വിഇഒ പരിശീലന കോഴ്സ് പ്രവേശന പരീക്ഷ
എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ കേരള പബ്ലിക് സർവീസ് കമ്മീഷന്റെ വില്ലേജ് എക്സറ്റൻഷൻ ഓഫീസർ (വിഇഒ) മത്സരപരീക്ഷകൾക്കായുള്ള 30 ദിവസത്തെ സൗജന്യ പരിശീലന ക്ലാസിലേക്കുള്ള പ്രവേശന പരീക്ഷ ഇന്ന് രാവിലെ പത്തിന് സർവകലാശാലാ ടാഗോർ നികേതൻ ഹാളിൽ നടക്കും. ഉദ്യോഗാർഥികൾ 9.45ന് എത്തണം.
മാത്തമാറ്റിക്സ് അസിസ്റ്റന്റ് പ്രഫസർ അഭിമുഖം
ടീച്ചർ എഡ്യുക്കേഷൻ കേന്ദ്രത്തിൽ മാത്തമാറ്റിക്സ് അസിസ്റ്റന്റ് പ്രഫസർ കരാർ നിയമനത്തിന് അപേക്ഷിച്ചവർക്കുള്ള അഭിമുഖം 19ന് രാവിലെ 11 ന് സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ.
പരീക്ഷ
ആറാം സെമസ്റ്റർ ബിടെക് 2014 സ്കീം റഗുലർ/ സപ്ലിമെന്ററി/ ഇംപ്രൂവ്മെന്റ്, 2009 സ്കീം സപ്ലിമെന്ററി പരീക്ഷ 18ന് ആരംഭിക്കും.
മൂന്നാം സെമസ്റ്റർ എംപിഎഡ് (2014 മുതൽ പ്രവേശനം) റഗുലർ/സപ്ലിമെന്ററി പരീക്ഷ 25ന് ആരംഭിക്കും.
രണ്ടാം വർഷ ബിപിഎഡ് (ഇന്റഗ്രേറ്റഡ്, 2013 മുതൽ പ്രവേശനം) റഗുലർ/സപ്ലിമെന്ററി പരീക്ഷ 18ന് ആരംഭിക്കും.
പരീക്ഷാഫലം
ജൂണിൽ നടത്തിയ നാലാം സെമസ്റ്റർ എംഎ മൾട്ടിമീഡിയ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 24 വരെ അപേക്ഷിക്കാം.
ജൂണിൽ നടത്തിയ നാലാം സെമസ്റ്റർ എംഎൽഐഎസ് സി, എംബിഎ (സിസിഎസ്എസ്) പരീക്ഷാഫലം വെബ്സൈറ്റിൽ.
ജൂണിൽ നടത്തിയ നാലാം സെമസ്റ്റർ എംകോം (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
ജൂണിൽ നടത്തിയ നാലാം സെമസ്റ്റർ എംഎ ഇംഗ്ളീഷ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 24 വരെ അപേക്ഷിക്കാം.
ബിപിഎഡ് എക്സ്റ്റേണൽ പ്രാക്ടിക്കൽ
മൂന്നാം വർഷ ബിപിഎഡ് (ഇന്റഗ്രേറ്റഡ്) എക്സ്റ്റേണൽ പ്രാക്ടിക്കൽ പരീക്ഷയുടെ പുതുക്കിയ ഷെഡ്യൂൾ വെബ്സൈറ്റിൽ.
പന്പ് ഓപ്പറേറ്റർ അഭിമുഖം മാറ്റി
എൻജിനിയറിംഗ് വിഭാഗത്തിലെ പന്പ് ഓപ്പറേറ്റർ തസ്തികയിലേക്ക് അപേക്ഷിച്ചവർക്ക് ആറ്, ഏഴ് തിയതികളിൽ നടത്താനിരുന്ന അഭിമുഖം 20, 24 തിയതികളിലേക്ക് മാറ്റി. വിവരങ്ങൾ വെബ്സൈറ്റിൽ.
കാലിക്കട്ട് സർവകലാശാലയിൽ നിന്ന് വിരമിച്ചവരുടെ ശ്രദ്ധയ്ക്ക്
വിരമിച്ച അധ്യാപകരുടെയും ജീവനക്കാരുടെയും പെൻഷൻ ആനുകൂല്യത്തിൽ നിന്നും സ്ഥിരനിക്ഷേപമായി മാറ്റിവെച്ച തുകയുടെ രശീതി ഇന്നു മുതൽ സർവകലാശാലാ ധനകാര്യ വിഭാഗത്തിൽ നിന്നും തിരിച്ചറിയൽ രേഖ, ബാങ്ക് പാസ് ബുക്ക്, പെൻഷൻ ബുക്ക് എന്നിവ സഹിതം ഹാജരാക്കുന്നവർക്ക് തിരിച്ചുകൊടുക്കും. നേരത്തെ അണ്ടർടേക്കിംഗ് ഹാജരാക്കാത്തവർ അത് ഒപ്പിട്ടുനൽകണം.