അഫിലിയേറ്റ് ചെയ്തിട്ടുളള ആർട്സ് ആൻറ് സയൻസ് കോളജുകളിലെ ബിരുദ കോഴ്സുകളിലേക്കുള്ള സ്പോർട്സ് ക്വാട്ട പ്രവേശനത്തിന് അപേക്ഷിച്ചിട്ടുള്ള വിദ്യാർഥികൾ അവരുടെ പ്രൊഫൈലിൽ ലഭ്യമാക്കിയിട്ടുളള സ്പോർട്സ് ക്വാട്ട പ്രൊഫോമ തങ്ങൾ ഓപ്ഷൻ നൽകിയിട്ടുളള കോളജുകളിൽ (സ്പോർട്സ് ക്വാട്ടയിൽ പ്രവേശനത്തിന് താൽപര്യമുള്ള കോളജുകളിൽ മാത്രം) നേരിട്ടോ ഇമെയിൽ മുഖാന്തിരമോ ഓൺലൈൻ രജിസ്ട്രേഷൻ പൂർത്തിയാകുന്ന തീയതിക്ക് മുൻപായി സമർപ്പിക്കണം. കോളജുകളുടെ ഇമെയിൽ ഐഡി അഡ്മിഷൻ വെബ്സൈറ്റിൽ നൽകിയിട്ടുണ്ട്. സർട്ടിഫിക്കറ്റുകൾ അപ് ലോഡ് ചെയ്ത് നിശ്ചിത തീയതിക്ക് മുൻപായി കോളജിൽ പ്രൊഫോമ സമർപ്പിക്കുകയോ ഇമെയിൽ അയയ്ക്കുകയോ ചെയ്യുന്നവർ മാത്രമേ സ്പോർട്സ് ക്വാട്ട റാങ്ക് ലിസ്റ്റിൽ ഉൾപ്പെടുകയും പ്രവേശനത്തിന് അർഹത നേടുകയും ചെയ്യുകയുള്ളൂ. പ്രൊഫോമ സമർപ്പിച്ചിട്ടുള്ള കോളജുകളുടെ റാങ്ക് ലിസ്റ്റിൽ മാത്രമെ അപേക്ഷാർഥി ഉൾപ്പെടുകയുള്ളൂ എന്നുള്ള കാര്യം ശ്രദ്ധിക്കുക.
സ്പോർട്സ് ക്വാട്ട പ്രവേശനം സംബന്ധിച്ച മറ്റ് വിശദവിവരങ്ങൾക്ക് പ്രോസ്പെക്ടസ് കാണുക.
ബിഎ മ്യൂസിക് പ്രവേശനം മൂന്ന് ആർട്സ് ആൻഡ് സയൻസ് കോളജുകളിലെ (എച്ച്എച്ച്എംഎസ്പിബിഎൻഎസ്എസ് കോളജ് ഫോർ വിമെൻ, നീറമൺകര, ഗവൺമെൻറ് കോളജ് ഫോർ വിമെൺ, വഴുതക്കാട്, എസ്.എൻ. കോളജ് ഫോർ വിമെൻ, കൊല്ലം) ബിഎ മ്യൂസിക് കോഴ്സുകളിലേക്ക് അപേക്ഷിച്ചിട്ടുള്ള വിദ്യാർഥികൾ ഓൺലൈൻ അപേക്ഷാ ഫോമിന്റെ പകർപ്പ് അതത് കോളജുകളിൽ നേരിട്ടോ ഇമെയിൽ മുഖാന്തിരമോ ഓൺലൈൻ രജിസ്ട്രേഷൻ പൂർത്തിയാവുന്ന തീയതിക്ക് മുൻപായി സമർപ്പിക്കണം. കോളജുകളുടെ ഇമെയിൽ ഐഡി അഡ്മിഷൻ വെബ്സൈറ്റിൽ നകിയിട്ടുണ്ട്. ഇപ്രകാരം അപേക്ഷകൾ കോളജുകളിൽ നേരിട്ടോ ഇമെയിൽ മുഖേനയോ സമർപ്പിക്കുന്നവരെ മാത്രമേ ബിഎ മ്യൂസിക് പ്രവേശനത്തിനായി പരിഗണിക്കുകയുള്ളൂ.
ശ്രീ സ്വാതി തിരുനാൾ ഗവ.കോളജ് ഓഫ് മ്യൂസിക് ബിപിഎ പ്രവേശനം കേരള സർവകലാശാലയോട് അഫിലിയേറ്റ് ചെയ്തിട്ടുളള ശ്രീ.സ്വാതി തിരുനാൾ ഗവൺമെൻറ് കോളേജ് ഓഫ് മ്യൂസിക് തൈക്കാട്, തിരുവനന്തപുരം ബി.പി.എ പ്രവേശനത്തിനുളള അപേക്ഷാഫോം അഡ്മിഷൻ വെബ്സൈറ്റിൽ ലഭ്യമാണ്. പ്രസ്തുത അപേക്ഷാഫോം പൂരിപ്പിച്ച് കോളേജിൽ നേരിട്ടോ ഇമെയിൽ മുഖേനയോ സമർപ്പിക്കേണ്ടതാണ്. കോളേജിൻറെ ഇമെയിൽ വിലാസം
[email protected]. . ബി.പി.എ പ്രവേശനം സംബന്ധിച്ച വിശദവിവരങ്ങൾക്ക് 04712323027 എന്ന ഫോൺ നംപറിൽ ബന്ധപ്പെടുക.