2020 ജനുവരിയിൽ നടന്ന പത്താം സെമസ്റ്റർ ബിആർക് (സപ്ലിമെന്‍ററി) പരീക്ഷയുടെ തിസിസ് മൂല്യനിർണയവും വൈവാവോസിയും എട്ടിന് നടക്കും. പരീക്ഷയ്ക്ക് രജിസ്റ്റർ ചെയ്ത വിദ്യാർഥികൾ നിർദ്ദിഷ്ട കേന്ദ്രങ്ങളിൽ രാവിലെ 9.30ന് എത്തണം. വിശദവിവരം സർവകലാശാല വെബ്സൈറ്റിൽ.
ആറാം സെമസ്റ്റർ ബിഎസ്‌സി ബോട്ടണി സപ്ലിമെന്‍ററി (20132016 അഡ്മിഷൻ സിബിസിഎസ്എസ്) ബിരുദ പരീക്ഷയുടെ പ്രാക്്ടിക്കൽ, പ്രോജക്്ട്, വൈവാവോസി എന്നിവ ഏഴ്, എട്ട്, ഒന്പത് തീയതികളിൽ കോട്ടയം ബസേലിയസ് കോളജിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
പ്രോജക്്ട് അസിസ്റ്റന്‍റ് ഒഴിവ് സ്കൂൾ ഓഫ് ഗാന്ധിയൻ തോട്ട് ആൻഡ് ഡെവലപ്മെന്‍റ് സ്റ്റഡീസിൽ പ്രോജക്്ട്് അസിസ്റ്റന്‍റിന്‍റെ താത്കാലിക ഒഴിവിലേക്കു അപേക്ഷിക്കാം. കേരളത്തിലെ പരന്പരാഗത മത്സ്യബന്ധന രീതികളെക്കുറിച്ചുള്ള ഡോക്യുമെന്ററി ചിത്രം ’കൈവിരൽത്തുന്പിൽ കണ്ണുള്ളവർ’ എന്ന പ്രോജക്്ടിലേക്കാണ് അസിസ്റ്റന്‍റിനെ നിയോഗിക്കുക. മാസം 14000 രൂപ ലഭിക്കും. ആറുമാസമാണ് കാലാവധി. യോഗ്യത: ബിരുദം, ഓഫീസ് ഫയലുകൾ കൈകാര്യം ചെയ്യാനും കംപ്യൂട്ടറിലുമുള്ള അറിവ്, ഗാന്ധിയൻ സ്റ്റഡീസ്, ഡെവലപ്മെന്‍റ് സ്റ്റഡീസിൽ എംഎ (അവസാനവർഷ വിദ്യാർഥികൾക്കും അപേക്ഷിക്കാം). അപേക്ഷകൾ എട്ടിന് മുന്പായി sasi.m
[email protected] എന്ന ഇമെയിൽ വിലാസത്തിൽ നൽകണം. 9447887321.
ജെആർഎഫ്. ഒഴിവ് കോട്ടയം തലപ്പാടി അന്തർ സർവകലാശാല ബയോമെഡിക്കൽ ഗവേഷണ കേന്ദ്രത്തിൽ ജൂനിയർ റിസർച്ച് ഫെലോയെ നിയമിക്കുന്നതിന് അപേക്ഷ ക്ഷണിച്ചു. വിശദവിവരം www.iucbr.ac.in എന്ന വെബ്സൈറ്റിൽ ലഭിക്കും.
സെനറ്റ് തെരഞ്ഞെടുപ്പ്; വോട്ടർ പട്ടിക എട്ടിന് വിദ്യാർഥി ജനറൽ കൗണ്‍സിലിൽ നിന്ന് സെനറ്റിലേക്കും സ്റ്റുഡന്‍റ്സ് കൗണ്‍സിലിലേക്കുമുള്ള വിദ്യാർഥി പ്രതിനിധികളുടെ തെരഞ്ഞെടുപ്പിന് നടപടിക്രമങ്ങൾ ആരംഭിച്ചു. വോട്ടർ പട്ടിക ജൂലൈ എട്ടിന് പ്രസിദ്ധീകരിക്കും.