സർവകലാശാലാ പെൻഷൻകാർ 20-നകം ജീവൽ പത്രിക സമർപ്പിക്കണം
കാലിക്കട്ട് സർവകലാശാലയിൽ നിന്നും വിരമിച്ച പെൻഷൻകാർ എല്ലാ വർഷവും സമർപ്പിക്കേണ്ട ജീവൽ പത്രിക, നോണ് എംപ്ലോയ്മെന്റ് സർട്ടിഫിക്കറ്റ് എന്നിവയും, ഫാമിലി പെൻഷൻ വാങ്ങുന്നവർ ജീവൽ പത്രികയോടൊപ്പം പുനർവിവാഹം നടത്തിയിട്ടില്ല എന്ന് തെളിയിക്കുന്ന സർട്ടിഫിക്കറ്റും സമർപ്പിക്കേണ്ട അവസാന തിയതി 20.
സർട്ടിഫിക്കറ്റ് യഥാസമയം സമർപ്പിക്കാത്തവരുടെ പെൻഷൻ ഇനിയൊരറിയിപ്പില്ലാതെ തടയുന്നതായിരിക്കും. സർട്ടിഫിക്കറ്റിന്റെ മാതൃക ഫിനാൻസ് വിഭാഗത്തിലും വെബ്സൈറ്റിലെ പെൻഷനേഴ്സ് സ്പോട്ടിലും ലഭ്യമാണ്. സാക്ഷ്യപ്പെടുത്തുന്ന ഉദ്യോഗസ്ഥന്റെ പേര്, ഔദ്യോഗിക പദവി, തിയതി എന്നിവ ഓഫീസ് സീലിനൊപ്പം ഉണ്ടെന്ന് ഉറപ്പുവരുത്തണം. പെൻഷനോടൊപ്പം കുടുംബ പെൻഷനും പറ്റുന്ന പെൻഷൻകാർ അവരുടെ രണ്ട് ഐഡി നന്പറുകളും യഥാസ്ഥാനത്ത് രേഖപ്പെടുത്തണം.
രണ്ടാം സെമസ്റ്റർ യുജി മൂല്യനിർണയ ക്യാന്പ്
ഒക്ടോബർ 30ന് നടത്തേണ്ടിയിരുന്ന രണ്ടാം സെമസ്റ്റർ യുജി (സിയുസിബിസിഎസ്എസ്) ഏപ്രിൽ 2019 പരീക്ഷയുടെ സെൻട്രലി മോണിറ്റേഡ് മൂല്യനിർണയ ക്യാന്പ് ഏഴിലേക്ക് മാറ്റി. അഫിലിയേറ്റഡ് ആർട്സ് ആൻഡ് സയൻസ് കോളജുകളിൽ നവംബർ ഏഴിന് റഗുലർ ക്ലാസുകൾ ഉണ്ടായിരിക്കുന്നതല്ല. എല്ലാ അധ്യാപകരും ക്യാന്പിൽ പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു. വിവരങ്ങൾ അറിയുന്നതിന് ക്യാന്പ് ചെയർമാൻമാരുമായി ബന്ധപ്പടണം. വിശദാംശങ്ങൾ വെബ്സൈറ്റിൽ ലഭ്യമാണ്. നിയമന ഉത്തരവ് ലഭിക്കാത്തവർ രാവിലെ പത്തിന് മുന്പ് ക്യാന്പിലെത്തി ഉത്തരവ് കൈപ്പറ്റണം.
പരീക്ഷാ അപേക്ഷ
ഒന്നാം സെമസ്റ്റർ ബിഎഡ് (ദ്വിവത്സരം, 2017 സിലബസ്2017 മുതൽ പ്രവേശനം) റഗുലർ/സപ്ലിമെന്ററി പരീക്ഷക്ക് പിഴകൂടാതെ 14 വരെയും 170 രൂപ പിഴയോടെ 16 വരെയും ഫീസടച്ച് 18 വരെ രജിസ്റ്റർ ചെയ്യാം.
മൂന്നാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഹിയറിംഗ് ഇംപയർമെന്റ്) 2017 മുതൽ പ്രവേശനം റഗുലർ/ സപ്ലിമെന്ററി പരീക്ഷയ്ക്ക് നാല് മുതൽ 16 വരെ അപേക്ഷിക്കാം.
ഈയടുത്ത് ഫലം പ്രസിദ്ധീകരിച്ച കൊടകര സഹൃദയ കോളജ് ഓഫ് അഡ്വാൻസ്ഡ് സ്റ്റഡീസിലെ രണ്ടാം സെമസ്റ്റർ ബികോം പ്രഫഷണൽ (സിയുസിബിസിഎസ്എസ്) വിദ്യാർഥികളുടെ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ നവംബർ അഞ്ച് വരെയും 170 രൂപ പിഴയോടെ ആറ് വരെയും ഫീസടച്ച് ഏഴ് വരെ രജിസ്റ്റർ ചെയ്യാം.
പുനർമൂല്യനിർണയ ഫലം
ഒന്നാം സെമസ്റ്റർ എംകോം (സിയുസിഎസ്എസ്) ഡിസംബർ 2018 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
പരീക്ഷാഫലം
2018 ജൂണിൽ നടത്തിയ രണ്ടാം സെമസ്റ്റർ എംഎ അറബിക് (സിസിഎസ്എസ്) പരീക്ഷാഫലം വെബ്സൈറ്റിൽ.
ഏപ്രിലിൽ നടത്തിയ രണ്ടാം സെമസ്റ്റർ എം.എ സോഷ്യോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
നാലാം വർഷ ബിഎച്ച്എം (ഏപ്രിൽ 2019) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 14 വരെ അപേക്ഷിക്കാം.
2018 ഡിസംബറിൽ നടത്തിയ മൂന്നാം സെമസ്റ്റർ എംടെക് ഇൻ പവർ ഇലക്ട്രോണിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ.