പരീക്ഷാഫീസ് - തീയതി നീട്ടി
മേയ് രണ്ടിന് ആരംഭിക്കുന്ന രണ്ടാം സെമസ്റ്റർ സിബിസിഎസ്/കരിയർ റിലേറ്റഡ് സിബിസിഎസ്എസ് ബിഎ, ബിഎസ്സി, ബികോം ഡിഗ്രി (റെഗുലർ 2019 അഡ്മിഷൻ, ഇംപ്രൂവ്മെന്റ് 2018 അഡ്മിഷൻ, 2014, 2015, 2016 & 2017 അഡ്മിഷൻ സപ്ലിമെന്ററി) പരീക്ഷകൾക്ക് 30 വരെയും 150 രൂപ പിഴയോടെ ഏപ്രിൽ രണ്ടുവരെയും 400 രൂപ പിഴയോടെ ഏപ്രിൽ നാലുവരെയും ഓണ്ലൈനായി അപേക്ഷിക്കാം.
പരീക്ഷാഫലം
2019 ഒക്ടോബറിൽ നടത്തിയ മൂന്നാം സെമസ്റ്റർ ബിഎ എസ്എൽപി (ഓൾഡ് സ്കീം) മേഴ്സിചാൻസ് ഡിഗ്രി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 31വരെ അപേക്ഷിക്കാം.
2019 ജനുവരിയിൽ നടത്തിയ മൂന്നാം സെമസ്റ്റർ എംഎഎസ്എൽപി (സിബിസിഎസ്എസ് സ്ട്രീം) പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 28വരെ അപേക്ഷിക്കാം.
കോളജ് മാറ്റത്തിന് അപേക്ഷിക്കാം
സർവകലാശാലയുടെ കീഴിലുള്ള കോളജുകളിൽ അഞ്ചാം സെമസ്റ്റർ ബിരുദ വിദ്യാർഥികൾക്ക് (സിബിസിഎസ്എസ്) 2020 21 അദ്ധ്യയന വർഷത്തിൽ കോളജ് മാറ്റത്തിനായി അപേക്ഷിക്കാവുന്നതാണ്. വിദ്യാർഥികൾ നാലാം സെമസ്റ്റർ പരീക്ഷയ്ക്ക് രജിസ്റ്റർ ചെയ്തിരിക്കണം. കോളജ് മാറ്റം ഗവണ്മെന്റ്/എയ്ഡഡ് കോളജുകൾ തമ്മിലും, സ്വാശ്രയ കോളജുകൾ തമ്മിലും അനുവദിക്കും.
പൂരിപ്പിച്ച അപേക്ഷയോടൊപ്പം പ്ലസ്ടു അല്ലെങ്കിൽ തത്തുല്യ പരീക്ഷകളുടെ മാർക്ക് ലിസ്റ്റ് സഹിതം പഠിക്കുന്ന കോളജിലെ പ്രിൻസിപ്പലിന്റെ ശുപാർശയോടെ 1050/ രൂപ ഫീസടച്ച് ചേരാൻ ഉദ്ദേശിക്കുന്ന കോളജിൽ ഏപ്രിൽ 25ന് മുൻപായി സമർപ്പിക്കേണ്ടതാണ്. തെരഞ്ഞെടുപ്പെടുകയാണെങ്കിൽ 1575/ രൂപ കൂടി അടയ്ക്കേണ്ടതാണ്. അപേക്ഷ സർവകലാശാല രജിസ്ട്രാർ തപാലിൽ ലഭിക്കേണ്ട അവസാന തീയതി ഏപ്രിൽ 30. വിശദവിവരങ്ങൾ വെബ്സൈറ്റിൽ. നിശ്ചിത തീയതിക്ക് ശേഷം ലഭിക്കുന്ന അപേക്ഷകൾ നിരസിക്കും.