമിക് ഹിസ്റ്ററി, ബിസിനസ് എക്കണോമിക്സ്, പബ്ലിക് അഡ്മിനിസ്ട്രേഷൻ, മ്യൂസിക്, മ്യൂസിക് (കേരള നടനം), എംഎംസിജെ, മൈക്രോബയോളജി, എംഎസ്‌സി എൻവയോണ്മെന്റൽ സയൻസ്, മേയിൽ നടത്തിയ പിജിഡിഇസി (പോസ്റ്റ് ഗ്രാജ്വേറ്റ് ഡിപ്ലോമ ഇൻ ഇഗ്ലീഷ് ഫോർ കമ്യൂണിക്കേഷൻ), ഫെബ്രുവരിയിൽ നടത്തിയ ഒന്നാം സെമസ്റ്റർ എംബിഎ (2014 ആൻഡ് 2018 സ്കീമുകൾ ഫുൾടൈം/റെഗുലർ ഈവനിംഗ്/യുഐഎം/ട്രാവൽ ആൻഡ് ടൂറിസം) എന്നീ പരീക്ഷാഫലങ്ങൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
ഫെബ്രുവരിയിൽ നടത്തിയ രണ്ടാം വർഷ എംഎ മലയാളം (2016 അഡ്മിഷൻ പ്രൈവറ്റ് രജിസ്ട്രേഷൻ) പരീക്ഷാഫലം വെബ്സൈറ്റിൽ. ഹാൾടിക്കറ്റ് ഹാജരാക്കി മാർക്ക്‌ലിസ്റ്റുകൾ 12 മുതൽ കൈപ്പറ്റാവുന്നതാണ്.
മാർച്ചിൽ നടത്തിയ അഞ്ചാം സെമസ്റ്റർ ബികോം കൊമേഴ്സ് ആൻഡ് ഹോട്ടൽ മാനേജ്മെന്‍റ് ആൻഡ് കാറ്ററിംഗ് (2013 അഡ്മിഷനു മുൻപ് : 2010 ആൻഡ് 2011 അഡ്മിഷൻ മേഴ്സി ചാൻസ്, 2012 അഡ്മിഷൻ സപ്ലിമെന്‍ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ആറുവരെ ഓണ്‍ലൈനായി അപേക്ഷിക്കാം.
പരീക്ഷാഫീസ്
സെപ്റ്റംബർ 20 ന് ആരംഭിക്കുന്ന എട്ടാം സെമസ്റ്റർ ഇന്‍റഗ്രേറ്റഡ് (പഞ്ചവത്സരം) ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകൾക്ക് പിഴ കൂടാതെ 12 വരെയും പിഴയോടെ 19 വരെയും രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ.
സ്പോട്ട് അഡ്മിഷൻ
യൂണിവേഴ്സിറ്റി കോളജ് ഓഫ് എൻജിനിയറിംഗിൽ ഒന്നാം വർഷ ബിടെക് കോഴ്സുകളിലെ ഒഴിവുള്ള സീറ്റുകളിലേക്കുള്ള (ഇസി, സിഎസ്, ഐടി ബ്രാഞ്ചുകൾ) സ്പോട്ട് അഡ്മിഷൻ അഞ്ച് മുതൽ ഏഴുവരെ രാവിലെ 10 മുതൽ കോളജിൽ നടത്തും. വിശദവിവരങ്ങൾക്ക്: 9037119776
കാര്യവട്ടത്തെ എംടെക് ഇലക്ട്രോണിക്സ് ആൻഡ് കമ്യൂണിക്കേഷൻ (ഒപ്ടോ ഇലക്ട്രോണിക്സ് ആൻഡ് ഒപ്റ്റിക്കൽ കമ്യൂണിക്കേഷൻ) (ഒപ്ടോ ഇലക്ട്രോണിക്സ് ഡിപ്പാർട്ട്മെന്‍റ്), എംടെക് ടെക്നോളജി മാനേജ്മെന്‍റ് (ഫ്യൂച്ചർ സ്റ്റഡീസ് ഡിപ്പാർട്ട്മെന്‍റ്), എംടെക് കംപ്യൂട്ടർ സയൻസ് (കംപ്യൂട്ടർ സയൻസ് ഡിപ്പാർട്ട്മെന്‍റ്) എന്നീ പ്രോഗ്രാമുകളിൽ ജനറൽ, എസ്ഇബിസി, എസ്‌സി, എസ്ടി വിഭാഗങ്ങളിൽ സീറ്റ് ഒഴിവുണ്ട്. താൽപര്യമുളളവർ അസൽ സർട്ടിഫിക്കറ്റുകളുമായി അഞ്ചിന് രാവിലെ 10 ന് അതത് പഠന വകുപ്പുകളിൽ ഹാജരാകണം.
യുഐഎംകളിലെ ഒഴിവുള്ള എംബിഎ സീറ്റുകളിലെ പ്രവേശനത്തിനായി കാര്യവട്ടത്തുള്ള ഇൻസ്റ്റിറ്റ്യൂട്ട് ഓഫ് മാനേജ്മെന്‍റിൽ എട്ടിന് സ്പോട്ട് അഡ്മിഷൻ നടത്തുന്നു.
അപേക്ഷ ക്ഷണിക്കുന്നു
സർവകലാശാലയുടെ കീഴിലുളള ഇന്‍റർ യൂണിവേഴ്സിറ്റി സെന്‍റർ ഫോർ ജിയോ സ്പെഷൽ ഇൻഫർമേഷൻ സയൻസ് ആൻഡ് ടെക്നോളജിയിൽ പിജി ഡിപ്ലോമ ഇൻ ജിയോ ഇൻഫർമേഷൻ സയൻസ് ആൻഡ് ടെക്നോളജി കോഴ്സിന് 2019 20 ലേക്കുളള അഡ്മിഷന് വേണ്ടിയുളള അപേക്ഷ ക്ഷണിച്ചു. യോഗ്യത: ജിയോളജി, ജിയോഗ്രഫി, എൻവയോണ്മെന്റ് സയൻസ്, കംപ്യൂട്ടർ സയൻസ്, ഫിസിക്സ് ഇവയിൽ ഏതിലെങ്കിലും പിജി. അപേക്ഷ സമർപ്പിക്കേണ്ട അവസാന തീയതി ഒക്ടോബർ 10. ഫോണ്: 0471 2308214,