ഏപ്രിലിൽ നടത്തിയ എംപിഇ പ്രീവിയസ്, ഫൈനൽ ഡിഗ്രി പരീക്ഷാഫലം വെബ്സൈറ്റിൽ
ജൂണിൽ നടത്തിയ എംകോം, എംഎസ്‌സി ഫിസിക്സ് 2017 2019 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
2018 ജൂലൈയിൽ നടന്ന ഒന്നും രണ്ടും സെമസ്റ്റർ ബിഎസ്‌സി മാത്തമാറ്റിക്സ് (വിദൂര വിദ്യാഭ്യാസം) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 14വരെ അപേക്ഷിക്കാം.
2019 മേയിൽ നടത്തിയ നാലാം സെമസ്റ്റർ ബിഎ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
2019 മാർച്ചിൽ നടത്തിയ ഒന്ന്, മൂന്ന് സെമസ്റ്റർ (പഞ്ചവത്സരം) (2011 12 അഡ്മിഷന് മുൻപുളളത്) എൽഎൽബി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 16വരെ അപേക്ഷിക്കാം.
അസൈൻമെന്‍റ്/കേസ് അനാലിസിസ്
വിദൂര വിദ്യാഭ്യാസ വിഭാഗം മൂന്നും നാലും സെമസ്റ്റർ ബിഎ/ബിഎസ്‌സി/ബിസിഎ അസൈൻമെന്‍റ്/കേസ് അനാലിസിസ് അഞ്ച്, ആറ് തീയതികളിലും ബികോം ഏഴ്, എട്ട് തീയതികളിലും എംഎ/എംഎസ്‌സി/എംകോം 12, 13 തീയതികളിലും ഒന്നും രണ്ടും സെമസ്റ്റർ ബിഎ/ബിഎസ്‌സി/ബിസിഎ/ബിഎൽഐസി അസൈൻമെന്‍റ്/കേസ് അനാലിസിസ് 19, 20 തീയതികളിലും ബികോം/ബിബിഎ 21, 22 തീയതികളിലും എംഎ/എംഎസ്‌സി/എംഎൽഐഎസ്‌സി 26, 27 തീയതികളിലും എംകോം 29, 30 തീയതികളിലും എംബിഎ ഒന്നാം സെമസ്റ്റർ 30 നും അതാത് കോഴ്സ് കോർഡിനേറ്റർക്ക് സമർപ്പിക്കണം. വിശദവിവരങ്ങൾക്ക് www.ideku.net എന്ന വെബ്സൈറ്റ് സന്ദർശിക്കുക.
ലാബ് പരീക്ഷ
അഞ്ചാം സെമസ്റ്റർ ബിടെക് (2008 & 2013 സ്കീം) ഏപ്രിൽ 2019 (സപ്ലിമെന്‍ററി) മെക്കാനിക്കൽ എൻജിനിയറിംഗ് ബ്രാഞ്ചിന്‍റെ ഇലക്ട്രിക്കൽ ആൻഡ് ഇലക്ട്രോണിക്സ് ലാബ് പരീക്ഷകൾ ആറ്, ഒന്പത് തീയതികളിൽ നടക്കും. വിശദവിവരങ്ങൾ വെബ്സൈറ്റിൽ.
ഓണ്‍ലൈൻ രജിസ്ട്രേഷൻ
2019 സെപ്റ്റംബറിൽ ആരംഭിക്കുന്ന മൂന്നും നാലും സെമസ്റ്റർ ബികോം എസ്ഡിഇ (2017 അഡ്മിഷൻ) പരീക്ഷയ്ക്ക് ഓണ്‍ലൈൻ രജിസ്ട്രേഷൻ ചെയ്യാനുള്ള പുതുക്കിയ തീയതികളുടേയും ബികോം ആന്വൽ സ്കീം (പ്രൈവറ്റ്) സപ്ലിമെന്‍ററി (സെപ്റ്റംബർ 2019) പരീക്ഷയ്ക്ക് 125 രൂപ പിഴയോടെ ആറ്, ഏഴ് തീയതികളിൽ ഓണ്‍ലൈൻ രജിസ്ട്രേഷൻ ചെയ്യാനുള്ള പുതുക്കിയ തീയതികളുടേയും വിജ്ഞാപനം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പുതുക്കിയ തീയതി
വിദൂര വിദ്യാഭ്യാസ വിഭാഗം 19ന് നടത്താൻ നിശ്ചയിച്ചിരുന്ന മൂന്നും നാലും സെമസ്റ്റർ ബിഎസ്‌സി കന്പ്യൂട്ടർ സയൻസ്/ബിസിഎ (എസ്ഡിഇ, 2017 അഡ്മിഷൻ) പരീക്ഷകൾക്ക് ആറുവരെയും 150 രൂപ പിഴയോടെ ഒന്പതുവരെയും 400 രൂപ പിഴയോടെ 13 വരെയും ഫീസ് അടയ്ക്കാം.
സ്പോട്ട് അഡ്മിഷൻ
യൂണിവേഴ്സിറ്റി കോളജ് ഓഫ് എൻജിയറിംഗിൽ ഒന്നാം വർഷ ബിടെക് കോഴ്സുകളിലെ ഒഴിവുള്ള സീറ്റുകളിലേക്കുള്ള (ഇസി, സിഎസ്, ഐടി ബ്രാഞ്ചുകൾ) സ്പോട്ട് അഡ്മിഷൻ അഞ്ച്, ആറ്, ഏഴ് തീയതികളിൽ രാവിലെ 10 മുതൽ കോളജിൽ നടത്തും. വിശദവിവരങ്ങൾക്ക്: 9037119776
ഒന്നാം വർഷ ബിരുദാനന്തര ബിരുദ പ്രവേശനം 2019
പുതിയ കോഴ്സുകൾക്ക് അഡ്മിഷൻ കേരള സർവകലാശാല സെനറ്റ് ഹാളിൽ അഞ്ചിന്
സർവകലാശാലയോട് അഫിലിയേറ്റ് ചെയ്തിട്ടുള്ള സ്വാശ്രയ കോളജായ മാർ ഗ്രിഗോറിയസ് കോളജ് ഓഫ് ആർട്സ് ആൻഡ് സയൻസ്, പുന്നപ്ര, ആലപ്പുഴ എംകോം 20 സീറ്റും എയ്ഡഡ് കോളജായ എംഎസ്എം കോളജ്, കായംകുളം എംഎ മലയാളം 20 സീറ്റും അനുവദിച്ചിരിക്കുന്നു. മേൽ പറഞ്ഞ കോഴ്സുകളുടെ മെറിറ്റ് സീറ്റുകളിലേയ്ക്ക് സർവകലാശാല സെനറ്റ് ഹാളിൽ വച്ച് അഞ്ചിന് അഡ്മിഷൻ നടത്തും. അഞ്ചിന് രാവിലെ 11 വരെ ഹാജരാകുന്നവരിൽ നിന്നും റാങ്ക് ലിസ്റ്റ് തയാറാക്കി പ്രവേശനം നടത്തും. വിദ്യാർഥികൾ അസൽ സർട്ടിഫിക്കറ്റ്, ഫീസ്, നിലവിൽ ഓണ്‍ലൈൻ രജിസ്ട്രേഷൻ ഉള്ളവർ അതിന്‍റെ ഏറ്റവും പുതിയ പ്രിന്‍റൗട്ട് എന്നിവ കൊണ്ടു വരണം. എസ്‌സി/എസ്ടി, മറ്റു സംവരണ സീറ്റുകളിൽ പരിഗണിക്കപ്പെടുവാൻ ആഗ്രഹിക്കുന്നവർ ജാതി തെളിയിക്കുന്ന അസൽ സർട്ടിഫിക്കറ്റുകൾ ഹാജരാക്കേണ്ടതാണ്. സർട്ടിഫിക്കറ്റുകൾ ഹാജരാക്കാൻ സമയം അനുവദിക്കുന്നതല്ല.
എംഎസ്എം കോളജ്, കായംകുളം എംഎ മലയാളം കമ്മ്യൂണിറ്റി ക്വാട്ട സീറ്റുകളിലേക്കും അന്നേ ദിവസം പ്രവേശനം നടത്തുന്നതാണ്. നിലവിൽ രജിസ്ട്രേഷൻ ഇല്ലാത്തവർ അഡ്മിഷന് വരുന്പോൾ () എന്ന വെബ്സൈറ്റിലെ മാനേജ്മെന്‍റ് ക്വാട്ട രജിസ്ട്രേഷൻ പൂർത്തിയാക്കി ഓണ്‍ലൈൻ പ്രിന്‍റൗട്ട് കൊണ്ടുവരണം.
അലോട്ട്മെന്റ് ലഭിച്ചാൽ ഉടൻ തന്നെ ഒടുക്കേണ്ടതായ പ്രവേശന ഫീസ് (ജനറൽ/ എസ്ഇബിസി വിഭാഗങ്ങൾക്ക് 1040/ രൂപയും എസ്‌സി/ എസ്ടി വിഭാഗങ്ങൾക്ക് 310/ രൂപയും) കൈയിൽ കരുതേണ്ടതാണ്. ഇതിനായി കൂടുതൽ സമയം അനുവദിക്കുന്നതല്ല. പ്രവേശന ഫീസ് മുൻപ് ഒടുക്കിയിട്ടുള്ള വിദ്യാർത്ഥികൾ ഈ തുക വീണ്ടും ഒടുക്കേണ്ടതില്ല. ആയതിനാൽ അവർ ഈ തുക ഒടുക്കിയ രസീതിന്‍റെ പകർപ്പ് നിശ്ചയമായും കൈവശം സൂക്ഷിക്കേണ്ടതാണ്.
ഒന്നാം വർഷ ബിരുദ പ്രവേശനം 2019; എസ്‌സി/എസ്ടി സീറ്റുകളിൽ സ്പോട്ട് അലോട്ട്മെന്റ്
201920ലെ ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്‌സി/എസ്ടി സീറ്റുകളിലേയ്ക്ക് മേഖലാതലത്തിൽ സ്പോട്ട് അലോട്ട്മെന്റ് നടത്തുന്നു. തിരുവനന്തപുരം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ സർവകലാശാല സെനറ്റ് ഹാളിൽ ഏഴിനും കൊല്ലം മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ കൊല്ലം എസ്എൻ കോളജിൽ ഏട്ടിനും ഹാജരാകണം. അടൂർ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ അടൂർ സെന്‍റ് സിറിൾസ് കോളജിൽ എട്ടിനും ആലപ്പുഴ മേഖലയിലുള്ള കോളജുകളിൽ ഓപ്ഷൻ നൽകിയിട്ടുള്ള വിദ്യാർഥികൾ ആലപ്പുഴ എസ്ഡി കോളജിൽ ഒന്പതിനും ഹാജരാകണം.
രാവിലെ ഒന്പതുമുതൽ 11വരെ എസ്‌സി/എസ്ടി വിദ്യാർഥികൾ ഓണ്‍ലൈൻ അപേക്ഷയുടെ പ്രിന്‍റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ സ്പോട്ട് അലോട്ട്മെന്റിൽ പ്രവേശനം ഉറപ്പായാൽ മാത്രമേ ടി.സി.വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്പോട്ട് അലോട്ട്മെന്റിൽ പങ്കെടുക്കാൻ വരുന്ന വിദ്യാർഥികളുടെ കൈവശം യോഗ്യതയും ജാതിയും തെളിയിക്കുന്ന അസൽ സർട്ടിഫിക്കറ്റുകൾ ഉണ്ടായിരിക്കണം. കോളജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്ട്രേഷൻ സമയം (രാവിലെ 9 മുതൽ 11 മണി വരെ) കഴിഞ്ഞു വരുന്നവരെ ഒരു കാരണവശാലും പരിഗണിക്കില്ല. ഓരോ മേഖലയിലും ഉൾപ്പെടുത്തിയിരിക്കുന്ന കോളജുകളുടെ വിവരം സർവകലാശാല വെബ്സൈറ്റിൽ () പ്രസിദ്ധീകരിക്കും.
രജിസ്ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർഥികളിൽ നിന്നും സർവകലാശാല തയാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുക. ഓണ്‍ലൈൻ രജിസ്ട്രേഷൻ ഇല്ലാത്തവരെ ഓണ്‍ലൈൻ അപേക്ഷ സമർപ്പിച്ചിട്ടുള്ള എല്ലാവരേയും പരിഗണിച്ചതിന് ശേഷം മാത്രമേ അലോട്ട്മെന്റിൽ പരിഗണിക്കുകയുള്ളൂ.
അലോട്ട്മെന്റ് ലഭിച്ചാൽ ഉടൻ തന്നെ ഒടുക്കേണ്ട പ്രവേശന ഫീസ് (940/ രൂപ) കൈയിൽ കരുതണം. ഓണ്‍ലൈൻ രജിസ്ട്രേഷൻ ഇല്ലാത്ത വിദ്യാർഥികൾക്ക് അഡ്മിഷൻ ലഭിക്കുകയാണെങ്കിൽ രജിസ്ട്രേഷൻ ഫീസായ 220/ രൂപയും ഒടുക്കേണ്ടതാണ്. ഇതിനായി കൂടുതൽ സമയം അനുവദിക്കുന്നതല്ല. നിലവിൽ കോളജുകളിൽ പഠിച്ചുകൊണ്ടിരിക്കുന്ന വിദ്യാർഥികൾ കോളജിൽ നിന്നും ലഭിച്ച തിരിച്ചറിയൽ കാർഡ്, ഓണ്‍ലൈൻ അപേക്ഷയുടെ പ്രിന്‍റൗട്ട് എന്നിവ നിർബന്ധമായും ഹാജരാക്കണം. പ്രവേശന ഫീസായ 940/ രൂപ മുൻപ് ഒടുക്കിയിട്ടുള്ള വിദ്യാർഥികൾ വീണ്ടും ഈ തുക ഒടുക്കേണ്ടതില്ല. ആയതിനാൽ അവർ ഈ തുക ഒടുക്കിയ രസീതിന്‍റെ പകർപ്പ് നിശ്ചയമായും കൈവശം സൂക്ഷിക്കേണ്ടതാണ്. സ്പോട്ട് അലോട്ട്മെന്റിനായി സർവകലാശാലയിലേയ്ക്ക് അപേക്ഷകൾ ഒന്നും തന്നെ അയയ്ക്കേണ്ടതില്ല.