അഞ്ചാം സെമസ്റ്റർ റെഗുലർ & സപ്ലിമെന്ററി പരീക്ഷയുടെ ടൈംടേബിൾ
ഡിസംബർ 10 ന് ആരംഭിക്കുന്ന എംസിഎ (2015 സ്കീം) അഞ്ചാം സെമസ്റ്റർ റെഗുലർ & സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ.
2019 ഡിസംബർ നാലിന് ആരംഭിക്കുന്ന മൂന്നാം സെമസ്റ്റർ എംബിഎ (2014 & 2018 സ്കീം ഫുൾടൈം (യുഐഎം ഉൾപ്പെടെ/ട്രാവൽ ആൻഡ് ടൂറിസം/റെഗുലർ (ഈവനിംഗ്) പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
2019 ഓഗസ്റ്റിൽ നടന്ന നാലാം സെമസ്റ്റർ എംബിഎ (ഫുൾടൈം/റെഗുലർ ഈവനിംഗ്/യുഐഎം/ട്രാവൽ ആൻഡ് ടൂറിസം) (2014 സ്കീം) പരീക്ഷയുടെ പ്രോജക്ട്/വൈവ ഡിസംബർ 3 മുതൽ ആരംഭിക്കുന്നതാണ്. വിശദമായ ടൈംടേബിൾ വെബ്സൈറ്റിൽ.
ഡിസംബർ ആറിന് ആരംഭിക്കുന്ന ഒന്നാം സെമസ്റ്റർ പി.ജി പരീക്ഷകളുടെ വിശദമായ ടൈംടേബിൾ വെബ്സൈറ്റിൽ.
പുതുക്കിയ പരീക്ഷാതീയതി
2019 ഡിസംബർ ഒന്പതിന് ആരംഭിക്കാനിരുന്ന അഞ്ചാം സെമസ്റ്റർ യൂണിറ്ററി എൽഎൽബി ത്രിവത്സര പരീക്ഷകൾ 2020 ജനുവരി മൂന്നിന് ആരംഭിക്കും.
2019 ഡിസംബർ 11 മുതൽ നടത്താൻ നിശ്ചയിച്ചിരുന്ന മൂന്നാം സെമസ്റ്റർ എംഎ/എംഎസ്സി/എംകോം പരീക്ഷകൾ ഡിസംബർ 30ന് ആരംഭിക്കും. നാലാം സെമസ്റ്റർ പി.ജി ക്ലാസുകൾ 2020 ജനുവരി ഒന്പതിന് ആരംഭിക്കും. പ്രോജക്ട് സമർപ്പിക്കുന്നതിനുളള അവസാന തീയതി 2020 ഏപ്രിൽ 16.
തീയതി നീട്ടി
2018 ഡിസംബറിൽ നടത്തിയ മൂന്നാം സെമസ്റ്റർ ബിഎസ്സി ബോട്ടണി ആൻഡ് ബയോടെക്നോളജി, ബിഎസ്സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (2013 അഡ്മിഷന് മുൻപ്) (2012 അഡ്മിഷൻ സപ്ലിമെന്ററി, 2010, 2011 അഡ്മിഷൻ മേഴ്സിചാൻസ്) പരീക്ഷകളുടെ പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കാനുളള തീയതി ഡിസംബർ 10 വരെ നീട്ടി.
ദശദിന പഠന ക്യാന്പ്
അറബിക് വിഭാഗം എക്സ്റ്റൻഷൻ പ്രവർത്തനങ്ങളുടെ ഭാഗമായി 2020 ജനുവരി രണ്ടുമുതൽ 12 വരെ ദശദിന പഠന ക്യാന്പ് നടത്തുന്നു. അറബിക് അധ്യാപന രീതിശാസ്ത്രം, ക്ലാസ്റൂം മനഃശാസ്ത്രം, ലൈഫ് സ്കിൽസ്, മൈൻഡ് പവർ, എൻഎൽപി, നേതൃപരിശീലനം, അഡോളസെന്റ് കൗണ്സിലിംഗ്, പാരന്റിംഗ് മുതലായ വിഷയങ്ങളാണ് ചർച്ച ചെയ്യുന്നത്. സ്കൂളുകളിലെയും മദ്രസകളിലെയും അറബി ഭാഷാ അധ്യാപകർക്കും ഗവേഷകർക്കും അറബി ഭാഷാ വിദ്യാർഥികൾക്കും പങ്കെടുക്കാം. കാര്യവട്ടം കാന്പസിൽ നടക്കുന്ന പ്രോഗ്രാമിൽ പങ്കെടുക്കാൻ താല്പര്യമുളളവർ ഡിസംബർ 10 ന് മുന്പ് www.arabicku.in എന്ന സൈറ്റിൽ രജിസ്റ്റർ ചെയ്യുക. ഫോണ്: 0471 2308846, 9747318105
നാഷണൽ ക്വിസ് മത്സരം
അന്താരാഷ്ട്ര അറബിദിനത്തോട് അനുബന്ധിച്ച് സർവകലാശാല അറബിക് വിഭാഗം നാഷണൽ ക്വിസ് മത്സരം സംഘടിപ്പിക്കുന്നു. അറബിഭാഷ, സാഹിത്യം, ഇന്ത്യയിലെ അറബിയുടെ വികാസം, ഇന്ത്യൻ ഭാഷകൾക്കും നാഗരികതക്കും സംസ്കാരത്തിനും വാണിജ്യത്തിനും അറബിയുടെ സംഭാവന, ഇൻഡോഅറബ് ലിറ്ററേച്ചർ എന്നിവയുമായി ബന്ധപ്പെട്ട വിഷയങ്ങളിലാണ് മത്സരം. കാര്യവട്ടം കാന്പസിൽ ഡിസംബർ 15ന് നടക്കുന്ന മത്സരത്തിൽ പങ്കെടുക്കാൻ താല്പര്യമുള്ളവർ 9562722485 എന്ന നന്പറിൽ ബന്ധപ്പെടുക.