യുജി , പിജി പരീക്ഷകൾ പുനഃക്രമീകരിച്ചു
ഒക്ടോബർ, നവംബർ മാസങ്ങളിൽ നടത്താൻ നിശ്ചയിച്ചിരുന്ന യുജി (സിബിസിഎസ്, സിബിസിഎസ്എസ്), പിജി (സിഎസ്എസ്) റെഗുലർ പരീക്ഷകൾ പുനഃക്രമീകരിച്ചു. അഞ്ചാം സെമസ്റ്റർ യുജി പരീക്ഷകൾ ഒക്ടോബർ 22നും മൂന്നാം സെമസ്റ്റർ യുജി പരീക്ഷകൾ ഒക്ടോബർ 23നും ഒന്നാം സെമസ്റ്റർ യുജി പരീക്ഷകളും ഒന്നാം സെമസ്റ്റർ പിജി പരീക്ഷകളും നവംബർ നാലിനും മൂന്നാം സെമസ്റ്റർ പിജി പരീക്ഷകൾ നവംബർ അഞ്ചിനും നടത്തുന്നതിനായി പുനഃക്രമീകരിച്ചു. നവംബർ 18 മുതൽ 29 വരെ കേന്ദ്രീകൃത മൂല്യനിർണയ ക്യാന്പ് നടക്കും.
വൈവാവോസി
ഇടക്കൊച്ചി ആവില കോളജ് ഓഫ് എജ്യൂക്കേഷൻ, പൂത്തോട്ട എസ്എഎം കോളജ് ഓഫ് എജ്യൂക്കേഷൻ, മൈലകൊന്പ് സെന്റ് തോമസ് കോളജ് ഓഫ് ടീച്ചർ എജ്യൂക്കേഷൻ, മാന്നാനം സെന്റ് ജോസഫ്സ് ട്രെയിനിംഗ് കോളജ് എന്നിവിടങ്ങളിൽ 23ന് നടത്താനിരുന്ന നാലാം സെമസ്റ്റർ എംഎഡ് ദ്വിവത്സര (2017 അഡ്മിഷൻ റെഗുലർ, 2016, 2015 അഡ്മിഷൻ സപ്ലിമെന്ററി) ജൂണ് 2019 പരീക്ഷയുടെ വൈവാവോസി 30ന് എംജി യൂണിവേഴ്സിറ്റി സ്കൂൾ ഓഫ് പെഡഗോഗിക്കൽ സയൻസസിൽ നടക്കും. വിദ്യാർഥികൾ ഹാൾടിക്കറ്റും തീസിസിന്റെ രണ്ടു പകർപ്പുകളുമായി എത്തണം.
പരീക്ഷഫലം
2019 മേയിൽ നടന്ന നാലാം സെമസ്റ്റർ എംകോം (സിഎസ്എസ് റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ ഒന്പതുവരെ അപേക്ഷിക്കാം.
2019 മേയിൽ നടന്ന നാലാം സെമസ്റ്റർ എംഎസ്സി ഫുഡ് ആൻഡ് ഇൻഡസ്ട്രിയൽ മൈക്രോബയോളജി (റഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ അഞ്ചുവരെ അപേക്ഷിക്കാം.
2019 മേയിൽ നടന്ന നാലാം സെമസ്റ്റർ എംഎസ്സി ഫുഡ് ടെക്നോളജി ആൻഡ്് ക്വാളിറ്റി അഷ്വറൻസ് (റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ അഞ്ചുവരെ അപേക്ഷിക്കാം.
2018 ഡിസംബറിൽ നടന്ന ആറാം സെമസ്റ്റർ ബിടെക് (സപ്ലിമെന്ററി, മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ ഒന്പതുവരെ അപേക്ഷിക്കാം.
2019 ഏപ്രിലിൽ നടന്ന ഒന്നാം സെമസ്റ്റർ മാസ്റ്റർ ഓഫ് സയൻസ്,മാസ്റ്റർ ഓഫ് അപ്ലൈഡ് സയൻസ് ബയോമെഡിക്കൽ ഇൻസ്ട്രുമെന്റേഷൻ (നോണ് സിഎസ്എസ് റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഒക്ടോബർ ഒന്പതുവരെ അപേക്ഷിക്കാം.
പരീക്ഷ പരിശീലനം
ബികോം (കോഓപ്പറേഷൻ), ജെഡിസി, എച്ച്ഡിസി യോഗ്യതയുള്ളവർക്ക്, സഹകരണ സംഘങ്ങളിലെ ജൂനിയർ ക്ലർക്ക്, സെക്രട്ടറി തസ്തികകളിലേക്ക് നിയമനത്തിനായി കോഓപ്പറേറ്റീവ് സർവീസ് എക്സാമിനേഷൻ ബോർഡ് നടത്തുന്ന പരീക്ഷയ്ക്കുള്ള സൗജന്യ തീവ്രപരിശീലന പരിപാടി എംജി യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കുന്നു. 04812731025.