പിജി പ്രവേശനത്തിന് അപേക്ഷ ക്ഷണിച്ചു
202021 അധ്യയന വര്ഷത്തെ ഏകജാലക ബിരുദാനന്തര ബിരുദ പ്രവേശനത്തിന് ഓണ്ലൈന് റജിസ്ട്രേഷന് ആരംഭിച്ചു. സെപ്റ്റംബര് 14 വൈകിട്ട് അഞ്ചുവരെ അപേക്ഷിക്കാം. അപേക്ഷാഫീസ്: 280 രൂപ, എസ്സി/എസ്ടി 115 രൂപ. വിശദവിവരങ്ങള് www.cuonline.ac.in വെബ്സൈറ്റില്. രണ്ട് ഘട്ടങ്ങളായാണ് ഓണ്ലൈന് അപേക്ഷ സമര്പ്പിക്കേണ്ടത്.
ആദ്യ ഘട്ടത്തില് ക്യാപ് ഐഡിയും പാസ്വേര്ഡും മൊബൈലില് ലഭ്യമാകുന്നതിന് അടിസ്ഥാന വിവരങ്ങള് നല്കണം. രണ്ടാംഘട്ടത്തില് മൊബൈലില് ലഭിച്ച ക്യാപ് ഐഡിയും പാസ്വേര്ഡും ഉപയോഗിച്ച് ലോഗിന് ചെയ്ത് അപേക്ഷ പൂര്ത്തീകരിക്കണം. അപേക്ഷയുടെ അവസാനമാണ് ഫീസ് അടച്ച് ഫൈനലൈസ് ചെയ്യേണ്ടത്. ഫീസടച്ചതിന് ശേഷം റീലോഗിന് ചെയ്ത് അപേക്ഷയുടെ പ്രിന്റൗട്ട് എടുക്കണം.
അന്തിമസമര്പ്പണം നടത്തിയതിനുശേഷമുള്ള എല്ലാ തിരുത്തലുകള്ക്കും ഓണ്ലൈന് അപേക്ഷ സമര്പ്പണത്തിന്റെ അവസാന തിയതിയോടടുപ്പിച്ച് അവസരം നല്കും. വിഭിന്നശേഷിക്കാരുടെ പ്രവേശനത്തിന് ഓണ്ലൈന് അലോട്ട്മെന്റ് ഉണ്ടായിരിക്കുന്നതല്ല. പ്രസ്തുത വിഭാഗത്തില് റജിസ്റ്റര് ചെയ്തവരുടെ റാങ്ക്ലിസ്റ്റ് അതാത് കോളജിലേക്ക് നല്കുന്നതും കോളജ് പ്രസ്തുത റാങ്ക്ലിസ്റ്റില് നിന്ന് പ്രവേശനം നടത്തുന്നതുമാണ്. റജിസ്റ്റര് ചെയ്യുന്ന വിദ്യാർഥികളുടേയോ രക്ഷിതാവിന്റെയോ ഫോണ് നമ്പര് മാത്രമേ ഓണ്ലൈന് റജിസ്ട്രേഷന് സമയത്ത് നല്കാവൂ. അലോട്ട്മെന്റ് സംബന്ധിച്ച സുപ്രധാന വിവരങ്ങള് ഓണ്ലൈന് റജിസ്ട്രേഷന് സമയത്ത് സമര്പ്പിക്കുന്ന ഫോണ് നമ്പറിലേക്ക് മാത്രമേ അയക്കുകയുള്ളൂ. ഓണ്ലൈന് അപേക്ഷയുടെ പ്രിന്റൗട്ട് സര്വകലാശാലയിലേക്ക് സമര്പ്പിക്കേണ്ടതില്ല. അഡ്മിഷന് സമയത്ത് പ്രിന്റൗട്ട്, മറ്റ് അനുബന്ധ രേഖകള്ക്കൊപ്പം അതത് കോളജുകളില് സമര്പ്പിക്കേണ്ടതാണ്. പ്രവേശനം ആഗ്രഹിക്കുന്ന എല്ലാ വിദ്യാർഥികളും (ജനറല്, മാനേജ്മെന്റ്, കമ്യൂണിറ്റി ക്വോട്ട, സ്പോര്ട്ട്സ്, വിഭിന്നശേഷി വിഭാഗക്കാര്, വിവിധ സംവരണ വിഭാഗക്കാര് ഉള്പ്പെടെ) ഓണ്ലൈനായി അപേക്ഷാസമര്പ്പണം നടത്തി അപേക്ഷയുടെ പ്രിന്റ് എടുക്കേണ്ടതാണ്. മാനേജ്മെന്റ്, സ്പോര്ട്സ് എന്നീ ക്വോട്ടയില് പ്രവേശനം ആഗ്രഹിക്കുന്നവര് പ്രവേശനം ആഗ്രഹിക്കുന്ന കോളേജുകളിലും അപേക്ഷ സമര്പ്പിക്കേണ്ടതാണ്. ഓണ്ലൈന് റജിസ്ട്രേഷന് 10 ഓപ്ഷന് നല്കാം. പുറമേ വിവിധ എയ്ഡഡ് കോളേജുകളിലെ കമ്യൂണിറ്റി ക്വോട്ടയില് പ്രവേശനം ആഗ്രഹിക്കുന്നവര് മൂന്ന് ഓപ്ഷനുകള് വരെ അധികമായി നല്കാവുന്നതാണ്. ഗവണ്മെന്റ്/എയ്ഡഡ്/സ്വാശ്രയ കോളേജുകളിലെ കോഴ്സുകളില് വിദ്യാഥികള്ക്ക് ഏറ്റവും താല്പ്പര്യമുള്ള ഓപ്ഷനുകള് മുന്ഗണനാ ക്രമത്തില് സമര്പ്പിക്കാന് ശ്രദ്ധിക്കേണ്ടതാണ്.
സ്പെഷല് പരീക്ഷ
സ്പോര്ട്സ്/എന്സിസി മത്സരങ്ങളില് പങ്കെടുത്തത് മൂലം പരീക്ഷ എഴുതാന് സാധിക്കാത്തവര്ക്കുള്ള അഞ്ചാം സെമസ്റ്റര് ബികോം/ബിഎസ്സി/ബിഎ (സിയുസിബിസിഎസ്എസ്) റഗുലര് (നവംബര് 2019), ആറാം സെമസ്റ്റര് ബിസിഎ/ബിഎ (സിയുസിബിസിഎസ്എസ്) റഗുലര് (ഏപ്രില് 2020) സ്പെഷല് പരീക്ഷ സെപ്റ്റംബര് ഏഴ് മുതല് സര്വകലാശാലാ കാമ്പസില് നടക്കും. സമയം ഉച്ചയ്ക്ക് 1.30 മുതല് 4.30 വരെ.
ബിഎ/ബിഎസ്സി ഗ്രേഡ് കാര്ഡ്
വിദൂരവിദ്യാഭ്യാസം ആറാം സെമസ്റ്റര് ബിഎ/ബിഎസ്സി ഏപ്രില് 2020 പരീക്ഷ എഴുതിയവര്ക്ക് കണ്സോളിഡേറ്റഡ് ഗ്രേഡ് കാര്ഡിന്റെ വൈറ്റ് പ്രിന്റ് വെബ്സൈറ്റില് നിന്ന് ഡൗണ്ലോഡ് ചെയ്യാം. ഗ്രേഡ് കാര്ഡ് പരീക്ഷാ കേന്ദ്രങ്ങളില് ലഭ്യമാക്കുന്നതിന് മുമ്പ് ഉന്നതപഠന പ്രവേശനത്തിനോ മറ്റ് ആവശ്യങ്ങള്ക്കോ താല്ക്കാലികമായി ഗ്രേഡ് കാര്ഡിന്റെ വൈറ്റ് പ്രിന്റ് ഡൗണ്ലോഡ് ചെയ്ത് ഉപയോഗിക്കാവുന്നതാണ്.
പരീക്ഷാഫലം
പത്താം സെമസ്റ്റര് ബി.ആര്ക് തിസീസ്/വൈവ (2012 സ്കീം2012, 13, 14 പ്രവേശനം, 2004 സ്കീം2010, 11 പ്രവേശനം) സപ്ലിമെന്ററി പരീക്ഷാഫലം വെബ്സൈറ്റില്.
പരീക്ഷകള് സെപ്റ്റംബര് 15 മുതല് നടക്കും
പരീക്ഷകള് സെപ്റ്റംബര് 15 മുതല് നടക്കും. കോവിഡ് മൂലം മറ്റ് ജില്ലകളില് അകപ്പെട്ടവര്ക്ക് പരീക്ഷാ കേന്ദ്രം മാറ്റുന്നതിന് സെപ്റ്റംബര് രണ്ട് വരെ രജിസ്റ്റര് ചെയ്യാം. ജില്ലകള്ക്കകത്ത് പരീക്ഷാ കേന്ദ്ര മാറ്റം അനുവദിക്കുന്നതല്ല. നാലാം സെമസ്റ്റര് എംപിഎഡ് (2014 മുതല് പ്രവേശനം) റഗുലര്/സപ്ലിമെന്ററി, സര്വകലാശാലാ പഠനവകുപ്പുകളിലെ നാലാം സെമസ്റ്റര് പിജി (സിസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ്, നാലാം വര്ഷ ബിഎച്ച്എം (2014 മുതല്പ്രവേശനം) റഗുലര്/സപ്ലിമെന്ററി, നാലാം സെമസ്റ്റര് ബിപിഎഡ് (2017 മുതല് പ്രവേശനം) റഗുലര്/സപ്ലിമെന്ററി, നാലാം സെമസ്റ്റര് ബിപിഎഡ് ഇന്റഗ്രേറ്റഡ് (2013 മുതല് പ്രവേശനം) റഗുലര്/സപ്ലിമെന്ററി, അവസാന വര്ഷ ബിഎഫ്എ, നാലാം സെമസ്റ്റര് എം.എഡ് (2016 മുതല് പ്രവേശനം) റഗുലര്/സപ്ലിമെന്ററി, എട്ടാം സെമസ്റ്റര് ബിടെക് (2014 സ്കീംഐഇടി വിദ്യാര്ഥികള്ക്ക്) റഗുലര്, അഞ്ചാം സെമസ്റ്റര് എംസിഎ (2013 മുതല് പ്രവേശനം) സപ്ലിമെന്ററി, രണ്ട്, നാല് സെമസ്റ്റര് എംബിഎ (സിയുസിഎസ്എസ്, കോളജ് വിദ്യാര്ഥികള്ക്ക്) 2016സ്കീം2016 മുതല് പ്രവേശനം റഗുലര്/സപ്ലിമെന്ററി (ഫുള്ടൈം/പാര്ട്ട്ടൈം), 2013 സ്കീം2015 പ്രവേശനം മാത്രം സപ്ലിമെന്ററി (ഫുള്ടൈം/പാര്ട്ട്ടൈം), രണ്ട്, നാല് സെമസ്റ്റര് എംബിഎ ഇന്റര്നാഷണല് ഫിനാന്സ്, ഹെല്ത്ത് കെയര് മാനേജ്മെന്റ് (അഫിലിയേറ്റഡ് കോളജ്, 2016 സ്കീം2016 മുതല് പ്രവേശനം) റഗുലര്/സപ്ലിമെന്ററി. വിശദവിവരങ്ങള് വെബ്സൈറ്റില്.
പിജി മൂല്യനിര്ണയ ക്യാമ്പ്
നാലാം സെമസ്റ്റര് പിജി (സിയുസിഎസ്എസ്) ഏപ്രില് 2020 പരീക്ഷയുടെ മൂല്യനിര്ണയ ക്യാമ്പ് സെപ്റ്റംബര് ഒമ്പതിന് മുതല് രാവിലെ 9.30ന് ആരംഭിക്കും. നിയമന ഉത്തരവ് പ്രന്സിപ്പല്മാര്ക്ക് അയച്ചിട്ടുണ്ട്. ക്യാമ്പിന്റെയും ചെയര്പേഴ്സണ്മാരുടെയും വിവരങ്ങള് വെബ്സൈറ്റില് ലഭ്യമാണ്.
29ന് ദേശീയ കായിക വെബിനാര്
കായിക പഠനവകുപ്പിന് കീഴില് ദേശീയ കായിക ദിനാഘോഷത്തിന്റെ ഭാഗമായി 'കായിക ക്ഷമതയുടെ പ്രാധാന്യം കോവിഡ് കാലഘട്ടത്തില്' എന്ന വിഷയത്തില് 29 ന് രാവിലെ 11 മണിക്ക് ദേശീയ വെബിനാര് സംഘടിപ്പിക്കുന്നു.
ഉദ്ഘാടനം വൈസ് ചാന്സലര് ഡോ.എം.കെ.ജയരാജ് നിര്വഹിക്കും. കായിക ക്ഷമതയുടെ പ്രാധാന്യം കോവിഡ് കാലഘട്ടത്തില് എന്ന വിഷയത്തില് മുന് അന്താരാഷ്ട്ര ഫുട്ബോള് താരം വിക്ടര് മഞ്ഞില മുഖ്യപ്രഭാഷണം നടത്തും. കായിക വിഭാഗം ഡയറക്ടര് ഡോ.വി.പി.സക്കീര് ഹുസൈന് അതിഥികളെ പരിചയപ്പെടുത്തും.