അഖിലേന്ത്യാ സസ്യശാസ്ത്ര സമ്മേളനം
കോഴിക്കോട്: ഇന്ത്യന്‍ ബൊട്ടാണിക്കല്‍ സൊസൈറ്റിയുടെ 42ാമത് സസ്യശാസ്ത്ര സമ്മേളനം 38 വര്‍ഷത്തെ ഇടവേളക്കുശേഷം കാലിക്കട്ട് സര്‍വകലാശാലയില്‍ സംഘടിപ്പിക്കും. നവംബര്‍ ആറിന് സര്‍വകലാശാലാ വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ ഉദ്ഘാടനം നിര്‍വഹിക്കും. ഇന്ത്യന്‍ ബൊട്ടാണിക്കല്‍ സൊസൈറ്റി പ്രസിഡന്‍റ് പ്രഫ.അശ്വിനികുമാര്‍, സെക്രട്ടറി പ്രഫ.ശേഷു ലവാനിയ തുടങ്ങിയവര്‍ സംബന്ധിക്കും.സമ്മേളനത്തോടനുബന്ധിച്ചു വിവിധ കലാപരിപാടികളും ഉണ്ടായിരിക്കും. നവംബര്‍ എട്ടിന് സമാപിക്കും.
സിഡിഎംആര്‍പി എബിലിറ്റി കഫേ
മനഃശാസ്ത്ര പഠനവകുപ്പിന് കീഴിലെ കമ്മ്യൂണിറ്റി ഡിസെബിലിറ്റി മാനേജ്മെന്‍റ് ആൻഡ് റീഹാബിലിറ്റേഷന്‍ പ്രോഗ്രാമിന്റെയും സാമൂഹ്യനീതി വകുപ്പിന്‍റെയും നേതൃത്വത്തില്‍ ഭിന്നശേഷിയുള്ള വിദ്യാര്‍ഥികളെ സ്വയം തൊഴില്‍ ശേഷി ആര്‍ജ്ജിക്കാന്‍ പരിശീലനം നല്‍കും. ഇതിനായി അഞ്ച് കഫേകൾ തുടങ്ങും.
ശില്‍പ്പശാല സമാപിച്ചു
യുജിസിഹ്യൂമണ്‍ റിസോഴ്സ് ഡവലപ്മെന്‍റ്സെന്‍ററിനു കീഴില്‍ കോളജ്സര്‍വകലാശാലാ അധ്യാപകര്‍ക്കായി ഇകണ്ടന്‍റ് ഡവലപ്മെന്‍റില്‍ നടത്തിയ രണ്ടാഴ്ചത്തെ പരിശീലന പരിപാടി സമാപിച്ചു. സിന്‍ഡിക്കറ്റ് അംഗം ഡോ.എം.എം.നാരായണന്‍ സമാപന പരിപാടി ഉദ്ഘാടനം ചെയ്തു. ഡോ.പി.ശിവദാസന്‍ , എച്ച്ആര്‍ഡിസി ഡയറക്ടര്‍ ഡോ.എം.എ.ജോസഫ് തുടങ്ങിയവര്‍ പ്രസംഗിച്ചു.
സപ്ലിമെന്‍ററി പരീക്ഷ
അഫിലിയേറ്റഡ് കോളജുകളിലെ എല്ലാ അവസരങ്ങളും കഴിഞ്ഞവര്‍ക്കുള്ള ഒന്നാം സെമസ്റ്റര്‍ ബിഎ/ബിഎ അഫ്സല്‍ഉല്‍ ഉലമ/ബിഎസ്‌സി/ബികോം (2009 മുതല്‍ 2011 വരെ പ്രവേശനം) സ്പെഷല്‍ സപ്ലിമെന്‍ററി പരീക്ഷ 30 മുതല്‍ സര്‍വകലാശാലാ ടാഗോര്‍ നികേതന്‍ ഹാളില്‍ നടക്കും.
പരീക്ഷാ അപേക്ഷ
ഒന്നാം സെമസ്റ്റര്‍ ബിപിഎഡ് (ദ്വിവത്സരം, 2017 മുതല്‍ പ്രവേശനം) റഗുലര്‍/സപ്ലിമെന്‍ററി പരീക്ഷയ്ക്ക് പിഴകൂടാതെ നവംബര്‍ ആറ് വരെയും 170 രൂപ പിഴയോടെ ഏഴ് വരെയും ഫീസടച്ച് എട്ട് വരെ രജിസ്റ്റര്‍ ചെയ്യാം.
പരീക്ഷാഫലം
2018 ഒക്ടോബറില്‍ നടത്തിയ ഒന്നാം സെമസ്റ്റര്‍ എംഫില്‍ സ്റ്റാറ്റിസ്റ്റിക്സ് പരീക്ഷാഫലം വെബ്സൈറ്റില്‍ . ജൂണില്‍ നടത്തിയ നാലാം സെമസ്റ്റര്‍ എംടിഎച്ച്എം (സിയുസിഎസ്എസ്) പരീക്ഷാഫലം വെബ്സൈറ്റില്‍ . പുനര്‍മൂല്യനിര്‍ണയത്തിന് നവംബര്‍ ഏഴു വരെ അപേക്ഷിക്കാം.