ഇന്നും നാളെയുമായി നടത്താൻ നിശ്ചയിച്ചിരിക്കുന്ന പ്രാക്ടിക്കൽ ഉൾപ്പെടെയുള്ള പരീക്ഷകൾ മാറ്റിവച്ചു
ഇന്നും നാളെയുമായി നടത്താൻ നിശ്ചയിച്ചിരിക്കുന്ന പ്രാക്ടിക്കൽ ഉൾപ്പെടെയുള്ള എല്ലാ പരീക്ഷകളും മാറ്റിവച്ചു.നാളെയും 22നുമായി നടത്താനിരുന്ന നാലാം സെമസ്റ്റർ എൽഎൽബി (റെഗുലർ, സപ്ലിമെന്ററി) പരീക്ഷകളും മാറ്റിവച്ചു. പുതുക്കിയ തീയതി പിന്നീട്.
പ്രാക്ടിക്കൽ
2019 ജൂണിൽ നടന്ന രണ്ടാം സെമസ്റ്റർ ബിഎസ്സി (സിബിസിഎസ്, സിബിസിഎസ്എസ്) ബോട്ടണി മോഡൽ ഒന്ന്, രണ്ട്, മൂന്ന്, (കോർ, കോംപ്ലിമെന്ററി റെഗുലർ, റീഅപ്പിയറൻസ്) ബിരുദ പരീക്ഷയുടെ ഒന്നും രണ്ടും സെമസ്റ്റർ (കന്പയിൻഡ്) പ്രാക്ടിക്കൽ പരീക്ഷ 26 മുതൽ 30 വരെ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
പരീക്ഷഫലം
2019 മേയിൽ നടന്ന നാലാം സെമസ്റ്റർ ബിപിഎഡ് പരീക്ഷയുടെ (റെഗുലർ 2017 പ്രവേശനം, സപ്ലിമെന്ററി 2015 പ്രവേശനം മുതൽ) പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും 31 വരെ അപേക്ഷിക്കാം.
പിജി പ്രവേശനം; സർട്ടിഫിക്കറ്റുകൾ ഹാജരാക്കണം
2019ൽ ബിരുദാനന്തര ബിരുദത്തിന് പ്രവേശനം നേടിയ വിദ്യാർഥികളുടെ യോഗ്യതാ സർട്ടിഫിക്കറ്റുകൾ 31ന് മുന്പ് കോളജ് പ്രിൻസിപ്പൽമാർ ബന്ധപ്പെട്ട ടാബുലേഷൻ സെക്ഷനുകളിൽ പരിശോധനയ്ക്ക് ഹാജരാക്കണം.
യുജിസി പരീക്ഷ പരിശീലനം
മാനവിക വിഷയങ്ങൾക്കുള്ള യുജിസി നെറ്റ്, ജെആർഎഫ് പരീക്ഷയുടെ ജനറൽ പേപ്പറിനുള്ള പരിശീലനം എംജി സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കും. 04812731025.
ഡോക്യുമെന്ററി പ്രദർശനം
സെന്റർ ഫോർ യോഗ ആൻഡ് നാച്ചുറോപ്പതിയുടെ ആഭിമുഖ്യത്തിൽ സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്റ് സ്റ്റഡീസിന്റെ സഹകരണത്തോടെ ഇന്ന് ഡോക്യുമെന്ററി പ്രദർശനം സംഘടിപ്പിക്കും. രാവിലെ 11.30ന് സ്കൂൾ ഓഫ് ഗാന്ധിയൻ തോട്ടിലെ സെമിനാർ ഹാളിൽ എൽദോ ജേക്കബ് സംവിധാനം ചെയ്ത ’വൃക്ഷ വൈദ്യം’ ഡോക്യുമെന്ററി പ്രദർശിപ്പിക്കും.