മൂന്നാം സെമസ്റ്റർ എംഎഡ് ഫലം പ്രസിദ്ധീകരിച്ചു
2019 ഡിസംബറിലെ മൂന്നാം സെമസ്റ്റർ എംഎഡ്(റെഗുലർ/സപ്ലിമെന്ററി) പരീക്ഷ ഫലം പ്രസിദ്ധീകരിച്ചു.
2019 ജൂലൈയിലെ മൂന്ന്, നാല് സെമസ്റ്റർ എംഎസ്സി മാത്തമാറ്റിക്സ്(പ്രൈവറ്റ് റഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു.
യുജി, പിജി പരീക്ഷ 23 മുതൽ: പ്രത്യേക പരീക്ഷ കേന്ദ്രങ്ങൾ
ജൂണ് 23ന് ആരംഭിക്കുന്ന നാലാം സെമസ്റ്റർ ബിരുദ, ബിരുദാനന്തര ബിരുദ പരീക്ഷകൾക്കായി മറ്റു ജില്ലകളിൽ പ്രത്യേക പരീക്ഷ കേന്ദ്രളായി. ഓണ്ലൈനായി രജിസ്റ്റർ ചെയ്തവർക്ക് അതതു ജില്ലകളിൽ പരീക്ഷയെഴുതാം.
തിരുവനന്തപുരം ജില്ലയിൽ അപേക്ഷിച്ചവർ തിരുവനന്തപുരം യൂണിവേഴ്സിറ്റി കോളജിൽ പരീക്ഷയെഴുതണം. കൊല്ലം: ചവറ ഗവണ്മെന്റ് കോളജ്, ആലപ്പുഴ: യുജി പരീക്ഷഎടത്വാ സെന്റ് അലോഷ്യസ് കോളജ്, പിജി പരീക്ഷചന്പക്കുളം ഫാ. പോരുകര സിഎംഐ കോളജ്, പത്തനംതിട്ട: യുജികോഴഞ്ചേരി സെന്റ് തോമസ് കോളജ്, പിജിപത്തനംതിട്ട കാതോലിക്കേറ്റ് കോളജ്, കോട്ടയം: യുജിനാട്ടകം ഗവണ്മെന്റ് കോളജ്, പിജി കോട്ടയം ബസേലിയസ് കോളജ്, ഇടുക്കി: യുജിലബ്ബക്കട ജെപിഎം കോളജ്, നെടുങ്കണ്ടം എംഇഎസ്. കോളജ്, തൊടുപുഴ അൽ അസർ കോളജ്, പിജിയും സൈബർ ഫോറൻസികും യുജി സപ്ലിമെന്ററിക്കാരുംലബ്ബക്കട ജെപിഎം. കോളജ്, എറണാകുളം: യുജികാലടി ശ്രീശങ്കര കോളജ്, പിജിആലുവ യുസി കോളജ്, തൃശൂർ: തൃശൂർ ഗവണ്മെന്റ് ബിഎഡ് കോളജ്, പാലക്കാട്: പാലക്കാട് ഗവണ്മെന്റ് വിക്ടോറിയ കോളജ്, മലപ്പുറം: മലപ്പുറം ഗവണ്മെന്റ് കോളജ്, കോഴിക്കോട്: കോഴിക്കോട് ഗവണ്മെന്റ് ആർട്സ് കോളജ്, കണ്ണൂർ: വികെ കൃഷ്ണമേനോൻ മെമ്മോറിയൽ വിമണ്സ് കോളജ്, കാസർഗോഡ്: കാസർഗോഡ് ഗവണ്മെന്റ് കോളജ്. വയനാട്: കൽപ്പറ്റ് ഗവ. കോളജ്. ലക്ഷദ്വീപിൽ അപേക്ഷിച്ച വിദ്യാർഥികൾ കവരത്തി ഗവണ്മെന്റ് ഗേൾസ് ഹയർസെക്കൻഡറി സ്കൂളിൽ പരീക്ഷയെഴുതണം.
പ്രത്യേക കാരണങ്ങളാൽ പരീക്ഷ കേന്ദ്രം മാറ്റി രജിസ്റ്റർ ചെയ്യാൻ കഴിയാത്തതായി സർവകലാശാലയെ ഒൗദ്യോഗികമായി അറിയിച്ച വിദ്യാർഥികൾ പഠിക്കുന്ന കോളജിലെ പ്രിൻസിപ്പൽമാരെ ബന്ധപ്പെട്ടു ഹാൾ ടിക്കറ്റ് ഇമെയിൽ മുഖേന വാങ്ങി അനുവാദം ലഭിച്ച ജില്ല കേന്ദ്രത്തിൽ പരീക്ഷയെഴുതണം.
ക്യാറ്റ് പരീക്ഷാ കേന്ദ്രം മാറ്റാം
പഠനവകുപ്പുകളിലെയും ഇന്റർസ്കൂൾ സെന്ററിലെയും പിജി പ്രോഗ്രാമുകളിലേക്കുള്ള ക്യാറ്റ് 2020 പ്രവേശന പരീക്ഷ കേന്ദ്രം മാറ്റാൻ അവസരം. 25ന് വൈകുന്നേരം നാലിനകം ക്യാറ്റിന്റെ വെബ്സൈറ്റിൽ ലോഗിൻ ചെയ്തു മുൻഗണക്രമം മാറ്റാം. കോവിഡ് 19 വ്യാപനത്തിന്റെ പശ്ചാത്തലത്തിൽ ഡൽഹി, മുംബൈ, ബംഗളുരു, ചെന്നൈ എന്നീ പരീക്ഷ കേന്ദ്രങ്ങൾ റദ്ദ് ചെയ്തു. ഈ സെന്ററുകൾ തെരഞ്ഞെടുത്തവർക്ക് മറ്റു സെന്ററുകളിലേക്കു മാറാം. അല്ലെങ്കിൽ ഫീസ് റീഫണ്ടിനായി ഇ മെയിൽ വിലാസത്തിൽ അപേക്ഷ നൽകാം.