കോളജുകൾക്ക് ഓണാവധി 27 മുതൽ സെപ്റ്റംബർ ആറു വരെ
യൂണിവേഴ്സിറ്റിക്കു കീഴിലുള്ള അഫിലിയേറ്റഡ് കോളജുകൾ ഓണാവധിക്കായി 27നു വൈകുന്നേരം അടയ്ക്കും. അവധിക്കുശേഷം സെപ്റ്റംബർ ഏഴിന് തുറക്കുമെന്നും രജിസ്ട്രാർ അറിയിച്ചു.
പരീക്ഷാഫലം
2020 ജനുവരിയിൽ നടന്ന മൂന്നാം സെമസ്റ്റർ ബിപിഎഡ് (2018 അഡ്മിഷൻ റഗുലർ, 2015 അഡ്മിഷൻ മുതൽ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യ നിർണയത്തിനും സൂക്ഷ്മപരിശോധനയ്ക്കും സെപ്റ്റംബർ മൂന്നു വരെ അപേക്ഷിക്കാം.
2019 നവംബറിൽ നടന്ന ബിടെക് സ്പെഷൽ സപ്ലിമെന്ററി പരീക്ഷയുടെ (പഴയ സ്കീം, 2008, 2009 അഡ്മിഷൻ/2010 മുതലുള്ള അഡ്മിഷൻ) ഫലം പ്രസിദ്ധീകരിച്ചു.
സദ്ഭാവന ദിന പ്രതിജ്ഞ
മുൻ പ്രധാനമന്ത്രി രാജീവ് ഗാന്ധിയുടെ ജന്മദിനമായ ഇന്ന് സദ്ഭാവന ദിനമായി ആഘോഷിക്കുന്നതിന്റെ ഭാഗമായി സർവകലാശാലയിൽ സദ്ഭാവന ദിന പ്രതിജ്ഞ നടക്കും. രാവിലെ 11ന് ഭരണവിഭാഗം മന്ദിരത്തിലെ ചത്വരത്തിലാണ് പരിപാടി നടക്കുക. കോവിഡ് പ്രോട്ടോക്കോൾ പാലിച്ചാണ് പ്രതിജ്ഞ നടക്കുക.
ദേശീയ വിദ്യാഭ്യാസ നയം:വെബിനാർ 25ന്
ദേശീയ വിദ്യാഭ്യാസ നയത്തെക്കുറിച്ച് സർവകലാശാല സംഘടിപ്പിക്കുന്ന വെബിനാർ 25നു വൈകുന്നേരം അഞ്ചിന് നടക്കും. മുൻ വിദ്യാഭ്യാസ മന്ത്രി പി.ജെ. ജോസഫ്, ദേശീയ വിദ്യാഭ്യാസ നയരൂപീകരണ സമിതി സെക്രട്ടറി ഡോ. ഷക്കീല ടി. ഷംസു, കേരള ഉന്നതവിദ്യാഭ്യാസ കൗണ്സിൽ വൈസ് ചെയർമാൻ പ്രഫ. രാജൻ ഗുരുക്കൾ, കേരള ചരിത്രഗവേഷണ കൗണ്സിൽ ഡയറക്ടർ പ്രഫ. പി. സനൽ മോഹൻ, ഐസർ എമിരറ്റസ് പ്രൊഫസറും ശാസ്ത്രസാങ്കേതിക പരിസ്ഥിതി കൗണ്സിൽ എക്സിക്യൂട്ടീവ് മുൻ വൈസ് പ്രസിഡന്റുമായ പ്രഫ. സുരേഷ് ദാസ് എന്നിവർ പങ്കെടുക്കും. വൈസ് ചാൻസലർ പ്രഫ. സാബു തോമസ് മോഡറേറ്ററാകും.
വെബെക്സ് വഴി നടക്കുന്ന വെബിനാറിൽ 1000 പേർക്കു https://mgu.webex.com/mgu/j.php?MTID=me9b2d8eb52b50afaae8e53cd800dcfe3 എന്ന ലിങ്കിലൂടെ വൈകുന്നേരം 4.50ന് വെബിനാറിൽ പങ്കെടുക്കാം.