2019 നവംബറിൽ നടത്തിയ ഒന്നാം സെമസ്റ്റർ ബിവോക് സോഫ്റ്റ്വെയർ പരീക്ഷയുടെ പ്രാക്ടിക്കൽ 2020 ജനുവരി 14 മുതൽ 17 വരെയും ഒക്ടോബറിൽ നടത്തിയ മൂന്നാം സെമസ്റ്റർ ബിവോക് സോഫ്റ്റ്വെയർ പരീക്ഷയുടെ പ്രാക്ടിക്കൽ 2020 ജനുവരി 21 മുതൽ 24 വരെയും നടത്തും. വിശദവിവരങ്ങൾ വെബ്സൈറ്റിൽ.
2019 നവംബറിൽ നടത്തിയ ഒന്നാം സെമസ്റ്റർ ബിപിഎ വയലിൻ പരീക്ഷയുടെ പ്രാക്ടിക്കൽ 2020 ജനുവരി 28 മുതൽ 30 വരെയും 2019 ഡിസംബറിൽ നടത്തിയ അഞ്ചാം സെമസ്റ്റർ ബിപിഎ (മൃദംഗം) പരീക്ഷയുടെ പ്രാക്ടിക്കൽ 2020 ജനുവരി ആറു മുതൽ 10 വരെയും 2019 ഡിസംബറിൽ നടത്തിയ അഞ്ചാം സെമസ്റ്റർ ബിപിഎ (വോക്കൽ) പരീക്ഷയുടെ പ്രാക്ടിക്കൽ 2019 ഡിസംബർ 31 മുതലും ശ്രീ.സ്വാതി തിരുനാൾ സംഗീത കോളജിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാകേന്ദ്രം
31 ന് ആരംഭിക്കുന്ന ഒന്നാം സെമസ്റ്റർ ബിഎസ്സി മാത്തമാറ്റിക്സ് (വിദൂരവിദ്യാഭ്യാസ കേന്ദ്രം 2017, 2018 അഡ്മിഷൻ) റെഗുലർ, ഇംപ്രൂവ്മെന്റ്, സപ്ലിമെന്ററി പരീക്ഷകൾക്ക് ഗവ.ആർട്സ് കോളജ്, എംജി കോളജ്, ഗവ.സംസ്കൃത കോളജ്, എൻഎസ്എസ് കോളജ് നിലമേൽ, ഗവ.കോളജ് ആറ്റിങ്ങൽ, വിമൻസ് കോളജ്, തിരുവനന്തപുരം, വിടിഎംഎൻഎസ്എസ് കോളജ് ധനുവച്ചപുരം, കെയുസിടിഇ കാര്യവട്ടം എന്നിവ പരീക്ഷാകേന്ദ്രമായി അപേക്ഷിച്ചവർ വിദൂരവിദ്യാഭ്യാസകേന്ദ്രം (എസ്ഡിഇ) കാര്യവട്ടത്തും, എംഎസ്എം കോളജ്, കായംകുളം, ടികെഎം കോളജ്, എൻഎസ്എസ് കോളജ് പന്തളം, എസ്.എൻ കോളജ്, കൊല്ലം, ബിജെഎം ചവറ, എൻഎസ്എസ് കോളജ്, ചേർത്തല എന്നിവ പരീക്ഷാകേന്ദ്രമായി അപേക്ഷിച്ചവർ ടികെഎം കോളജ് ഓഫ് ആർട്സ് ആൻഡ് സയൻസ്, കൊല്ലത്തും ഹാൾ ടിക്കറ്റ് ഡൗണ്ലോഡ് ചെയ്ത് പരീക്ഷ എഴുതണം.
പരീക്ഷാഫീസ്
2020 ജനുവരി 29 ന് ആരംഭിക്കുന്ന മൂന്നാം വർഷ ബിഫാം സപ്ലിമെന്ററി പരീക്ഷയ്ക്ക് 2020 ജനുവരി നാലുവരെയും 150 രൂപ പിഴയോടെ ജനുവരി ഏഴുവരെയും 400 രൂപ പിഴയോടെ ജനുവരി ഒന്പതുവരെയും ഫീസ് അടയ്ക്കാം.
പരീക്ഷാഫലം
2019 നവംബറിൽ നടത്തിയ എംഫിൽ പൊളിറ്റിക്കൽ സയൻസ്, കന്പ്യൂട്ടേഷണൽ ലിംഗ്വിസ്റ്റിക്സ്, ലിംഗ്വിസ്റ്റിക്സ്, സ്റ്റാറ്റിസ്റ്റിക്സ് 2018 2019 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു.
സീറ്റ് ഒഴിവ്
സർവകലാശാലയുടെ അറബിക് വിഭാഗം ജനുവരിയിൽ ആരംഭിക്കുന്ന കമ്മ്യൂണിക്കേറ്റീവ് അറബിക് സർട്ടിഫിക്കറ്റ് കോഴ്സിന്റെ ആറാമത് ബാച്ചിൽ ഏതാനും സീറ്റ് ഒഴിവുണ്ട്. താല്പര്യമുള്ളവർ നിർദിഷ്ട അപേക്ഷാ ഫോമിൽ 30 നകം അപേക്ഷിക്കുക.